އިސްރާއީލުން އިރާނާ ދެކޮޅަށް ދަތިކުރުމުގެ ފިޔަވަޅު އެޅުމަށް ގޮވާލައިފިއެވެ. އިސްރާއީލުގެ ފޮރިން މިނިސްޓަރު ކަޓްޒް އަންގާރަ ދުވަހު ވިދާޅުވީ 32 ގައުމަކާ ގުޅިން އީރާނާ ދެކޮޅަށް ދަތިކުރުމުގެ ފިޔަވަޅު އެޅުމަށް އެދިފައިވާ ކަމަށެވެ. އެގޮތުން އީރާނުގެ މިސައިލް މަޝްރޫއަށް ދަތިކުރުމުގެ ފިޔަވަޅު އެޅުމަށާއި އިސްލާމިކް ރިވޮލިއުޝަނަރީ ގާޑް ކޯޕަކީ ޓެރަރިސްޓް ޖަމާއަތެއްގެ ގޮތުގައި އިއުލާން ކުރުމަށް ގޮވާލާފައިވާކަމަށް ވެސް ކަޓްޒް ބުންޏެވެ.

ލުބުނާނުން ފޮނުވާލި ހަމަލާތަކެއް ލުބުނާނުގެ ބޯޑަރު ކައިރީގައި އޮންނަ އަރަބި އަލް އަރަމްޝަށް އަމާޒުވެ ގިނަ ބަޔަކު ޒަޚަމްވެފައިވާ ކަމަށް އިސްރާއީލުން ބުނެފިއެވެ. އިސްރާއީލުގެ ޤައުމީ އެމްބިއުލާންސް ޚިދުމަތާ ހަވާލާދީ ޓައިމްސް އޮފް އިސްރާއީލުން ރިޕޯޓްކޮށްފައިވާ ގޮތުގައި އިސްރާއީލުގެ އުތުރުގެ އަރަބި އަލް އަރަމްޝޭއަށް ދިން ވައިގެ ހަމަލާގައި 13 މީހަކަށް އަނިޔާވެފައިވާކަން ކަށަވަރުވެފައިވާއިރު ހަތަރު މީހުންގެ ހާލު ސީރިއަސްއެވެ.

ރާއްޖޭގައި ރޯގާގެ ގޮތުގައި ޢާންމުކޮށް ފެތުރޭ ބަލިތަށް ފެތުރުނު މިންވަރު ފެބްރުއަރީ މަހާ އަޅާބަލާއިރު މާޗު މަހު އިތުރުވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ. މިއަދު އެޗްޕީއޭއިން ހާމަކުރެއްވި ތަފާސްހިސާބުތަކުން ދައްކާގޮތުގައި ޑެންގީ ހުމާއި އަރިދަފުސް ރޯގާ އަދި ބޭރަށްހިންގުން ވެސް މިދިޔަ މަހު ވަނީ އިތުރުވެފައެވެ.

ދަތުރުފަތުރާއި މަދަނީ އުދުންތަކާ ބެހޭ ވުޒާރާއިން ބޭއްވި ނުސްވެރިންގެ ބައްދަލުވުމުގައި ވަޒީރު މުޙައްމަދު އަމީން ވިދާޅުވީ ކައުންސިލްތަކުން ދޭ ޚިދުމަތެއްގެ މަންފާ، ކައުންސިލުތަކަށް ނުލިބޭތީ އެކަމުގެ ކަންބޮޑުވުން ވަރަށް ގިނަ ކައުންސިލްތަކުން ފާހަގަކޮށްފައިވާކަމަށެވެ. އެހެންކަމުން އެކަން ޙައްލެއް ހޯދައިދެއްވުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ލައިސަންސް ފީ ސީދާ ކައުންސިލްތަކަށް ލިބޭ ގޮތަށް ހަދަން ނިންމަވާފައިވާކަމަށް އަމީން ވިދާޅުވިއެވެ.

