ތުރުކީގެ ޓީއާރްޓީ ވޯލްޑް ނޫހަށް ދެއްވި އިންޓަވިއުއެއްގައި ވަޒީރު މުޙައްމަދު ސަޢީދު ވިދާޅުވީ، ދިވެހިރާއްޖެއިން ޗައިނާއާއި އިންޑިޔާ އާ ދެ ޤައުމާވެސް ގުޅުން ބާއްވާނެ ކަމަށެވެ. އަދި އިންޑިޔާއާއި ޗައިނާއާ ދެ ޤައުމުގެ ފަތުރުވެރިންވެސް ދިވެހިރާއްޖޭގެ އަގުވަޒަން ކުރާކަމަށެވެ. ދިވެހިރާއްޖެއަކީ ދުނިޔޭގެ ހުރިހާ ޤައުމަކާވެސް ގުޅުން ބާއްވަން ބޭނުންވާ، ފަތުރުވެރި، މުޅި ދުނިޔެއަށްވެސް ހުޅުވާލެވިފައިވާ ޤައުމެއް ކަމަށްވެސް ވަޒީރު ވިދާޅުވިއެވެ.

ހއ. ހޯރަފުށީގައި ހުޅުވަން ހަމަޖެހިފައިވާ ކުޑަކުދިންގެ ރެސިޑެންޝަލް ޓްރީޓްމަންޓް ސެންޓަރަށް މުވައްޒަފުން ހޯދަން އިއުލާނުކޮށްފި އެވެ. ޖުވެނަލް ޖަސްޓިސް ޑިޕާޓްމަންޓުން އިއުލާންކޮށްފައި ވަނީ ޓެކްނިކަލް ޑިރެކްޓަރަކާއި، އެޑްމިނިސްޓްރޭޓިވް އޮފިސަރަކާއި، އެސިސްޓެންޓް ކައުންސެލަރަކާއި، 2 ޕްރޮގްރާމް އޮފިސަރުން، 2 ސީނިއާ ޖުވެނަލް ޖަސްޓިސް އޮފިސަރުން، 2 މަސައްކަތު މީހުން، 2 ކައްކާ އަދި 6 ޗައިލްޑް ކެއާ އެޓެންޑެންޓުންނާއި 6 ސެކިޔުރިޓީ އޮފިސަރުން ހޯދުމަށެވެ.

ރައްޔިތުންގެ މަޖިލީހާ ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާން (ޔޫއެންޑީޕީ)އާ ގުޅިގިގެން މަޖިލިހަށް ތައާރަފުކުރަން ނިންމާފައިވާ އިލެކްޓްރޯނިކް ޕެޓިޝަން (އީ-ޕެޓިޝަން) ނިޒާމުގެ ސިޔާސަތު ކަރުދާހަށް އާންމުންގެ ޚިޔާލު ހޯދަން ހުޅުވާލައިފި އެވެ.

ފިޠުރު ޒަކާތުގެ ގޮތުގައި މިރަމަޟާން މަހު މާލެ ސިޓީއިން ބަލައިގަނެފައިވާ ގޮވާމުގެ ބާވަތްތައް ބެހުމުގެ މަސައްކަތް މިއަދު ފަށައިފިއެވެ. ޒަކާތު ހައުސް އިން ވިދާޅުވިގޮތުގައި ގޮވާމުގެ ބާވަތްތަކުން ފިޠުރު ޒަކާތް ބެހުން ކުރިއަށްދަނީ އަމީނިއްޔާ ސްކޫލުގެ ހޯލުގައެވެ. މިތަކެތި ބެހުމަށް ހަމަޖެހިފައިވަނީ މާލެ ސިޓީގެ ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ފަރާތްތަކަށެވެ.

