ރާއްޖޭގައި ބަލި މީހުންނަށް ދެވޭ ބޭހަކީ ފެންވަރު ރަނގަޅު ބޭސްކަން ކަށަވަރު ކުރެވޭނެ ނިޒާމެއް މިހާރު ޤާއިމްކުރެވިފައިވާ ކަމަށް ހެލްތް މިނިސްޓަރ ޑރ. އަބްދުالله ހަލީލް ވިދާޅުވެއްޖެ އެވެ.
މިއަދު ފާހަގަކުރާ ދުނިޔޭގެ ސިއްޙަތު ދުވަހާ ގުޅިގެން ވަޒީރު ޑރ. ޚަލީލް ދެއްވި ޚިތާބުގައި ވިދާޅުވީ، ސިއްޙީ ފަރުވާގެ އެންމެ މުހިންމު އެއްބަޔަކީ ފަރުވާއަށް ދެވޭ ބޭސް ކަމަށާއި، ރާއްޖޭގައި ދެވޭ ބޭހަކީ ޞައްޙަ އަދި ފެންވަރު ރަނގަޅު ބޭސްކަމުގައި ކަށަވަރު ކުރުވޭނެ ނިޒާމެއް މިހާރު މިވަނީ ޤާއިމްކުރެވިފައިވާ ކަމަށެވެ.
"ސިއްޙީ ފަރުވާގެ އެންމެ މުހިންމު އެއް ބަޔަކީ ފަރުވާއަށް ދެވޭ ބޭސް. ރާއްޖޭގަ ދެވޭ ބޭހަކީ ސައްޙަ އަދި ފެންވަރު ރަނގަޅު ބޭސްކަމުގައި ކަށަވަރު ކުރެވޭނެ ނިޒާމެއް މިހާރު މިވަނީ ޤާއިމުކުރެވިފަ. އަދި ހަމައެފަދައިން ރައްޔިތުންނަށް ބޭނުންވާނެ ބޭސް މެދުކެނޑުމެއް ނެތި ގާތުން ލިބެން ހުންނާނެ އިތުބާރު ހުރި ނިޒާމެއްވެސް މިވަނީ ޤާއިމުކުރެވިފަ"
ވަޒީރު ޑރ. ޚަލީލް
މި ސަރުކާރުގެ ފުރަތަމަ 14 ހަފްތާގެ ތެރޭގައި ބޭހުގެ ކޮލިޓީ މަތިކުރެވޭނެ އިންތިޒާމެއް ޤާއިމުކުރުމުގެ މަސައްކަތް ކުރާނެކަމަށް ސަރުކާރުން ވަނީ ވިދާޅުވެފައެވެ. އަދި އެގޮތުން، މި މައްސަލަ ހައްލު ކުރުމަށް މިނިސްޓްރީން ވަނީ ދިރާސާއެއްވެސް ހަދާފަ އެވެ.
މީގެ އިތުރުން ސިއްޙަތު ދުވަހުގެ މުނާސަބަތުގައި ދެއްވި ޚިޠާބުގައި ވަޒީރު ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސިޔާސަތުގެ ތެރެއިން ޞިއްޙީ ދާއިރާއަށް ހެޔޮ ބަދަލުތަކެއް ގެންނަން މިހާރު މިވަނީ މަސައްކަތް ފަށާފައިކަމަށެވެ. އަދި ކުރިން، ތަކުރާރުކޮށް އިޙުމާލުވެފައިވާ ކަންކަމާ، ކުރީގެ ބައެއް ދެކޮޅުނުޖެހޭ ސިޔާސަތުތައް މުރާޖަޢާކޮށް ދެމެހެއްޓެނިވި ގޮތަށް ކަންކަން ބަދަލުކުރަން މިހާރު ފަށާފައިވާކަމަށްވެސް ވަޒީރު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
