އިސްރާއީލުން އިރާނާ ދެކޮޅަށް ދަތިކުރުމުގެ ފިޔަވަޅު އެޅުމަށް ގޮވާލައިފިއެވެ.
އިސްރާއީލުގެ ފޮރިން މިނިސްޓަރު ކަޓްޒް އަންގާރަ ދުވަހު ވިދާޅުވީ 32 ގައުމަކާ ގުޅިން އީރާނާ ދެކޮޅަށް ދަތިކުރުމުގެ ފިޔަވަޅު އެޅުމަށް އެދިފައިވާ ކަމަށެވެ. އެގޮތުން އީރާނުގެ މިސައިލް މަޝްރޫއަށް ދަތިކުރުމުގެ ފިޔަވަޅު އެޅުމަށާއި އިސްލާމިކް ރިވޮލިއުޝަނަރީ ގާޑް ކޯޕަކީ ޓެރަރިސްޓް ޖަމާއަތެއްގެ ގޮތުގައި އިއުލާން ކުރުމަށް ގޮވާލާފައިވާކަމަށް ވެސް ކަޓްޒް ބުންޏެވެ.
"މިސައިލްތަކާއި ޔޫއޭވީތައް ޖެހުމަށް އަސްކަރީ ރައްދު ދިނުމާ އެކު އަޅުގަނޑު މިދަނީ އީރާނާ ދެކޮޅަށް ޑިޕްލޮމެޓިކް ހަމަލާއެއް ލީޑް ކުރަމުން،"
އެކްސްގައި ކެޓްޒް ވިދާޅުވި އެވެ.
އިސްރާއީލުން މި ފިޔަވަޅު އެޅުމަށް ގޮވާލަނީ އީރާނުން ހޮނިހިރު ދުވަހު އިސްރާއީލަށް ދިން ހަމަލާތަކާ ގުޅިގެންނެވެ. އީރާނުން ދިން 99 އިންސައްތަ ހަމަލާތައް އެކި ޤައުމުތަކުގެ އެހީގައި ހުއްޓުވުނު ކަމަށާއި ލިބުނު ހަމަލާތަކުގެ ސަބަބުން އިސްރާއީލުގެ ދެކުނުގައި ހުރި އަސްކަރީ މަރުކަޒެއް ހިމެނޭ ގޮތަށް ކުދިކުދި ގެއްލުންތައް ލިބުނުކަމަށް އިސްރާއީލން ވަނީ ބުނެފައެވެ.
އީރާނުން ހޮނިހިރު ދުވަހު 300 އަށް ވުރެ ގިނަ ޑްރޯން އާއި ކްރޫޒް މިސައިލް އަދި ބެލިސްޓިކް މިސައިލް ބޭނުންކޮށްގެން އިސްރާއީލަށް ދިން ހަމަލާތަކަކީ ސީރިއާގައި ހުންނަ އީރާނުގެ ކޮންސިއުލޭޓަށް އިސްރާއީލުން ދިން ހަމަލާގެ ބަދަލު ހިފުމުގެ ގޮތުން ދިން ހަމަލާތަކެކެވެ. އިސްރާއީލުން ސީރިއާއަށް ދިން ހަމަލާގައި އިސްލާމިކް ރިވޮލިއުޝަނަރީ ގާޑްސް ކޯޕްސް (އައިއާރުޖީސީ) ގެ ޤުދުސް ފޯސްގެ ދެ ކޮމާންޑަރުން ހިމެނޭ ގޮތަށް 13 މީހުން ޝަހީދު ވިއެވެ.
Advertisement
This content is created and paid for by advertisers and does not involve Voice Journalists
