ކަސްޓަމްސްއިން "މެރިޓައިމް ސަރވައިލަންސް އެންޑް ބޯޑަރ ޕްރޮޓެކްޝަން" ގެ ނަމުގައި ޚާއްސަ ސެކްޝަނެއް އުފައްދައިފިއެވެ.

ކަސްޓަމްސް އިން ވިދާޅުވީ މި ސެކްޝަން އޮޕަރޭޓު ކުރާނީ ޑައިރެކްޓޮރޭޓް އޮފް އެންފޯސްމެންޓް އެންޑް ބޯޑަރ ސެކއުރިޓީ ދަށުން ކަމަށެވެ. އަދި މި ޚާޢްސަ ސެކްށަނުގެ މަގުސަދަކީ ދިވެހިރާއްޖޭގެ "އެކްސްކުލޫސިވް އިކޮނޮމިކް ޒޯން" ބެލެހެއްޓުން ވަރުގަދަ ކޮށް ކަނޑުގެ މަގުން މަސްތުވާތަކެތި ވެއްދުން ފަދަ ކަންކަން ހުއްޓުވުން ކަމަށެވެ.

ސެކްޝަންގެ މަސައްކަތްތައް ކުރިއަށް ގެންދިޔުމަށްޓަކައި، ހާއްސަ ލޯގޯއަކާއި ޔުނީފޯމެއް ވަނީ ފަރުމާކޮށްފައެވެ. އަދި މަސައްކަތްތަކަށް ބޭނުންވާ އުޅަނދުފަހަރާއި ވަސީލަތްތައް ހޯދުމަށް ރާއްޖޭގައި ހުންނަ ޗައިނާގެ އެމްބަސީ އާއި އެމެރިކާގެ އެކްސްޕޯޓް ކޮންޓްރޯލް އެންޑް ރިލޭޓެޑް ބޯޑާ ސެކިއުރިޓީ އާއެކު މަޝްވަރާކޮށްފައިވާ ކަމަށްވެސް ކަސްޓަމްސްއިން ވިދާޅުވިއެވެ.

Advertisement

އެގޮތުން، ކަސްޓަމްސްގެ ސަރަހައްދުތައް ޕެޓްރޯލުކުރުމަށް މީގެ ދެ އަހަރު ކުރިން ގަތް އުޅަނދެއް ބޭނުން ކުރުމަށް ހަމަޖެހިފައިވާއިރު، ޖަޕާނު ސަރުކާރުން ދެއްވާ 30 ފޫޓޫގެ ދެ އަޅަނދު މޭ މަހުގައި، އަދި 85 ފޫޓުގެ އުޅަނދެއް 2025 ވަނަ އަހަރުގެ ކުރީކޮޅު ލިބޭނެ ކަމަށްވެސް ކަސްޓަމްސްއިން ބުނެފައިވެއެވެ.

ކަސްޓަމްސްއިން އިތުރަށް ވިދާޅުވީ، "މެރިޓައިމް ސަވައިލަންސް އެންޑް ބޯޑަރ ޕްރޮޓެކްޝަން" ސެކްޝަނުން، އެމްއެންޑީއެފް އާއި ގުޅުގެން ޚާއްސަ އޮޕެރޭޝަންތަކެއް ކުރިއަށް ގެންދިޔުމަށް މަޝްވަރާ ކުރަމުން ދާ ކަމަށެވެ.