މާލޭގައި މީހަކު ރަހީނުކުރުމަށްފަހު މާރާމާރީ ހިންގައި، ފޭރުނު މައްސަލައެއްގައި މީހަކު ހައްޔަރު ކޮށްފިއެވެ.
ފޭރުމާއި، ތޫނު ހަތިޔާރު ބޭނުންކޮށްގެން ބިރުދެއްކުމާއި، މާރާމާރީ ހިންގުމާއި، ރަހީނު ކުރުމުގެ މައްސަލައެއްގައި، ފުލުހުން، 26 އަހަރުގެ ދިވެހި ފިރިހެނަކު، ހައްޔަރުކޮށްފައިވަނީ މިދިޔަ ހޯމަ ދުވަހުއެވެ. އަދި އޭނާގެ ބަންދާމެދު ގޮތެއް ނިންމުމަށް، އެމީހާ ވަނީ އިއްޔެ ކްރިމިނަލް ކޯޓަށް ހާޒިރުކޮށްފައެވެ.
މި މައްސަލައާއި ގުޅިގެން ފުލުހުން ކުރި ތަޙްޤީގުން ވަނީ، ތުހުމަތު ކުރެވޭ މީހާއާއި ދެކޮޅަށް ކޮންމެވެސް ވަރަކަށް ހެކި ލިބިފައެވެ. އެހެންކަމުން ޤާނޫނު އަސާސީގެ 49 ވަނަ މާއްދާއާއި ޖިނާއީ އިޖުރާތުގެ 59 އަދި 60 ވަނަ މާއްދާގެ ދަށުން، ކްރިމިނަލް ކޯޓުން ވަނީ އެމީހާ 15 ދުވަހަށް ޖަލު ބަންދުކުރުމަށް އަމރުކޮށްފައެވެ.
މި މައްސަލައިގައި ހައްޔަރު ކޮށްފައިވަނީ އެންމެ މީހެއް ނަމަވެސް، ފުލުހުން ކޯޓުގައި ބުނެފައިވަނީ މީހަކު ގެއަކަށް ގެންގޮސް ރަހީނުކޮށްފައިވަނީ ރާވައިގެން، ގިނަ ބަޔަކު ބައިވެރިވެގެން ކަމަށެވެ.
Advertisement
This content is created and paid for by advertisers and does not involve Voice Journalists
