މިއަދު ބޭއްވި ނޫސްވެރިންގެ ބައްދަލުވުމެއްގައި ޒީނާ ވިދާޅުވީ، މިދިޔަ އަހަރުގެ ނޮވެމްބަރު މަހުގެ 28 ގައި، އޭނާ މަޤާމާ ހަވާލުވީއިރު، ކޯޓުގައި ހިނގަމުންދާ ކޭސްތައް ނުހިމަނާ ކުންފުނީގެ ދަރަނި އޮތީ 261 މިލިއަން ރުފިޔާގައިކަމަށެވެ.

ފެޑެރަލް ޑިމޮކްރެޓިކް ރިޕަބްލިކް އޮފް ނޭޕާލުގެ 17 ވަނަ ޖުމްހޫރީ ދުވަހުގެ މުނާސަބަތުގައި، އެޤައުމުގެ ރައީސަށާއި ބޮޑުވަޒީރަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ތަހުނިޔާއާ ހެޔޮއެދުންތައް ފޮނުއްވައިފިއެވެ.

ޔުނައިޓެޑް ޢަރަބްް އެމެރިޓްސް (ޔޫއޭއީ) ދިރުހަމު (އޭއީޑީ) އަދި ޗައިނީސް ޔުއާން އިން މުޢާމަލާތު ކުރެވޭ ގޮތް ތަޢާރަފުކުރަން ބޭންކް އޮފް މޯލްޑިވްސް، އިން ނިންމާފައިވާކަން މިރޭ އިއުލާން ކޮށްފިއެވެ. މިކަން އިޢުލާން ކުރެއްވީ މިރޭ ކުރިއަށްދާ ބީއެމްއެލް އަހަރީ ޢާއްމު ޖަލްސާގައި ބީއެމްއެލްގެ ސީއީއޯ ކާރލް ސްޓުމްކަ އެވެ.

މަޖިލީހުގެ ރައީސް އަބްދުއްރަޙީމް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ 20 ވަނަ ރައްޔިތުންގެ މަޖިލީހުގެ ރައީސްކަމުގެ މަޤާމަށް އެމަނިކުފާނުގެ ނަން ހުށަހަޅުއްވައި ދެއްވި ކަމަށްޓަކައި، ރައީސުލްޖުމްހޫރިއްޔާ ޑރ.މުޙައްމަދު މުއިއްޒަށާއި އެމަނިކުފާނަށް ވޯޓުދެއްވި މެންބަރުންނަށް އަދި ފުނަދޫ ދާއިރާގެ ރައްޔިތުންނަށް ޝުކުރު ދަންނަވާ ކަމަށެވެ.

ހަތަރުވަނަ ސިޑްސް ކޮންފެރެންސްގެ ތެރެއިން، "ސްމާޓް މޯލްޑިވްސް - ޖަރނީ ޓުވާޑްސް އަ ޑިޖިޓަލީ އިންކްލޫސިވް ކޮމިއުނިޓީ" ގެ ނަމުގައި ބޭއްވި އިތުރު އިވެންޓެއްގައި ވާހަކަފުޅު ދައްކަވަމުން ރައީސް ޑރ. މުޙައްމަދު މުޢިއްޒު ވަނީ ޑިޖިޓަލް އިޤްތިޞާދެއް ބިނާ ކުރުމަށް ސިޑްސް ޤައުމުތަކަށް ގޮވާލައްވާފައެވެ.

މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން މިއަދު ހާމަ ކުރެއްވި ގޮތުގައި ވަޒީރު ޝިޔާމާއި ވުޒާރާގެ އިސް އޮފިޝަލުން، ރާއްޖޭގައި ހުންނަވާ ޗައިނާގެ ސަފީރު ވަންގް ލިކްސިން އާއި ޗައިނާގެ ފުޖިއަން ޕްރޮވިންސްގެ ޑިޕާޓްމަންޓް އޮފް އޯޝަން އެންޑް ފިޝަރީޒް ރިސޯސަސްގެ އިސް އޮފިޝަލުންނާއެކު ވަނީ މަޝްވަރާ ބައްދަލުވުމެއް ބާއްވާފައެވެ.

އިންޑިއާގެ ހިލޭ އެހީގެ ދަށުން ކުރިއަށް ގެންދަން ރާވާފައި ހުރި މަޝްރޫތަކާ ގުޅޭގޮތުން ރާއްޖޭގެ ސަރުކާރާއިއެކު މަޝްވަރާކޮށްފިއެވެ. އިންޑިއާގެ ހިލޭ އެހީގެ ދަށުން 65 ޕްރޮޖެކްޓެއް ކުރިއަށް ގެންދިއުމަށް ނިންމާފައިވެއެވެ. އެ ޕްރޮޖެކްޓްތަކުގެ ޖުމްލަ އަގަކީ 360 މިލިއަން ރުފިޔާއެވެ.

