ވޭތުވެދިޔަ 3 ދުވަހުގެ ތެރޭގައި 21 މިލިއަން ރުފިޔާގެ މަސްތުވާތަކެތި އަތުލައިގަންފައިވާކަމަށް މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ، އަލީ އިހުސާން ވިދާޅުވެއްޖެއެވެ.
އެމަނިކުފާނު މިއަދު އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ، ވޭތުވެ ދިޔަ 72 ގަޑިއިރު ތެރޭގައި ފުލުހުންނާއި ކަސްޓަމްސް ކުރިއަށް ގެންދިޔަ ޚާއްސަ އޮޕެރޭޝަންތަކެއްގައި 16.69 ކިލޯގެ މަސްތުވާ ތަކެތި އަތުލައިގެންފައިވާ ކަމަށެވެ. އަދި އަތުލައިގަނެވުނު މަސްތުވާތަކެތީގެ އަގު 21.6 މިލިއަން ރުފިޔާއަށް އަރާނެ ކަމަށްވެސް އެމަނިކުފާނު ވިދާޅުވިއެވެ.
މިނިސްޓަރު އިތުރަށް ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވެރިކަމުގައި، އަމާޒަކީ ދިވެހިރާއްޖެ މަސްތުވާތަކެތީގެ ވަބާއިން ސަލާމަތްވެފައިވާ ވެށްޓަކަށް ހެދުންކަމަށެވެ.
ދިވެހިރާއްޖޭގައި މަސްތުވާތަކެތީގެ މައްސަލަ ޙައްލުކުރުމަށް ދަނީ ތަފާތު އެކިއެކި މަސައްކަތްތައް ކުރައްވަމުންނެވެ. އެގޮތުން، ފުލުހުންނާއި ކަސްޓަމްސް ގުޅިގެން އޮޕަރޭޝަންތައް ކުރިއަށް ގެންދާއިރު، ފެންވަރު ރަނގަޅު ރިހެބިލިޓޭޝަން ސެންޓަރުތައް ޤާއިމުކުރައްވާނޭ ކަމަށް ރައީސް ޑރ. މުޙައްމަދު މުޢިއްޒު ވަނީ ވަޢުދުވެވަޑައިގަންފައެވެ.
Advertisement
This content is created and paid for by advertisers and does not involve Voice Journalists