މުޙައްމަދު މަލީހު ޖަމާލު މިއަދު އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ ރައީސް ޔާމީނުގެ ޕާޓީ ޕީއެންއެފް އުފެއްދުމަށް ބާއްވާ ތާރީޚީ ޖަލްސާ އަންގާރަ ދުވަހުގެ ރޭ 9:15 ގައި އޮންނާނެ ކަމަށެވެ. މި ޖަލްސާ ބޭއްވުމަށް ހަމަ ޖެހިފައިވަނީ ޣިޔާސުއްދީން ސުކޫލު ހޯލުގައެވެ.

މިއަދު ފާހަގަކުރާ ދުނިޔޭގެ ސިއްޙަތު ދުވަހާ ގުޅިގެން ވަޒީރު ޑރ. ޚަލީލް ދެއްވި ޚިތާބުގައި ވިދާޅުވީ، ސިއްޙީ ފަރުވާގެ އެންމެ މުހިންމު އެއްބަޔަކީ ފަރުވާއަށް ދެވޭ ބޭސް ކަމަށާއި، ރާއްޖޭގައި ދެވޭ ބޭހަކީ ޞައްޙަ އަދި ފެންވަރު ރަނގަޅު ބޭސްކަމުގައި ކަށަވަރު ކުރުވޭނެ ނިޒާމެއް މިހާރު މިވަނީ ޤާއިމްކުރެވިފައިވާ ކަމަށެވެ.

ވެލާނާ އިންޓަނޭޝަނަލް އެއަރޕޯޓުން ގިނަ އަދަދެއްގެ މަސްތުވާތަކެތި ބޭރުކުރަން އުޅުނު މައްސަލައިގައި، އެމްއޭސީއެލްގެ ދެ މުވައްޒަފަކު ހައްޔަރު ކޮށްފައިވާކަމަށް ފުލުހުން ވިދާޅުވެއްޖެއެވެ.

ޖިނާޢީ ކުށުގެ ޒިންމާ އުފުލަން ޖެހޭ ޢުމުރު 15 އަހަރުން، 12 އަހަރަށް ދަށްކުރުމަށް ސަރުކާރުން ނިންމަވައިފިއެވެ.

ގެދޮރުވެރިކަމާއި ބިމާއި އުމްރާނީ ތަރައްގީއާ ބެހޭ ވުޒާރާއިން އިން، މިއަދު ކުރި އިޢުލާނުގައިވަނީ، ކުރީ ސަރުކާރުން ބިންވެރިޔާ ސްކީމްގެ ދަށުން ގިރާވަރުފަޅުން ދޫކޮށްފައިވާ 1،347 ގޯތި ގުޅީފަޅަށް ބަދަލު ކުރަން ނިންމަވާފައިވާކަމަށެވެ.

މި އަހަރާއި އަންނަ އަހަރަށް ރާއްޖެއަށް ބޭނުންވާ އަސާސީ މުދާ އެތެރެކުރުމަށް އިންޑިއާއިން ދީފައިވާ ކޯޓާ އިތުރުކޮށްދީފިއެވެ.

ކުޑަކުދިންނަށް އަނިޔާކުރުން ފަދަ ކަންކަން މުޖުތަމައުގައި ހިންގާ މީހުންނަށް އެޅެންއޮތް އެންމެ ހަރުކަށި ފިޔަވަޅު އަޅައި އެކަން ޔަގީން ކުރާނެ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ.

ރޭގައި ފަލަސްތީނުގެ އަލް އަޤްޞާ މިސްކިތުގައި، މީހުން ނަމާދު ކުރަން ތިއްބާ، ނިރުބަވެރި އިސްރާއީލުން ވަނީ ޑްރޯން ބޭނުން ކޮށްގެން ކަރުނަ ގޭސް ޖަހާ، މިސްކިތުން ނުކުތުމަށް މަޖުބޫރުކޮށްފައެވެ.

ކުޅުދުއްފުށީ ދެކުނު ދާއިރާއަށް އަމިއްލަގޮތުން ވާދަކުރައްވާ އައިމަން މުހައްމަދު، ޕީޕީއެމް/ޕީއެންސީގެ ޓިކެޓްގެ ކާމިޔާބުކުރެއްވި ފަރުހަތު މުހައްމަދު (ފަރޭ) އަށް ތާއީދުކުރަން އެންމެ ފަހުން ނިންމައިފި އެވެ.