މޫސުމާ ބެހޭ ޤައުމީ އިދާރާއިން މިރޭ ހާމަ ކުރެއްވި ގޮތުގައި، ހދ. އަތޮޅުގެ ބައެއް ރަށްތަކުގެ ބިންގަނޑަށް ލޮޅުމެއް އައި ކަމުގެ ރިޕޯޓުތަކާ ގުޅިގެން މިހާތަނަށް ބެލިބެލުމުން ހދ. ހަނިމާދޫގައި ގާއިމުކޮށްފައިވާ ބިންހެލުން ރިކޯޑު ކުރާ މީޓަރަށް މިރޭ ލޮޅުމެއްގެ އަސަރު ކޮށްފައިވާކަން ވަނީ އެނގިފައެވެ.

ބިންވެރިޔާ ސްކީމުގެ ދަށުން ގިރާވަރުފަޅުން ގޯތި ލިބުނު މީހުންގެ ތެރެއިން ގުޅީފަޅަށް ގޯތި ބަދަލުކުރަން މި ސަރުކާރުން ހުޅުވާލި ފުރުސަތުގައި 2210 މީހުން ވަނީ އެ ކަމަށް އެދި ފޯމު ހުށަހަޅާފައެވެ. މީގެ ތެރެއިން 1،250 އަކަފޫޓުގެ ގޯތިތަކާއި 1،650 އަކަފޫޓުގެ ގޯތިތަކަށް ހުށަހެޅި ފަރާތްތަކުގެ އަދަދު، ކަނޑައެޅިފައިވާ ގޯތިތަކުގެ އަދަދަށް ވުރެ ގިނަ ވުމުން ގޯތި ބަދަލު ކުރެވޭ ފަރާތްތައް ކަނޑައަޅާނީ ގުރުއަތުންނެވެ.

މިއަދު ރައީސުލްޖުމްހޫރިއްޔާގެ އޮފީހުން ހާަމަކުރެއްވި ގޮތުގައި، ރައީސް ޑރ. މުޙައްމަދު މުޢިއްޒު ވަނީ، ސިޑްސް ކޮންފަރެންސްގައި ބައިވެރިވަޑައިގަތުމަށް އެންޓިގޫއާ އާއި ބާބޫޑާ އަށް ވަޑައިގެން، އދ. ގެ ސެކްރެޓްރީ ޖެނެރަލް، އެންޓޯނިއޯ ގުޓެރެސް އާ ބައްދަލުކުރައްވާފައެވެ.

ހަތަރުވަނަ 'އިންޓަރނޭޝަނަލް ކޮންފަރެންސް އޮން ސްމޯލް އައިލެންޑް ޑިވެލޮޕިންގ ސްޓޭޓްސް (ސިޑްސް)' މަހާސިންތާ ހުޅުވުމުގެ ރަސްމިއްޔާތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ބައިވެރިވެވަޑައިގެންފިއެވެ.

ވިހިވަނަ ރައްޔިތުންގެ މަޖިލީހުގެ މާލިއްޔަތު ކޮމިޓީގެ މުގައްރިރުކަން ޖުމްހޫރީ ޕާޓީގެ ލީޑަރު ގާސިމް އިބްރާހީމަށް އަދި 241 ކޮމިޓީގެ މުގައްރިރަކަށް އޭދަފުށީ ދާއިރާގެ މެންބަރު އަހްމަދު ސަލީމް އައްޔަނު ކުރަން ނިންމައިފިއެވެ.

ހުޅުމާލޭ ޖަލުގައި ޙުކުމް ތަންފީޒު ކުރަމުން ދިޔަ މީހަކު މަރުވެއްޖެއެވެ. މޯލްޑިވްސް ކަރެކްޝަނަލް ސާވިސް އިން މިއަދު ހާމަކުރެއްވި ގޮތުގައި، މަރުވެފައި ވަނީ ޢުމުރުން 83 އަހަރުގެ ތ. ތިމަރަފުށީ / މިނިވަން އައްސޭރި އާދަމް އަލި މަނިކު ނަމަކަށް ކިޔާ މީހެކެވެ.

މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓަރސް (މަޓާޓޯ) އިން އިންޑިއަން އެސޯސިއޭޝަން އޮފް ޓުއާ އޮޕަރޭޓަރސް (އަޔާޓޯ) އާއި އެކު އެއްބަސްވުމެއްގައި ސޮއިކޮށްފިއެވެ. މިއަދު މަޓޯޓާ  އާއި އަޔޯޓާއާ ދެމެދު އެއްބަސްވުމެއްގައި ސޮއިކޮށްފައިވަނީ ދިވެހިރާއްޖެއާއި އިންޑިއާއާއި ދެމެދު ފަތުރުވެރިކަމުގެ އެއްބާރުލުން އިތުރުކޮށް ފަތުރުވެރިކަމުގެ ސިނާޔަތާއި ގާތް ގުޅުމެއް އުފެއްދުމާއި ދެފަރާތުގެ ކުރިއެރުމަށް މަސައްކަތްކުރުމުގެ މަގުސަދުގައެވެ.

ރާއްޖޭގެ ހުރިހާ ހިސާބަކަށްވެސް މޫސުން ގޯސްވާނެކަމަށް ލަފާކޮށް، މިއަދު މޫސުމާ ބެހޭ މުޅި ރާއްޖެއަށް އިދާރާއިން ހުދު ސަމާލު ނެރެފައިވަނީ، މިއަދު ހަވީރު 15:30 އިން ފެށިގެން 21:30 އާ ހަމައެވެ.

ފަރަންސޭސިވިލާތުން ސްރީލަންކާ އާއި ރާއްޖެއަށް ކަނޑައަޅާފައިވާ ސަފީރު ޖޯން-ފްރަންސުއާ ޕަކްތެތު އަވަހާރަވެއްޖެ އެވެ. ސްރީލަންކާގެ ފުލުހުން ހާމަ ކުރެއްވި ގޮތުގައި ޕަކްތެތް އަވަހާރަވެފައި އޮއްވާ ފެނިފައިވަނީ ލަންކާގައި އޭނާ ދިރިއުޅުއްވާ ގެކޮޅުންނެވެ.

މީހަކު ރަހީނުކޮށްގެން ގެންގުޅެ، އެ މީހާއަށް އަނިޔާކޮށް، އޭނާގެ އަތުން ފޭރުނު މައްސަލައިގައި މިއަދު ހައްޔަރު ކޮށްފައިވަނީ ފ. ނިލަންދުއަށް ނިސްބަތްވާ 39 އަހަރުގެ އަންހެނަކާއި 40 އަހަރުގެ ފިރިހެނެކެއެވެ. މި ދެމީހުން މިއަދު ކްރިމިނަލް ކޯޓަށް ހާޒިރުކުމުން، ކޯޓުން ވަނީ އެމީހުންގެ ބަންދަށް 10 ދުވަސް ޖަހާފައެވެ.

މި މަހު 13 ވަނަ ދުވަހު ބަނޑޭރިކޮށީގެ އެޕާޓްމެންޓެއްގެ ތެރެއިން މަރުވެފައި އޮއްވާ ފެނުނު ގދ. ހޯޑެއްދޫ، ވިލިނގިލީގެ ހައްމާދު ސަޢީދުގެ ހަށިގަނޑު މިއަދު ވަޅުލައިފައިވަނީ އޭނާގެ ހަށިގަނޑު ފެނުނުތާ 12 ދުވަސްފަހުން، ހުޅުމާލެ ސަހަރާގައެވެ.

ވިހިވަނަ ރައްޔިތުންގެ މަޖިލީހަށް އިންތިޚާބުވި މެންބަރުން، އިދާރާއަށް އަހުލުވެރިކުރުވުމަށް، ޚާއްސަ ސެޝަނެއް މިއަދު ކުރިއަށް ގެންގޮސްފިއެވެ. މަޖިލިސް އިދާރާއިން މިއަދު މީސްމީޑިޔާގައި ހިއްސާކޮށްފައިވާގޮތުގައި، ވިހިވަނަ މަޖިލީހަށް އިންތިޚާބުވި 93 މެންބަރުންގެ ތެރެއިން ގިނަ މެންބަރުން ވަނީ މި ސެޝަނުގައި ބައިވެރިވެވަޑައިގެންފައެވެ.