އައްޑޫ ސިޓީގެ ފަތުރުވެރިކަން ކުރިއެރުވުގެ ގޮތުން ފެށުމުމަށް ހަމަޖެހިފައިވާ، އެންމެ ބޮޑު މަޝްރޫޢު، "ހަންކެޑެ އިންޓެގްރޭޓެޑް ޓޫރިޒަމް ޑިވެލޮޕްމަންޓް" މަޝްރޫޢުގެ ބިންގާ މިރޭ އެޅުމަށް ހަމަޖެހިއްޖެއެވެ. ބިންގާ އެޅުމުގެ ރަސްމިއްޔާތު ކުރިއަށްދާނީ ހަންކެޑެ ސަރަހައްދުގައި މިރޭ 8:30 އިން 10:00 އަށެވެ.

ރައްޔިތުންގެ މަޖިލިސް އިންތިޚާބުގައި ވާދަކުރައްވާ ކެނޑިޑޭޓުންނާއި ޕާޓީތަކާ ގުޅޭގޮތުން ދޮގު ވާހަކަ ފެތުރުމުން އެންމެހާ ފަރާތްތަކުން ދުރުހެލިވުމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް)އިން އިލްތިމާސްކޮށްފިއެވެ.

އިންޑިއާއާއި ރާއްޖެއާ ދެމެދު އޮތް ޒަމާންވީ ގުޅުން ހީނަރު ނުވެ، އިންޑިޔާ ސިފައިން ރާއްޖެއިން ފޭބުމަކީ ލިބުނު ކުރިއެރުމެއް ކަމަށާ އުފާކުރަން ޖެހޭ ކަމެއް ކަމަށް ސިޓީތަކާއި އިދާރީ ދާއިރާތައްހިންގުމާބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެ އެވެ.

އެމްޓީސީސީއިން ހާމަކުރެއްވި ގޮތުގައި ބަދަލުގެނެސްފައިވަނީ، އާރ.ޓީ.އެލް ބަހުގެ ޚިދުމަތުގައި ހިމެނޭ އާރު2 (މާލެ ކާނިވަލް ސަރަހައްދުގައި ހުންނަ ބަސް ހުއްޓީން ހުޅުމާލެ ފޭސް އެކަކަށް) ދާ ބަހުގެ ރޫޓަށެވެ. 14 އޭޕްރީލުން ފެށިގެން މި ބަދަލާ އެއްގޮތަށް ބަސް ދަތުރުތައް ކުރިއަށް ދާނެ ކަމަށް އެމްޓީސީސީއިން މައުލޫމާތު ދެއެވެ.

މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގައި މިއަދު ބޭއްވި ރަސްމިއްޔާތެއްގައި 3 ރަށެއްގައި މަސް ބަންދުކުރާ ކާރުޚާނާ ޤާއިމުކުރުމަށް ޙަވާލުކޮށްފައިވަނީ ޗައިނާ ސަރުކާރު ހިއްސާވާ ކުންފުންޏެއްކަމަށްވާ ޑޮންގްފަންގް އިލެކްޓްރޯނިކް އިންޓަރނޭޝަނަލް ކޯރޕަރޭޝަނާއެވެ.

ރާއްޖޭގައި 19 އެއާޕޯޓެއްގެ މަސައްކަތް އެކި މަރުހަލާތަކުގައި ކުރިއަށްދާކަމަށް ރީޖަނަލް އެއާޕޯޓްސް ކޮމްޕެނީ ލިމިޓެޑް (އާރުސީއެލް) ގެ މެނޭޖިންގ ޑިރެކްޓަރ އަހުމަދު މުބީން ވިދާޅުވެއްޖެއެވެ.

ވެހިކަލް ގެނެސްދޭނެ ކަމަށް ބުނެ މަކަރާއި ހީލަތުން ގިނަ ބައެއްގެ އަތުން ފައިސާ ހޯދާފައިވާ ކަމަށް މެގަޓްރޯން މޮޓޯސް މޯލްޑިވްސް ވޭވް އިންޓަނޭޝަނަލް ނަމަކަށް ކިޔާ ކުންފުންޏަކަށް ތުހުމަތުކޮށް މައްސަލަ ތަޙްޤީގުކުރަން ފަށައިފިއެވެ. ފުލުހުން މިއަދު ވިދާޅުވީ، މި މައްސަލައަކީ ފުލުހުންގެ އިކޮނޮމިކް ކްރައިމް ޑިޕާޓްމަންޓުން ތަޙްޤީގު ކުރަމުންދާ މައްސަލައެއް ކަމަށާއި މައްސަލައިގައި އިތުރު މީހުންގެ އަތުން ފައިސާ ނަގާފަވޭތޯ ބަލަން ބޭނުންވާ ކަމަށެވެ.