ދިވެހިރާއްޖޭގެ ޤައުމީ އެއަރލައިން، މޯލްޑިވިއަން އިން، އައްޑުއަތޮޅާއި ހުވަދުއަތޮޅު ގުޅުވައިދޭ އެތެރޭގެ އުދުހުމުގެ ޚިދުމަތް ފެށުމަށް ތައްޔާރުވެއްޖެއެވެ. މޯލްޑިވިއަން އިން މިއަދު ހާމަކުރެއްވި ގޮތުގައި "ސައުތު ކަނެކްޓިވިޓީ އިނިޝިއޭޓިވް"ގެ ދަށުން އައްޑުއަތޮޅު ގަން އިންޓަނޭޝަނަލް އެއާޕޯޓާއި ހުވަދުއަތޮޅު ކޫއްޑޫ އެއާޕޯޓާ ގުޅުވައިދޭ ޚިދުމަތް، 29 އޮކްޓޫބަރު 2024 އިން ފެށިގެން ފަށާނެއެވެ. އަލަށް ހުޅުވޭ މި ރޫޓުގެ ދަތުރުތައް ކުރިއަށް ދާނީ އަންގާރަ ދުވަހާއި ހޮނިހިރު ދުވަހުއެވެ.

ޑިފެންސް މިނިސްޓްރީން އިއްޔެ އާންމުކުރި ސާކިއުލާއެއްގައި ބުނެފައިވަނީ ރާއްޖޭގެ މަދަނީ ވައިގެ ދަތުރުފަތުރުގެ ރައްކާތެރިކަމަށް ނުރަނގަޅު އަސަރެއްކޮށްފާނެ ކަަމަށް ބެލެވޭ ކަމެއް ނުވަތަ ހެދިފައިވާ ގަވާއިދުތަކާއި އުސޫލުތަކާ ހިލާފު ކަމެއް އެއާޕޯޓްތަކުގައި ނުވަތަ ފްލައިޓްތަކުގައި ހިނގާނަމަ އެކަން ރިޕޯޓްކުރެވޭނެ ނިޒާމެއް މިހާރު ގާއިމްކޮށްފައިވާ ކަމަށެވެ.

މާލޭ ސިޓީ ކައުންސިލުން ކުރެއްވި އިޢުލާނުގައި ވަނީ، މާލޭ އާސަހަރާގެ ފުލް ފިނިޝިންގ މަސައްކަތް ކޮށްދޭނެ ފަރާތެއް ހޯދުމަށް މިދިޔަ މަހު ކުރި އިޢުލާނާ ގުޅިގެން ހުށަހަޅާފައިވާ އަގުތައް ބޮޑުކަމަށްވާތީ އެ އިޢުލާން ބާޠިލްކޮށް އަލުން އެ މަސައްކަތަށް ބީލަން ހުށަހެޅުމުގެ ފުރުޞަތު ހުޅުވާލާފައެވެ.

ވޭތުވެދިޔަ 3 ދުވަހުގެ ތެރޭގައި 21 މިލިއަން ރުފިޔާގެ މަސްތުވާތަކެތި އަތުލައިގަންފައިވާކަމަށް މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ، އަލީ އިހުސާން ވިދާޅުވެއްޖެއެވެ.

ހއ. ކެލާ ފަޅުތެރޭގައި ރިސޯޓު ތަރައްޤީކުރުމަށް ފަތުރުވެރިކަމާއި ބެހޭ ވުޒާރާ އާއި ކެލާ ކައުންސިލާއި ދެމެދު ފަހުމުނާމާއެއްގައި ސޮއިކޮށްފިއެވެ.