ޗައިނާގެ ޗެމްބަރ އޮފް ކޮމާސް އިން ހަދިޔާ ކުރި ފިޔާ ބެހުމުގެ މަސައްކަތުގައި އިސްކޮށް ހަރަކާތްތެރިވި ޖަމިއްޔާ 'ދަ ކޮމޮނާސް' އިން މައުލޫމާތު ދިން ގޮތުގައި، ފިޔާ ބެހުމުގެ މަސައްކަތް މިހާރު ވަނީ ކާމިޔާބު ކަމާއެކު ނިންމާލެވިފައެވެ. ހުޅުމާލެ ދެވަނަ ފިޔަވަހީގެ ހިޔާ ސަރަހައްދުގައި ފިޔާ ބެހުމުގެ މަސައްކަތް ފަށާފައިވަނީ މިއަދު ހެނދުނު 09:00 ގައެވެ. އަދި މިއަދުގެ އިރުއޮއްސުމާ ހަމައަށް ފިޔާ ބެހުމުގެ މަސައްކަތް މުޅިން ނިންމާލާފައިވާއިރު، ޖުމުލަ 44 ޓަނުގެ ފިޔާ، 7000 އަށް ވުރެ ގިނަ މީހުންނަށް ވަނީ ފޯރުކޮށްދީފައެވެ.

ހިޔާ ފްލެޓުތަކުގައި، މި ވަގުތު ބަހަމުން ދަނީ، ޗައިނާގެ ޗެމްބަ އޮފް ކޮމާސް އިން ހަދިޔާކޮށްފައިވާ 44 ޓަނުގެ ފިޔަ އެވެ. ފިޔާ ބެހުމުގެ މަސައްކަތާ ހަވާލުވެ، އެ މަސައްކަތް ކުރަމުންދަނީ، 'ދަ ކޮމޮނަރސް' އެންޖީއޯގެ ފަރައިތުންނެވެ. އެ ޖަމިއްޔާއިން ފިޔާ ބެހުމުގެ މަސައްކަތް ކުރިއަށް ގެންދަނީ އެޗްޑީސީ އާއި، އެސްޓީއޯ އަދި ޗައިނާ އެމްބަސީ ގުޅިގެންނެވެ.

މިރޭ 20:30 ހާއިރު، "ގޯމީލް" ކެފޭ ތެރޭ ހުރި ބިޔަ ގަހެއްގެ ގޮފިތައް ވަނީ އެތަނާ އިންވެގެން ހުންނަ ސިންދިތާ ފިހާރަ ކުރިމަތީ ހުންނަ ޕާކިން ޒޯނަށް ވެއްޓިފައެވެ. ގަސް ވެއްޓުނު ދިމާލުގައި ހުރި ގިނަ ސައިކަލުތައް ގަސް ދަށު ވެފައިވާއިރު، ސައިކަލު ތަކަށް ވަނީ ބޮޑެތި ގެއްލުންތަކެއް ލިބިފައެވެ.

ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން ކުރިޔަށް ގެންދާ "ޖަމްޢިއްޔާތަކުގެ މަހާސިންތާ 2024" ފަށައިފިއެވެ. މިއަދު ފެށި މި މަހާސިންތާ ކުރިޔަށް ދަނީ ގއ. ވިލިގިލީ ތައުލީމީ މަރުކަޒުގެ ހޯލުގައި އެވެ. މަހާސިންތާ ފެށުމުގެ ރަސްމިއްޔާތު ޝަރަފުވެރި ކޮށްދެއްވީ ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވަޒީރު އިބްރާހިމް ވަހީދު އެވެ.

ފުލުހުން މިރޭ ހާމަކުރެއްވި ގޮތުގައި ތ. މަޑިފުށި / ނައިޓްރޯސް، ޢާއިޝަތު ޒޯޔާ ފިކުރީ (14އ) އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އެކުއްޖާ ހޯދުމުގެ މަސައްކަތް ދަނީ ކުރަމުންނެވެ.

ކުޑަ އަންހެން ކުއްޖަކު ރޭޕް ކުރިކަމުގެ ތުހުމަތުގައި ހައްޔަރުކުރި މީހާގެ ބަންދަށް ކޯޓުން 30 ދުވަސް ޖަހައިފިއެވެ. މި މައްސަލައާ ގުޅިގެން، ހައްޔަރުކުރި މީހާ ފިލުމަށް އެހީތެރިވި 29 އަހަރުގެ ދިވެހި ފިރިހެނަކުވެސް ފުލުހުން ވަނީ އިއްޔެ ހައްޔަރުކޮށްފައެވެ. މި މީހާގެ ބަންދަށް ކޯޓުން ޖަހާފައިވަނީ ވަނީ 12 ދުވަހެވެ.

މިއަދު އެކްސްގައި ކުރެއްވި ޕޯސްޓެއްގައި އިލެކްޝަންސް ކޮމިޝަނުގެ ޗެއަރމަން ފުއާދު ތައުފީޤު ވިދާޅުވީ މާލީ ބަޔާން ހުށަނާޅާ މީހުންނާމެދު ޤާނޫނުގައިވާ ގޮތަށް ޢަމަލުކުރާނެ ކަމަށެވެ.

