ވިހިވަނަ ރައްޔިތުންގެ މަޖިލީހަށް އިންތިޚާބުވި މެންބަރުން، އިދާރާއަށް އަހުލުވެރިކުރުވުމަށް، ޚާއްސަ ސެޝަނެއް މިއަދު ކުރިއަށް ގެންގޮސްފިއެވެ.
މަޖިލިސް އިދާރާއިން މިއަދު މީސްމީޑިޔާގައި ހިއްސާކޮށްފައިވާގޮތުގައި، ވިހިވަނަ މަޖިލީހަށް އިންތިޚާބުވި 93 މެންބަރުންގެ ތެރެއިން ގިނަ މެންބަރުން ވަނީ މި ސެޝަނުގައި ބައިވެރިވެވަޑައިގެންފައެވެ.
ވިހިވަނަ މަޖިލީހުގައި ތިއްބަވާ މެންބަރުން، އަހުލުވެރިކުރުމަށް އެހީވުމަށް މި ސެޝަނުގައި، ނިމިދިޔަ ދަޢުރުގެ ބައެއް މެންބަރުންނާއި، މަޖިލީހުގެ އިދާރާގައި މަސައްކަތް ކުރާ މުވައްޒަފުން ބައިވެރިވެފައިވެއެވެ.
19 ވަނަ މަޖިލީހުގެ މެންބަރުންގެ ތެރެއިން މިއަދު ބޭއްވި ސެޝަނުގައި ބައިވެރިވެލެއްވި ހިތަދޫ މެދު ދާއިރާގެ މެންބަރު މުޙައްމަދު އަސްލަމް ވަނީ އައު ދަޢުރަށް ހޮވުނު މެންބަރުންނާ މުޚާތަބުކޮށް ވާހަކަދަ ދައްކަވާފައެވެ.
މިދިޔަ އެޕްރީލް މަހު ވިހިވަނަ މަޖިލީހަށް އިންތިޚާބުވި މެންބަރުން ހުވާ ކުރަން ހަމަޖެހިފައިވަނީ މި މަހުގެ 28 ވަނަ ދުވަހުއެވެ.
ނިމިދިޔަ މަޖިލީހުގެ އިންތިޚާބުގައި ވާދަކުރައްވާ ސުޕަރމެޖޯރިޓީއެއް ހޯއްދަވާފައިވަނީ، ވެރިކަން ކުރާ ޕީޕީއެމް/ޕީއެންސީ އިންނެވެ. އެގޮތުން އިންތިޚާބުގައި، ޕީއެންސީއިން ޖުމުލަ 66 ގޮނޑި ކާމިޔާބުކުރި އިރު، އިންތިޚާބަށް ފަހު އަމިއްލަ ގޮތުން ވާދަކުރި އަށް މެންބަރަކު ޕީއެންސީއާ ގުޅި، އެ ޕާޓީއަށް ލިބުނު ގޮނޑީގެ އަދަދު 75 އަށް އިތުރުވެފައިވާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
