މޯލްޑިވްސް ޕޯރޓްސް ލިމިޓެޑަށް، އުޅަނދުފަހަރުން ދައްކަންޖެހޭ ސްޓީވެޑޯރިން ފީ މި މަހުން ފެށިގެން ޑޮލަރުން ދައްކަންޖެހޭ ގޮތަށް ބަދަލުކޮށްފިއެވެ.
ސްޓީވެޑޯރިން ފީ އަކީ ބަނދަރުތަކުން, އުޅަނދުފަހަރަށް މުދާ އެރުވުމަށް ނުވަތަ ބޭލުމަށް، އެ އުޅަނދެއްގެ އެޖެންޓެއްގެ އަތުން ނަގާ ފީއެކެވެ.
ދެހާސް އެގާރަ ވަނަ އަހަރާ ހަމައަށް މި ފީ ދައްކަމުން ގެންދިޔައީ ޑޮލަރުންނެވެ. ނަމަވެސް އެއަށްފަހު، އެމްޕީއެއްއިން ވަނީ މި ފީ ދިވެހި ރުފިޔާއިން ދެއްކޭގޮތައް ބަދަލުގެނެސްފައެވެ. އަލުން ސްޓީވެޑޯރިން ފީ, ޑޮލަރުން ނަގާގޮތަށް ބަދަލުކުރީ މިދިޔަ ހޯމަ ދުވަހުން ފެށިގެންނެވެ.
ސްޓީވެޑޯރިން ފީ ޑޮލަރުން ދައްކަން ފެށުުމުން އެތައް ގޮތަކުން ފައިދާ ވާނެކަމަށް އެމްޕީއެލް އިން ވަނީ ބުނެފައެވެ. އެގޮތުން އެމްޕީއެލްގެ އާމްދަނީ އިތުރުވެ، ދިވެހި ރާއްޖޭގެ ބާޒާރުގައި ދިމާވެފައިވާ ޑޮލަރުގެ ތާށި ކަމުގެ މައްސަލައަށް ކޮންމެވެސް ވަރެއްގެ ޙައްލެއް ލިބޭނެ ކަމަށް އެމްޕީއެލްއިން ބުނެއެވެ.
އެމްޕީއެލް އިން އަންދާޒާ ކުރާ ގޮތުގައި މި ގެނެވުނު ބަދަލުގެ ސަބަބުން އެމްޕީއެލްގެ ޑޮލަރުގެ އާމްދަނީ ގާތްގަނޑަކަށް 25 މިލިއަން ޑޮލަރަށް އަރާނެވެ.
ސްޓީވެޑޯރިން ފީގެ ގޮތުގައި އެމްޕީއެލް އިން ނަގަނީ ކޮންމެ 20 ފޫޓުގެ ކޮންޓެއިނަރަކުން 198 ޑޮލަރުގެ މަގުންނެވެ.
Advertisement
This content is created and paid for by advertisers and does not involve Voice Journalists