ރައީސް ޑރ. މުޙައްމަދު މުޢިއްޒު ވިދާޅުވީ ފީއަލީ ފަޅުން ގާތްގަނޑަކަށް 15 ހެކްޓަރުގެ ބިމުގެ ޖާގަ އުފެއްދެން އެބައޮތް ކަމަށާއި އަދި އެއަށްވުރެ ބޮޑަށްވެސް ހިއްކެންޏާ އެބައިވެސް ހިމެނޭގޮތަށް ހިއްކައިދެއްވާނެ ކަމަށެވެ.

އިއްޔެ ކުރި ވިއްސާރައިގެ އަދާހަމަ ހާމަ ކުރައްވަމުން އެންޑީއެމްއޭ އިން މިއަދު ބުނެފައިވަނީ، މާލެ ސިޓީގެ އެކި ސަރަހައްދުތަކުގައި ފެންބޮޑުވެ ފެންވަދެގެން ޖުމްލަ 132 ތަނަކުން ރިޕޯޓުކޮށްފައިވާ ކަމަށެވެ. އަދި 122 ތަނަކަށް އެޓެންޑުވެ، 104 ތަނެއްގައި ޖުމްލަ 732 ވެލިބަސްތާ ޖަހާފައިވާކަމަށްވެސް އެންޑީއެމްއޭ އިން ބުނެފައިވެއެވެ.

ރޭ މެންދަމު އީރާނުން ވަނީ އިސްރާއީލާ ދެކޮޅަށް ހަނގުރާމަ އިޢުލާނުކޮށް، ގިނަ ޢަދަދެއްގެ ޑްރޯނާއި މިސައިލް ފޮނުވާލާފައެވެ. އިރާނުން ފޮނުވާލި ޑްރޯންތައް ދިމިޝްޤާއި އިރާޤުގެ މަތިން އިސްރާއީލާ ދިމާލަށްދަތުރުކުރަމުން ދާއިރު، އީރާނުންން ފޮނުވާލި ފުރަތަމަ ބެޗުގެ ޑްރޯންތައް މިހާރު ވަނީ އިސްރާއިލުގެ ވައިގެ ސަރަހައްދަށް ވަދެފައެެވެ. އިސްރާއިލުގެ އަޔަން ޑޯމް އިން މިހާރު ބައެއް ޑްރޯންތައް ވައްޓަމުން ދާއިރު، އިސްރާއީލުގެ ބައެއް އަވަށްތަކަށް ޑްރޯންތަކުގެ ހަމަލާތައް އަމާޒުވެފައިވާ މައުލޫމާތު ލިބެއެވެ.

ރައްޔިތުންގެ މަޖިލީހުގެ އިންތިޚާބަށް ނުފޫޒު ފޯރުވުމަށް މި ސަރުކާރުން ރައްޔިތުންނަށް ވަޒީފާގެ ބިރު ދައްކަމުންދާކަމަށްބުނެ އެމްޑީޕީން ނެރެފައިވާ ބަޔާން ޕީޕީއެމް/ޕީއެންސީއިން ދޮގުކޮށްފިއެވެ.

ބޯކޮށް ވާރޭ ވެހި، މާލެ ސިޓީގެ މަގުތަކުގައި ފެންބޮޑުވެފައިވާތީ ފެން ހިންދުމުގެ މަސައްކަތް ސިފައިން ފަށައިފި އެވެ. އެމްއެންޑީއެފް އިން ވިދާޅުވީ، ބޯކޮށް ވާރޭ ވެހި މާލޭގެ މަގުތަކުގައި ފެންބޮޑުވުމާ ގުޅިގެން، މަގުތަކުން ފެން ހިންދުމަށް ސިފައިން ހަރަކާތްތެރިވަމުންދާ ކަމަށެވެ. އަދި ބައެއް ގެތަކަށް ފެންވަންނަމުންދާތީ، ވެލި ބަސްތާ ޖެއްސުމުގެ މަސައްކަތުގައި އެމްއެންޑީއެފް އެފްއާރުއެސްއާއި އެމްއެންޑީއެފް މާލޭ އޭރިއާ ކޮމާންޑުގެ ސިފައިން ހަރަކާތްތެރިވާން ފަށާފައިވާކަމަށްވެސް އެމްއެންޑީއެފް އިން ވިދާޅުވިއެވެ.

