އާސަހަރާގެ މަސައްކަތް ކުރާނެ ބަޔަކު ހޯދުމަށް އަނެއްކާވެސް ޢިއުލާނުކޮށްފިއެވެ.
މާލޭ ސިޓީ ކައުންސިލުން ކުރެއްވި އިޢުލާނުގައި ވަނީ، މާލޭ އާސަހަރާގެ ފުލް ފިނިޝިންގ މަސައްކަތް ކޮށްދޭނެ ފަރާތެއް ހޯދުމަށް މިދިޔަ މަހު ކުރި އިޢުލާނާ ގުޅިގެން ހުށަހަޅާފައިވާ އަގުތައް ބޮޑުކަމަށްވާތީ އެ އިޢުލާން ބާޠިލްކޮށް އަލުން އެ މަސައްކަތަށް ބީލަން ހުށަހެޅުމުގެ ފުރުޞަތު ހުޅުވާލާފައެވެ.
ސިޓީ ކައުންސިލުން ވަނީ، މިމަސައްކަތަށް ޝައުގުވެރިވާ ފަރާތްތަކުން މަޢުލޫމާތު ސާފުކުރެއްވުމަށާއި، އަގުހުށަހެޅުއްވުމަށް މާލޭ ސިޓީކައުންސިލްގެ އިދާރާގެ ޕްރޮކިއުމަންޓް ސެކްޝަންނަށް ވަޑައިގެން މަޢުލޫމާތު ސާފުކުރެއްވުމަށްފަހު ބިޑް ހުށަހެޅުމަށް ވަނީ ދަންނަވާފައެވެ.
މައުލޫމާތު ސާފު ކުރުން ކުރިއަށް ދާނީ 18 އޭޕްރިލް ގައި 10:00 ގައެވެ. އަދި އަގު ހުށަހެޅުން އޮތީ 24 އޭޕްރިލް ގައި 10:00 ގައެވެ.
އަގު ހުށަހެޅުމުގައި ބައިވެރިވެވޭނީ ހަމައެކަނި ދިވެހި ކުންފުނި، ޕާޓްނާޝިޕް، ލޯކަލް އިންވެސްޓްމަންޓް، ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށެވެ.
މަޢުލޫމާތު ސާފުކުރައްވަން ވަޑައިނުގަންނަވާ ފަރާތްތަކާއި ގަޑިޖެހުމުގެ ފަހުން އަގު ހުށަހަޅުއްވަން ހާޒިރުވާ ފަރާތްތަކުގެ އަންދާސީ ހިސާބު ބަލައި ނުގަންނާނެ ކަމަށް ސިޓީ ކައުންސިލުން ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