މާލޭގައި މީހަކު ރަހީނުކުރުމަށްފަހު މާރާމާރީ ހިންގައި، ފޭރުނު މައްސަލައެއްގައި މީހަކު ހައްޔަރު ކޮށްފިއެވެ.

މޯލްޑިވްސް ޕޯރޓްސް ލިމިޓެޑަށް، އުޅަނދުފަހަރުން ދައްކަންޖެހޭ ސްޓީވެޑޯރިން ފީ މި މަހުން ފެށިގެން ޑޮލަރުން ދައްކަންޖެހޭ ގޮތަށް ބަދަލުކޮށްފިއެވެ.

ހުޅުމާލޭގެ ތިންވަނަ ފިޔަވަހީގެ ގޮތުގައި ބިން ހިއްކުމަށް ހަމަޖެހިފައިވާ ސަރަހައްދުގައި އަޅާފައިވާ އުޅަނދުތައް ނަގަން ހައުސިން ޑިވެލޮޕްމަންޓް ކޯޕަރޭޝަނުން އަންގައިފިއެވެ. އެޗްޑީސީ އިން އިއްޔެ ނެރުނު ބަޔާނެއްގައި އަންގާފައިވަނީ ބިން ހިއްކަމުންގެންދާ ސަރަހައްދުގެ، ސައިޓް ބީގެ މަސައްކަތްތަކަށް ހުރަސްއެޅޭ ގޮތަށް އަޅާފައިވާ އުޅަނދުތައް ނެގުމަށެވެ.

"ފަލަސްތީނުގެ 30،000 ޝަހީދުންނާއި، 70000 ޒަޚްމްވެފައިވާ މީހުންނާއި އަދި 2 މިލިއަން ގެދޮރު ނެތް މީހުންނަށް އުއްމަތް ހޭލައްވާނުލެވޭނަމަ އަޅުގަނޑުގެ ބަސްތަކުން ކުރާނީ ކޮން އަސަރެއް؟ އިތުރަށް ބުނާނީ ކާކަށް ކީކޭ؟" ޝައިޚް މަޙްމޫދު އަލްޙަސަނަތު ވިދާޅުވިއެވެ.

ކުރިޔާ މެދުވެރިކޮށް ރާއްޖެ އެތެރެކުރަން އުޅުނު 3.3 ކިލޯގެ މަސްތުވާތަކެތި މޯލްޑިވްސް ކަސްޓަމްސް ސާވިސް އިން އަތުލައިގެންފިއެވެ. އިއްޔެ ކަސްޓަމްސްއިން ވިދާޅުވީ، ވެލާނާ އިންޓަނޭޝަނަލް އެއާޕޯޓުގެ ކާގޯ ޔުނިޓުން އެތެރެކުރި ދެ ޕެކޭޖެއް، މާރޗު މަހުގެ 20 ވަނަ ދުވަހު ބަލާ ފާސްކުރުމުގެ ތެރޭގައި، ޝައްކުކުރެވޭ ބާވަތެއް ފެނުމުން، އިތުރަށް ބަލާ ފާސްކުރުމުން، މަސްތުވާތަކެތި ފެނިފައިވާ ކަމަށެވެ.

ބޯހިޔާވަހިކަމުގެ ނަމުގައި އެމްޑީޕީ ސަރުކާރުން ސްލަމްތަކެއް އުފައްދަން މަސައްކަތް ކޮށްފައިވާކަމަށް ފަހި ދިރިއުޅުން ކޯޕަރޭޝަންގެ މެނޭޖިން ޑިރެކްޓަރ ހަމްދާން ޝަކީލް ވިދާޅުވެއްޖެއެވެ.