އިސްރާއީލުގެ މީޑިއާތަކުން ރިޕޯޓްކުރާ ގޮތުގައި ހުކުރު ދުވަހު ގެއްލުނު އިސްރާއީލުގެ 14 އަހަރުގެ ކުއްޖަކު ހޯދުމަށް އެތައް ސަތޭކަ ވޮލަންޓިއަރުންނެއް ފުލުހުންނާއި އިސްރާއީލުގެ ސިފައިންނާ ގުޅިގެން ދަނީ މަސައްކަތް ކުރަމުންނެވެ. އަދި ފުލުހުންނާއި އިސްރާއިޅުގެ ބައެއް ޢާންމު ރައްޔިތުން ވަނީ ރަމަﷲ ކައިރީގައި އޮންނަ އަލް މުޣައްޔިރު އަވަށަށް ވަދެ، ހިފާފައިވާ ހުޅަނގު އައްސޭރީގައި ވަނީ ބޮޑު ހަމަ ނުޖެހުންތަކެއް ހިންގާފައެވެ.

އަސްލަމަށް ރައްދު ދެއްވަމުން، ވަޒީރު ޝިޔާމު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ އަސްލަމް އެއިރުވެސް އަދި މިހާރުވެސް ހުންނެވީ ޖޭއެސްސީ ޙިޞާރުކޮށްގެން ކޯޓުތަކަށް ނުފޫޒު ފޯރުވަން ކަމަށެވެ. އަދި 21 އޭޕްރީލްގައި އެކަން ނިމުމަކަށް ގެންނާނެ ކަމަށްވެސް ވަޒީރު ވިދާޅުވިއެވެ.

ރާއްޖެއަށް މަސްތުވާތަކެތި އެތެރެކުރަން އުޅުނު ޕާކިސްތާނު މީހަކު ހައްޔަރުކޮށްފިއެވެ. ފުލުހުން މި މީހާ ހައްޔަރު ކޮށްފައިވަނީ އެމީހާ ރާއްޖެއަށް އައި އިރު ގެނައި ދަބަހުގެ ތެރެއިން ފަސް ކިލޯއަށް ވުރެ ގިނަ މަސްތުވާތަކެތި ފެނިގެންނެވެ. ހައްޔަރު ކޮށްފައި ވަނީ އަބްދުލް ލަތީފް ބަޗޮލް ނަމަކަށް ކިޔާ، ޢުމުރުން 56 އަހަރުގެ މީހެކެވެ. އެމީހާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން، ކޯޓުން ވަނީ އޭނާގެ ބަންދަށް 30 ދުވަސް ޖަހާފައެވެ.

ރައީސް ޑރ. މުޙައްމަދު މުޢިއްޒު ލ.އަތޮޅަށް ކުރެއްވި ދަތުރުފުޅުގައި، ލ.ގަމުގައި ހުންނަ ޙަމަދު ބިން ޚަލީފާ އަލް ޘާނީ ސްކޫލުގައި ގަމު ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން، ވިދާޅުވީ 2019 ވަނަ އަހަރު ދޫކޮށްފަައިވާ ގޯތިތަކުގެ ޖާގަ ކުޑަވުމަކީ ގަމުގެ ރައްޔިތުންގެ ކަންބޮޑުވުމެއް ކަމަށެވެ. އެހެންކަމުން އެގޯތިތަކުގެ ޖާގަ ބޮޑުކޮށް ރައްޔިތުން ބޭނުންވާ ގޮތަށް ބަދަލު ގެނެސްދެއްވާނެ ކަމަށް ރައީސް ވިދާޅުވިއެވެ.

