ދެކުނު ކޮރެއާގެ ބޮޑުވަޒީރު ހަން ޑަކްސޫ އިސްތިއުފާ ދެއްވައިފިއެވެ.
ބޮޑުވަޒީރު ހަން ޑަކްސޫ އިސްތިއުފާ ދެއްވާފައިވަނީ، ބުދަ ދުވަހު އޮތް ދެކުނު ކޮރެއާގެ މަޖިލީހުގެ އާންމު އިންތިޚާބުގައި އެ ގައުމުގެ އިދިކޮޅު ޕާޓީއިން ބޮޑު އަޣުލަބިއްޔަތެއް ހޯދުމާ ގުޅިގެން ބުރާސްފަތި ދުވަހުގެ ހެނދުނެވެ.
މި އިންތިހާބުން ބަލިވެ ވަޑައިގަތުމުން، ބޮޑުވަޒީރު ހަން ޑަކްސޫގެ އިތުރުންވެސް ސަރުކާރުގެ ބައެއް އިސް ފަރާތްތަކުން ވަނީ އިސްތިއުފާގެ ސިޓީ ހުށަހަޅުއްވައިފައެވެ. އެގޮތުން ރައީސްގެ ސެކެޓްރީންގެ އިތުރުން ޗީފް އޮފް ސްޓާފާއި ޗީފް އޮފް ސެކިއުރިޓީ ފޯ ޕޮލިސީ، އަދި ވެރިކަން ކުރާ ޕާޓީގެ ރައީސް ހާން ޑޮންގް ހޫން އިސްތިއުފާ އަށް ހުށަހަޅުއްވާފައިވާ ކަމަށް އޮފިޝަލުން ބުނެއެވެ.
ބުދަ ދުވަހުގެ އިންތިޚާބުގައި، އިދިކޮޅު ޑިމޮކްރެޓިކް ޕާޓީ (ޑީޕީކޭ) އާއި އިދިކޮޅު ކުދި ޕާޓީތައް ގުޅިގެން ވަނީ ގައުމީ މަޖިލީހުގެ 300 ގޮނޑީގެ ތެރެއިން 192 ގޮނޑި ކާމިޔާބު ކޮށްފި އެވެ.
އިންތިހާބުގެ ނަތީޖާ ގަބޫލުފުޅު ކުރައްވައި، ދައުލަތުގެ ގިނަ ކަންކަން ހަމަޔަކަށް އެޅުމަށް ކުރަންޖެހޭ މަސައްކަތްތައް ކުރައްވާނެ ކަމަށާއި ގައުމުގެ އިގުތިސޯދާއި އާންމު ދިރިއުޅުން ރަނގަޅު ކުރުމަށް ފިޔަވަޅު އަޅުއްވާނެ ކަމަށް ދެކުނު ކޮރެއާގެ ރައީސް ޔޫން ސުކް ޔެއޮލް ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
