އުރީދޫ ފިންޓެކުގެ އެމްފައިސާ ވޮލެޓާ ގުޅާލާފައިވާ ޕޭޕަލް ޚިދުމަތް ތަޢާރަފުކުރިތާ ތިން މަސް ދުވަހުގެ ތެރޭގައި 5000 އަށް ވުރެ ގިނަ ކަސްޓަމަރުން އެ ޚިދުމަތް ބޭނުންކުރަން ފަށައިފިއެވެ.
އުރީދޫއިން ބުނީ ޖޫން 2026 ގައި ފެށި މި ޚިދުމަތުގެ ދަށުން ކަސްޓަމަރުންނަށް އެ މީހުންގެ ޕޭޕަލް އެކައުންޓް އެމްފައިސާއާ ގުޅާލައި ޕޭޕަލް މެދުވެރިކޮށް ލިބޭ ޑޮލަރު ސީދާ އެމްފައިސާ ޔޫއެސްޑީ ޕޮކެޓަށް ޖަމާކުރެވޭ ކަމަށެވެ. ހަމައެހެންމެ ޖަމާކޮށްފައި ހުންނަ ފައިސާ އަނބުރާ ޕޭޕަލް އެކައުންޓަށް ފޮނުވުމުގެ ފުރުޞަތު ވެސް ލިބެއެވެ. މި ޓްރާންސެކްޝަންތަކަށް އުރީދޫން މިވަގުތު އެއްވެސް ފީއެއް ނުނަގައެވެ.
ޕޭޕަލްގެ ހިދުމަތް ތައާރަފްކުރުމުގެތެރެއިން.. ފޮޓޯ: އުރީދޫ
މީގެ އިތުރުން އެމްފައިސާ ޔޫއެސްޑީ ޕޮކެޓުގައި ހުންނަ ފައިސާ ބޭންކް އެކައުންޓަށް ބަދަލުކުރުމާއި ނަގުދު ފައިސާގެ ގޮތުގައި ނެގުމުގެ މަގު ވެސް މި ޚިދުމަތް މެދުވެރިކޮށް ފަހިވެފައިވެއެވެ. އުރީދޫ ފިންޓެކުން ފާހަގަކުރާ ގޮތުގައި ފްރީލާންސަރުންނާއި ވިޔަފާރިވެރިންނާއި ކޮންޓެންޓް ކްރިއޭޓަރުންގެ އިތުރުން ރާއްޖެއިން ބޭރުން އާމްދަނީ ހޯދާ ފަރާތްތަކުގެ މެދުގައި މި ޚިދުމަތަށް ބޮޑު ޑިމާންޑެއް އެބައޮތްކަމަށް އެކުންފުނިން ވަނީ ބުނެފައެވެ.
ދުނިޔޭގެ އެންމެ ފުޅާ ދާއިރާއެއްގައި ބޭނުންކުރާ ޑިޖިޓަލް ޕޭމަންޓް ޕްލެޓްފޯމްތަކުގެ ތެރޭގައި ހިމެނޭ ޕޭޕަލް އެމްފައިސާއާ ގުޅާލުމަކީ ޝާމިލު ޑިޖިޓަލް މޯލްޑިވްސްއެއް ބިނާކުރުމަށް އުރީދޫ މޯލްޑިވްސްއިން ކުރާ މަސައްކަތުގެ ތެރެއިން ކުރިއެރުވި ޚިދުމަތެއްކަމަށް އުރީދޫއިން ބުނެއެވެ.
Advertisement
This content is created and paid for by advertisers and does not involve Voice Journalists
