އީދަށް ރަށްރަށަށް ފޮނުވި ލައިޓުތައް ކައުންސިލްތަކުގެ މުދަލުގެ ގޮތުގައި ކަނޑައަޅަން ނިންމައިފި އެވެ.
ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް ޢުމަރު ވިދާޅުވީ އީދަށް ފޮނުވި ލައިޓުތައް ކައުންސިލްތަކުގެ މުދަލުގެ ގޮތުގައި ހަމަޖެއްސުމަށް ސަރުކާރުގެ އޮފީސްތައް ހުޅުވުމާއެކު އިދާރީ މަސައްކަތްތައް ފަށާނެ ކަމަށެވެ. އަދި ފޮނުވި ތަކެތީގެ ފުރިހަމަ ލިސްޓާއި އެ ތަކެތީގެ މިލްކުވެރިކަން ބަދަލުކުުރުމުގެ ކަންކަން ކުރިއަށް ގެންދާނެ ގޮތުގެ އިރުޝާދު މިނިސްޓްރީން ހިއްސާ ކުރާނެ ކަމަށް ވެސް ވަޒީރު ވިދާޅުވި އެވެ.
"ކައުންސިލްތަކުގެ އިންވެންޓަރީގައި ތަކެތި ހިމެނުމަަށްފަހު ސިޓީ/ރަށުގެ، ގައުމީ/އިޖުތިމާއީ ކަންކަމުގައި ކައުންސިލުން ކަނޑައަޅާ ގޮތެއްގެ މަތިން ބޭނުން ކުރުމުގެ ފުރުސަތު އޮންނާނެ."
ވަޒީރު ވިދާޅުވި އެވެ.
މި ފަހަރު ރާއްޖޭގެ އެކި ކަންކޮޅުތަކުގައި ކުލަގަދަކޮށް ޢީދު ފާހަގަ ކުރުމުގެ ގޮތުން ގިނަ އަދަދެއްގެ ލައިޓުތައް މާލޭ ސަރަހައްދުގައި ހަރުކޮށް، އެހެން ރަށްތަކަށްވެސް ފޮނުވާ، ޢީދަށް މުޅި ރާއްޖެ ދިއްލާލައިފައެވެ.
Advertisement
This content is created and paid for by advertisers and does not involve Voice Journalists