ލ. އަތޮޅުގައި ޕިކްނިކް އައިލެންޑެއް ހަދަން ނިންމާފައިވާ ކަމަށް ފަރުވެރިކަމާބެހޭ ވަޒީރު އިބްރާހިމް ފައިސަލް ވިދާޅުވެއްޖެ އެވެ. ރައީސް ޑރ. މުހައްމަދު މުޢިއްޒު ލ.އަތޮޅަށް ކުރައްވަމުން ގެންދަވާ ދަތުރުފުޅުގައި، މިއަދު ލ. ގަމުގައި ބޭއްވި ޖަލްސާގައި ވަޒީރު ފައިސަލް ވިދާޅުވީ ލ.އަތޮޅުގެ ތަރައްގީ އަށް މި ސަރުކާރުން ވަރަށް ގިނަ ޕްރޮޖެކްޓުތަކެއް ރާވާފައިވާ ކަމަށާއި، އެ ވަޢުދުތައް ހަގީގަތަކަށް ހަދައިދޭނެ ކަމަށެވެ. އެގޮތުން ލ.އަތޮޅުގެ ރައްޔިތުން ބޭނުން ކުރުމަށާއި ލޯކަލް ޓޫރިޒަމް ކުރިއެރުވުމަށް ޕިކްނިކް އައިލެންޑެއް ހަދަން ނިންމާފައިވާކަމަށް ވަޒީރު ވިދާޅުވިއެވެ.

ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް ޢުމަރު ވިދާޅުވީ އީދަށް ފޮނުވި ލައިޓުތައް ކައުންސިލްތަކުގެ މުދަލުގެ ގޮތުގައި ހަމަޖެއްސުމަށް ސަރުކާރުގެ އޮފީސްތައް ހުޅުވުމާއެކު އިދާރީ މަސައްކަތްތައް ފަށާނެ ކަމަށެވެ. އަދި ފޮނުވި ތަކެތީގެ ފުރިހަމަ ލިސްޓާއި އެ ތަކެތީގެ މިލްކުވެރިކަން ބަދަލުކުުރުމުގެ ކަންކަން ކުރިއަށް ގެންދާނެ ގޮތުގެ އިރުޝާދު މިނިސްޓްރީން ހިއްސާ ކުރާނެ ކަމަށް ވެސް ވަޒީރު ވިދާޅުވި އެވެ.

ރައީސް މުޙައްމަދު ނަޝީދުގެ ވެރިކަމުގައި ރައީސުލްޖުމްހޫރިއްޔާގެ އޮފީހުގެ އަންޑަ ސެކްރެޓަރީގެ މަޤާމު އަދާކުރެއްވި އިބްރާހީމް ރަޝީދު (ހޯރަ އިއްބެ) ނިޔާވެއްޖެއެވެ. މަޢުލޫމާތު ލިބޭގޮތުގައި ހޯރަ އިއްބެ ނިޔާވީ ހާޓްއެޓޭކެއް ޖެހިވަޑައިގެން އިންދިރާ ގާންދީ މެމޯރިއަލް ހޮސްޕިޓަލަށް ގެންގޮސް ފަރުވާކުރަމުން ދަނިކޮށެވެ.

ދެކުނު ކޮރެއާގެ ބޮޑުވަޒީރު ހަން ޑަކްސޫ އިސްތިއުފާ ދެއްވައިފިއެވެ. ބޮޑުވަޒީރު ހަން ޑަކްސޫ އިސްތިއުފާ ދެއްވާފައިވަނީ، ބުދަ ދުވަހު އޮތް ދެކުނު ކޮރެއާގެ މަޖިލީހުގެ އާންމު އިންތިޚާބުގައި އެ ގައުމުގެ އިދިކޮޅު ޕާޓީއިން ބޮޑު އަޣުލަބިއްޔަތެއް ހޯދުމާ ގުޅިގެން ބުރާސްފަތި ދުވަހުގެ ހެނދުނެވެ.

