މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ)ގެ އާރު.ޓީ.އެލް ބަސްތައް ދަތުރުކުރާ ރޫޓަށް ބަދަލުގެނެސްފިއެވެ.

އެމްޓީސީސީއިން ހާމަކުރެއްވި ގޮތުގައި ބަދަލުގެނެސްފައިވަނީ، އާރ.ޓީ.އެލް ބަހުގެ ޚިދުމަތުގައި ހިމެނޭ އާރު2 (މާލެ ކާނިވަލް ސަރަހައްދުގައި ހުންނަ ބަސް ހުއްޓީން ހުޅުމާލެ ފޭސް އެކަކަށް) ދާ ބަހުގެ ރޫޓަށެވެ. 14 އޭޕްރީލުން ފެށިގެން މި ބަދަލާ އެއްގޮތަށް ބަސް ދަތުރުތައް ކުރިއަށްދާނެ ކަމަށް އެމްޓީސީސީއިން މައުލޫމާތު ދެއެވެ.

ބަސް ދަތުރަށް ބަދަލު ގެނެސްފައިވަނީ ސީއެޗްއެސްއީއަށް މަޑުކުރާގޮތަށެވެ. އެމްޓީސީސީއިން ހާމަ ކުރެއްވި ގޮތުގައި މި ބަދަލަކީ މާލެއިން ހުޅުމާލޭގައި ހުންނަ ސީއެޗްއެސްއީ އަށް ދަަތުރުކުރާ ދަރިވަރުންނާއި މުދައްރިސުންނަށް ފަސޭހަ ކޮށްދިނުމުގެ މަޤުސަދުގައި ގެނައި ބަދަލެކެވެ.

މި ބަދަލުގެ ސަބަބުން މިއަދުން ފެށިގެން ސްކޫލަށްދާ ދަރިވަރުންނާއި މުދައްރިސުންނަށް ބޮޑު ލުޔެއް ލިބިގެންދާނެއެވެ. އެމްޓީސީސީއިން ހާމަކުރެއްވި ގޮތުގައި މި ބަދަލު ގެނެސްފައިވަނީ ކަސްޓަމަރުންގެ ފީޑްބެކަށް ރިޢާޔަތްކުރުމަށް ފަހުއެވެ.