މިއަދު އެހީ ޖަމިއްޔާއިން ފޭސްބުކުގައި ކުރި ޕޯސްޓެއްގައި ބުނެފައިވަނީ އެމްއެންޑީއެފް-އެފްރާއެސްގެ 34 ވަނަ އަހަރީ ޖަލްސާގައި، ވޭތުވެ ދިޔަ ތިން އަހަރު އެހީ ޖަމިއްޔާއިން ފޯރުކޮށްދީފައިވާ އެހީ ފާހަގަކުރައްވާ އަގު ވަޒަން ކުރުމުގެ ގޮތުން ހަދާނީ ފިލާ އަރުވާފައިވާ ކަމަށެވެ. މި ޖަލްސާގައި އެހީ ޖަމިއްޔާގެ ފަރާތުން ބައިވެރިވެލެއްވީ ޖަމިއްޔާގެ ނައިބު ރައީސް ޙަސަން ޙަބީބެވެ.

ރާއްޖެއަށް މިހާރު ކުރަމުން ދާ ވިއްސާރައިގައި، މޫސުން ގޯސްވާނެކަމށް ލަފާކޮށް ކ. އަތޮޅަށް ރީނދޫ ސަމާލު ނެރެފި އެވެ. މިރޭ ކ. އަތޮޅަށް ރީނދޫ ސަމާލު ނެރެފައިވަނީ 18:30 އިން ފެށިގެން 21:30 އާ ހަމައަށެވެ. މެޓު އޮފީހުން ލަފާކޮށްފައިވާ ގޮތުގައި، އެ ވަގުތުގެ ތެރޭގައި ބޯކޮށް ވާރޭވެހި ބާރަށް ގުގުރާނެއެވެ.

ދާދިފަހުން 'ދަ ގާޑިއަން' ގައި ޝާއިޢުކުރި ލިޔުމެއްގައި ވާގޮތުން، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވަނީ މި މައްސަލައާ ގުޅޭގޮތުން ވަރަށް ފުންކޮށް ވާހަކަދައްކަވާފައެވެ. ރައީސް ޑރ.މުޢިއްޒުވަނީ، ކުރިއަށް އޮތް، ސިޑްސް ޤައުމުތަކާ ބެހޭގޮތުން އދ. އިން ބާއްވާ ބައިނަލްއަޤްވާމީ ކޮންފަރެންސްގައި މަލްޓިޑައިމަންޝަނަލް ވަލްނަރެބިލިޓީ އިންޑެކްސްއެއް ދުނިޔޭގެ ފެންވަރުގައި ތަޢާރަފްކުރަން ގޮވާލައްވަފައެވެ. މި އާ ފިޔަވަޅުގެ މަގުސަދަކީ ކުދި ޤައުމުތަކުގެ ހަގީގީ ނާޒުކުކަންތައްތައް ދައްކުވައިދީ، ޒަރޫރީ ވަސީލަތްތައް ލިބުން ރަނގަޅުކުރުމެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާ ދޭތެރޭ އިރާދަކުރެއްވިއްޔާ މައްސަލައެއް ނުޖެހޭނެކަމަށް ރައީސުލްޖުމްހޫރިއްޔާގެ ޚާއްޞަ އެޑްވައިޒަރު ޢަބްދުއްރަޙީމް ޢަބްދުﷲ (އަދުރޭ) ވިދާޅުވެއްޖެއެވެ. ވިހިވަނަ ރައްޔިތުންގެ މަޖިލީހުގެ ރައީސަކަށް ރައީސުލްޖުމްހޫރިއްޔާގެ ޚާއްޞަ އެޑްވައިޒަރު ޢަބްދުއްރަޙީމް ހަމަޖައްސަވާފައިވާއިރު، 75 ގޮނޑިއާއެކު، މަޖިލީހުގެ ސުޕަރ މެޖޯރިޓީ ވެރިކަން ކުރާ ޕާޓީއިން ހޯދާފައިވާކަން ފާހަގަކޮށްލެވެއެވެ. މި ބޮޑު އަޣްލަބިއްޔަތާއެކު، ސަރުކާރާ ގުޅިގެން މަސައްކަތް ކުރުން، އެއްވެސް ދަތިކަމަކަށް ނުވާނެ ކަމަށާއި، ބައިބައިވުމަށް ޖާގައެއް ނޯންނާނެ ކަމަށްވެސް އަބްދުއްރަޙީމް ވިދާޅުވިއެވެ.