މިއަދު އެކްސްގައި ކުރެއްވި ޓްވީޓެއްގައި ޑރ. ޝަހީމު ވިދާޅުވީ، ޔަތީމު ކުދިންނަށް ޒަކާތު ހައުސް އިން ދާއިމީ އެހީތެރިކަމެއް ދެވޭނެ ނިޒާމެއް ޤާއިމުކުރާނެ ކަމަށާއި، މި ނިޒާމުގެ ދަށުން އެކުދިން ބޮޑުވަންދެން ކޮންމެ އަހަރަކުވެސް އެހީތެރިކަން ލިބިގެންދާނެ ކަމަށެވެ.

11 ރަށެއްގައި އައިސްޕްލާންޓް އެޅުމުގެ މަސައްކަތް ފެށުމަށް ތައްޔާރުވެއްޖެއެވެ. މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން މިއަދު ވިދާޅުވީ މަސް ދޯނިފަހަރަށް އައިސް ލިބުން ދަތިވާތީ، ދިމާވާ މައްސަލަތަކަށް ހައްލު ހޯދުމަށް ކުރަމުންދާ މަސައްކަތްތަކުގެ ތެރެއިން، އިތުރު 11 ރަށެއްގައި އައިސް ޕްލާންޓު ގާއިމްކުރަން ފެށުމަށް ވާންޖެހޭ ތައްޔާރީތައްވެ ނިމި ޢަމަލީ މަސައްކަތްތައް ފެށުމަށް ތައްޔާރުވެފައިވާ ކަމަށެވެ.

ކުރިއަށް އޮތް ދިހަ ދުވަހުގެ ތެރޭގަ ހިންގާ ސިޔާސީ ހަރާކަތްތައް ކުރިއަށްވުރެް ބޮޑު ތަނުން ވަރުގަދަ ކުރާނެ ކަމަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ރައްޔިތުންގެ މަޖިލީހުގެ އިންތިޚާބަށް ކަނޑައަޅުއްވާފައިވާ ތަރުޖަމާނު، ކެނދިކުޅުދޫ ދާއިރާގެ މެންބަރު އަހުމަދު އީސާ ވިދާޅުވެއްޖެއެވެ.

ޕީޕަލްސް ނޭޝަނަލް ފްރޮންޓް (ޕީއެންއެފް) އުފެއްދުމަށް މިރޭ ބާއްވަން ހަމަޖެހިފައިވާ ޚާއްސަ ޖަލްސާގައި، ކުރީގެ ރައީސް އަބްދުﷲ ޔާމީން އަބްދުލްޤައްޔޫމް ބައިވެރިވެވަޑައިގަންނަވާ ގޮތަކީ ސަޕްރައިޒެއް ކަމަށް ޕީއެންއެފްއިން ބުނެފިއެވެ.

މިއަދު ކަސްޓަމްސްއިން ކުރެއްވި ޕޯސްޓެއްގައި ވަނީ މިއަހަރުގެ ޖެނުއަރީ މަހުގެ 1 ވަނަ ދުވަހުން ފެށިގެން މަރޗް މަހުގެ 31 ވަނަ ދުވަހުގެ ނިޔަލަށް، ރާއްޖެއަށް އެތެރެ ކުރަން އުޅެނިކޮށް އަތުލައިގަނެވިފައިވާ މަސްތުވާތަކެތީގެ ތަފާސްހިސާބު ހާމަކުރައްވާފައެވެ. ޖުމުލަ 13.916 ކިލޯގެ މަސްތުވާތަކެތި އަތުލައިގަނެފައި ވާއިރު އެންމެ ގިނައިން އަތުލައިގަނެވިފައި ވަނީ ސިންތެޓިކް ކެތިނޯން އެވެ. އެގޮތުން 6.5 ކިލޯގެ ސިންތެޓިކް ކެތިނޯން އަތުލައިގަނެފައިވާ ކަމަށް ކަސްޓަމްސްގެ ތަފާސްހިސާބުން ދައްކައެވެ.

ޢީދު ދުވަސް ފާހަގަ ކުރައްވަން ބޭނުންވަނީ އެއް ރޫޙެއްގެ އެއްބައެއްގެ ގޮތުގައި އެއްބައިވަންތަކަމާއެކުގައި ކަމަށާ، ކުދިބޮޑު އެންމެނަށް އީދުގެ މުހިންމުކަން އިހްސާވާން ބޭނުންވާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.