ފަރަންސޭސިވިލާތުން ސްރީލަންކާ އާއި ރާއްޖެއަށް ކަނޑައަޅާފައިވާ ސަފީރު ޖޯން-ފްރަންސުއާ ޕަކްތެތު އަވަހާރަވެއްޖެ އެވެ.
ޢުމުރުން 53 އަހަރުގެ ޕަކްތެތް ކުއްލި ގޮތަކަށް އަވަހާރަވެފައި އޮއްވާ ފެނުނު ކަން، ސްރީލަންކާގެ ފުލުހުން ވަނީ މީޑިއާތަކަށް ކަށަވަރުކޮށްދީފަ އެވެ.
ސްރީލަންކާގެ ފުލުހުން ހާމަ ކުރެއްވި ގޮތުގައި ޕަކްތެތް އަވަހާރަވެފައި އޮއްވާ ފެނިފައިވަނީ ލަންކާގައި އޭނާ ދިރިއުޅުއްވާ ގެކޮޅުންނެވެ. ލަންކާ ފުލުހުން ވަނީ ޕެކްތެތްގެ މަރު އިތުރަށް ތަޙްގީގުކުރުމަށް އޭނާ ހަށިގަނޑުގެ ޕޯސްޓްމޯޓަމް ހެދުމަށް ނިންމާފައެވެ.
ނޫސްތަކުން ރިޕޯޓުކުރާ ގޮތުގައި، ޕެކްތެތް އަވަހާރަވިކަން އެނގުނީ ދިރިއުޅުއްވާ ކޮޓަރިން މިއަދު ނިކުމެވަޑައިނުގަތުމުން، ބެލި ބެލުމުންނެވެ.
މިކަމާ ގުޅިގެން ރާއްޖޭގެ ވަޒީރު މޫސާ ޒަމީރު ވަނީ، ސަފީރު އަވަހާރަވި ޚަބަރު އެހީ ފުން ހިތާމައާއެކު ކަމަށާއި ރާއްޖެއާއެކު އޭނާ ބޭއްވެވި ގާތްގުޅުން އަބަދުވެސް ހަނދާން ކުރައްވާނެ ކަމަށް ވިދާޅުވެ، ސަފީރު އަވަހާރަވުމުގެ ހިތާމައިގައި އޭނާގެ އާއިލާއަށާއި ފަރަންސޭސިވިލާތުގެ އެމްބަސީގެ މުވައްޒަފުންނަށް ތަޢުޒިޔާ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
