އީރާނުން އިސްރާއީލާ ދެކޮޅަށް ހަނގުރާމަ ފަށައިފިއެވެ.

ރޭ މެންދަމު އީރާނުން ވަނީ އިސްރާއީލާ ދެކޮޅަށް ހަނގުރާމަ އިޢުލާނުކޮށް، ގިނަ ޢަދަދެއްގެ ޑްރޯނާއި މިސައިލް ފޮނުވާލާފައެވެ. އިރާނުން ފޮނުވާލި ޑްރޯންތައް ދިމިޝްޤާއި އިރާޤުގެ މަތިން އިސްރާއީލާ ދިމާލަށްދަތުރުކުރަމުން ދާއިރު، އީރާނުންން ފޮނުވާލި ފުރަތަމަ ބެޗުގެ ޑްރޯންތައް މިހާރު ވަނީ އިސްރާއިލުގެ ވައިގެ ސަރަހައްދަށް ވަދެފައެެވެ. އިސްރާއިލުގެ އަޔަން ޑޯމް އިން މިހާރު ބައެއް ޑްރޯންތައް ވައްޓަމުން ދާއިރު، އިސްރާއީލުގެ ބައެއް އަވަށްތަކަށް ޑްރޯންތަކުގެ ހަމަލާތައް އަމާޒުވެފައިވާ މައުލޫމާތު ލިބެއެވެ.

އިސްރާއީލުން އީރާނަށް ދިން ހަމަލާއެއްގައި އެ ޤައުމުގެ ދެ ޖެނެރަލަކު ޝަހީދުވުމުން، އިރާނުން ވަނީ އިސްރާއީލަށް ހަމަލާ ދޭނެކަމުގެ އިންޒާރު ދީފައެވެ. އަދި ބަދަލުގައި އިތުރު ހަމަލާއެއް ދީފި ނަމަ، ހަމަލާތައް އިތުރަށް ވަރުގަދަ ކުރާނެ ކަމަށްވެސް އީރާނުން ވަނީ ބުނެފައެވެ.

Advertisement

ލުބުނާނުގެ ޙިޒްބުﷲ އިންވެސް އިސްރާއީލާ ދެކޮޅަށް ހަނގުރާމަ އިޢުލާނުކޮށް މިސައިލްތައް ފޮނުވަމުން ދާއިރު، ޔަމަނުންވެސް ވަނީ ގިނަ އަދަދެއްގެ ޑްރޯންތަކެއް އިސްރާއީލާ ދެކޮޅަށް ފޮނުވާލާފައެވެ.

ޙަމަލާ ތަކާ ގުޅިގެން މިހާރު އިސްރާއީލުގައި ވަނީ ކުއްލި ޙާލަތު އިޢުލާން ކޮށްފައެވެ.

ހަނގުރާމައާ ގުޅިގެން އިރާނުގެ ފޮރިން މިނސްޓަރު ވިދާޅުވެފައި ވަނީ އެެމެރިކާއަށް ވާނީ އިންޒާރު ދީފައިކަމަށެވެ.

އެމެރިކާއިން އިސްރާއީލުގެ ދިފާއުގައި ނުކުމެއްޖެ ނަމަ ރަޝިޔާއިންވެސް އީރާނުގެ ދިފާޢުގައި ނުކުންނާނެ ކަމަށް ރަޝިޔާއިން ވަނީ ބުނެފައެވެ.

އިސްރާއީލުން އަންދާޒާ ކުރި ވަރަށްވުރެ އީރާނުގެ ހަމަލާތައް ވަރުގަދަ ކަމަށް އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ބުނެފައިވާއިރު، ގިނަ އަދަދެއްގެ މީހުން ޒަޚަމްވެދާނެކަމަށް ތައްޔާރު ވުމަށްވެސް ނަތަންޔާހޫ ވަނީ ހޮސްޕިޓަލް ތަކަށް އަންގާފައެވެ. މިހާރު އިސްރާއީލުގެ ރައްޔިތުންނަށް ވަނީ ބަންކަަރު ތަކަށް ވަނުމަށްވެސް އަންގާފައެވެ.