ކުރީގެ ރައީސް މުޙައްމަދު ނަޝީދު އިއްޔެ މަޖިލީހުގެ ރައީސް މުޙައްމަދު އަސްލަމަށް ފޮނުއްވި ސިޓީއެއްގައި ވަނީ، ކްލައިމެޓް ވަލްނަރަބަލް ފޯރަމް (ސީވީއެފް)ގެ ސެކްރެޓަރީ ޖެނެރަލްގެ ހައިސިއްޔަތުން ކުރަން ޖެހޭ މަސައްކަތްތަކަށް އެ މަނިކުފާނު ހުންނެވީ ގާނާގައި ކަމަށާއި އެ މަސައްކަތް ނަޝީދާ ރަސްމީކޮށް ހަވާލުކުރުމަށް ހަމަޖައްސަންޖެހޭ ކަންކަން މިދިޔަ މަހުގެ މެދުތެރޭގައި ގާނާގެ ޕާލިމެންޓުން ސީވީއެފް ސެކްރެޓްރިއޭޓްއާ ބެހޭ ގަރާރު ފާސްކޮށްފައިވާތީ މި ދައުރުގެ ބާކީ އޮތް މުއްދަތަށް ލިބޭ މުސާރަ އުނިކޮށްދެއްވުމަށެވެ.

​​ދެ ހަފްތާގެ އޮޕަރޭޝަނަކަށް ފަހު ނިރުބަވެރި އިސްރާއީލުން، ޣައްޒާގެ އަލް ޝިފާ ހޮސްޕިޓަލުގައި ތިބި ސިފައިން އަނބުރާ ގެންގޮސްފިއެވެ.

ކަސްޓަމްސްއިން "މެރިޓައިމް ސަރވައިލަންސް އެންޑް ބޯޑަރ ޕްރޮޓެކްޝަން" ގެ ނަމުގައި ޚާއްސަ ސެކްޝަނެއް އުފައްދައިފިއެވެ.

ކެނދިކުޅުދޫ ސްކޫލުން ފަލަޞްޠީނުގެ ޣައްޒާގައި ޙާލުގައި ޖެހިފައިވާ ފަރާތްތަކަށް އެހީ ފޯރުކޮށްދީފިއެވެ. ޣައްޒާގައިވާ ރައްޔިތުންނަށް އެހީވުމަށް އިންޓަނޭޝަނަލް އެއިޑް ކެމްޕެއިން، އައިއޭސީއިން ހުޅުވާފައިވާ "ޣައްޒާ އެމަރޖެންސީ ރިލީފް" ފަންޑަށް އެހީވުމުގެ ގޮތުން، ކެނދިކުޅުދޫ ސްކޫލުގެ މުވައްޒަފުންނާއި ބެލެނިވެރިން އިސްނަގައިގެން، 47،670 ރުފިޔާ ހަދިޔާ ކޮށްފިއެވެ.

މިއަދު ހަވީރު ސިނަމާލެ ބްރިޖު ކައިރީގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކާރަކުން ޖެހި ނުރައްކާތެރި އެކްސިޑެންޓެއް ހިނގައިފިއެވެ. މި އެކްސިޑެންޓް ހިނގައިފައިވަނީ އެއަރޕޯޓުން ބްރިޖް ހައިވޭއަށް އެރި ޓެކްސީއެއް، ޓްރެފިކް ފުލުހުގެ ގައިގައި ޖެހިގެންނެވެ.

މަސްތުވާތަކެތި ބޭނުންކުރާ މީހުންނަށް އޮތް އެންމެ މުހިންމު ޙައްލަކީ ކޮމިއުނިޓީ ބޭސްޑް ރިހެބިލިޓޭޝަން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ރައީސް މިހެން ވިދާޅުވީ "ރައީސްގެ ވާޖިބު" ޕްރޮގްރާމުގައި، މއ. ބޯޅަކިންކިރިމާގޭ އާއިޝަތު ޝެރީން، މަސްތުވާތަކެތި ބޭނުންކުރާ މީހުންނަށް ފަރުވާދީ އަނބުރާ މުޖުތަމަޢަށް ގެނައުމަށް ސަރުކާރުން ގެންގުޅޭ ސިޔާސަތާ މެދު ސުވާލުކުރެއްވުމުންނެވެ.