މިއަދު ކަސްޓަމްސްއިން ނެރުނު ބަޔާނެއްގައި ބުނެފައިވަނީ، އޮޅުވާލައިގެން ރާއްޖެ އތެރެ ކުރަން އުޅުނު ގިނަ އަދެއްގެ ސިނގިރޭޓު އަތުލައިގެންފައިވަނީ މި މަހުގެ 13 ވަނަ ދުވަހުކަމަށެވެ. އަތުލައިގަން ޝިޕްމަންޓަކީ މިދިޔަ މެއި މަހުގެ 19 ވަނަ ދުވަހު ރާއްޖެ ގެނައި ޝިޕްމަންޓެއް ކަމަށާއި، އެ ޝިޕްމަންޓްގައި ޑިކްލެއަރ ކޮށްފައިވަނީ 343 ކަރޓަން ޓިޝޫ ޕޭޕަރ ކަމަށްވެސް ކަސްޓަމްސް އިން ވަނީ ބުނެފައެވެ. އަދި ކަސްޓަމްސްގެ ކަމާގުޅޭ އެކި ސެކްޝަންތައް ގުޅިގެން ހިންގި ޖޮއިންޓް އޮޕަރޭޝަނުގައި ޝިޕްމަންޓުގައި ހިމެނޭ މުދާ ބަލައި ފާސްކުރިއިރު 143 ކަރޓަންގެ ޓިޝޫއާއެކު 200 މާސްޓަރ ކަރޓަންގެ ސިނގިރޭޓުވެސް ފެނިފައިވާކަމަށް ކަސްޓަމްސް އިން މައުލޫމާތު ދެއެވެ. އަދި ޖުމްލަ އަތުލައިގަތް ސިނގިރޭޓުގެ އަދަދު 3،199،200 އަށް އަރާކަމަށްވެސް ކަސްޓަމްސް އިން ވަނީ ބުނެފައެވެ.

ރާއްޖޭގައި ޤަވާއިދާ ޚިލާފަށް އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދުމަށް ސަރުކާރުން ފައްޓަވާފައިވާ މަސައްކަތުގެ ފުރަތަމަ މަރުހަލާގެ ދަށުން ފެށި "އޮޕަރޭޝަން ކުރަނގި"ގެ ދަށުން މާފުށިން މިހާތަނަށް 805 ބިދޭސީންގެ މައުލޫމާތު ނަގާފައިވާ ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ބުނެފިއެވެ.

މިއަދު އެސްޓީއޯއިން ނެރުނު ބަޔާނެއްގައި ބުނެފައިވަނީ، 2023 ވަނަ އަހަރުގެ އަހަރީ ޢާންމު ޖަލްސާގައި، 2023 ވަނަ އަހަރުގެ ފައިދާއިން، ހިއްސާގެ ފައިދާގެ ގޮތުގައި ހިއްސާއަކަށް 80.00ރ ބަހަން ހުށަހެޅުމަށް، އެސްޓީއޯގެ ޑިރެކްޓަރުންގެ ބޯޑުން ވަނީ ނިންމާފައި ކަމަށެވެ.

ދިއްފުށީގައި ސްޓެލްކޯގެ އައު އިންޖީނުގެއެއް ޢިމާރާތްކުރުމަށް، ބިންގާ އަޅައިފި އެވެ. ޒަމާނީ ފެންވަރަށް ހަދަން ފަރުމާކޮށްފައިވާ، މި އައު އިންޖީނުގެ ޢިމާރާތްކުރުމަށް، ބިންގާ އަޅުއްވައިދެއްވީ ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީ އާއި ސްޓެލްކޯގެ ޑިރެކްޓަރުންގެ ބޯޑުގެ ޗެއާމަން މުޙައްމަދު ލަޠީފުގެ އިތުރުން، ރައްޔިތުންގެ މަޖިލީހުގެ ތުލުސްދޫ ދާއިރާގެ މެންބަރު އިބްރާހިމް ނަސީމެވެ.

ޗައިނާ ސަރުކާރުން ރާއްޖޭގެ އިސްތިޤުލާލަށް އިޙްތިރާމްކޮށް އެއްބާރުލުން ދޭނެކަމަށް ޗައިނީޒް ޕީޕަލްސް ޕޮލިޓިކަލް ކޮންސަލްޓޭޓިވް ކޮންފަރެންސްގެ 14 ވަނަ ނެޝަނަލް ކޮމިޓީގެ ވައިސް ޗެއާމަން، ބާޓަރ ވިދާޅުވެއްޖެއެވެ.

ބަންޑާރަނައިބުގެ އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި، އުޝާމު ވިދާޅުވީ، ކުރީ ސަރުކާރުން ޖޭއެސްސީ އިސްލާހުކުރުމަށް ހުށަހެޅި ބިލުގައި ޖޭއެސްސީ އެކުލަވައިލަން ހުށަހަޅާފައިވާ ގޮތަކީ އެންމެ ރަނގަޅު ގޮތް ގަބޫލު ނުކުރައްވާ ކަމަށެވެ. ކުރިން ޖޭއެސްސީ އިސްލާހުކުރުމަށް ހުށަހެޅި ބިލު ހުށަހަޅާފައިވަނީ އެކަށީގެންވާ މިންވަރަށް މަޝްވަރާ ކުރުމަށް ފަހު ކަމަށް ޤަބޫލުފުޅު ނުކުރެވޭކަން ފާހަގަ ކުރައްވާ އުޝާމް އިތުރަށް ވިދާޅުވީ، އެމަނިކުފާނު ބޭނުންވަނީ އެކަށީގެންވާ ވަރަށް މަޝްވަރާ ކުރުމަށްފަހު، އެންމެ ރަނގަޅު ހައްލެއް އެކަމަށް ގެނެވޭނެ ގޮތަކަށް ބިލު އެކުލަވާލުމަށްފަހު މަޖިލީހަށް ހުށަހަޅަން ކަމަށެވެ.

މާލޭ ސިޓީ ކައުންސިލުން މިއަދު ކުރި އިޢުލާނެއްގައި ބުނެފައިވަނީ 1445 ވަނަ އަހަރުގެ އަޟްޙާ ޢީދު ދުވަސް ފާހަގަ ކުރުމުގެ ގޮތުން ޢީދު ދުވަހުގެ ހަވީރު 16:00 އިން 18:00 އަށް މާލެ، ވިލިމާލެ އަދި ހުޅުމާލޭގައި ހިމެނޭ ޢާންމު ހުރިހާ މަގުތަކަކީ ވެހިކަލް ނުދުއްވާ ސަރަހައްދުތަކެއްގެ ގޮތުގައި ހަމަޖެއްސުމަށް ނިންމާފައި ވާކަމަށެވެ.

ކައުންސިލްގެ އާ ޢިމާރާތްތައް އަޅާ 50 ރަށް އިއުލާނު ކުރެއްވީ، މިއަދު ބޭއްވި ނޫސްވެރިންގެ ބައްދަލުވުމެއްގައި، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފެވެ.

މިއަދު ދިވެހިރާއްޖޭގެ ޕްރައިވެޓައިޒޭޝަން އެންޑް ކޯޕަރޭޝަން ބޯޑު (ޕީސީބީ) އިން އެކްސްގައި ކުރެއްވި ޕޯސްޓެއްގައި ބުނެފައިވަނީ މިއަދުން ފެށިގެން، އެމް.އެމް.ޕީ.އާރު.ސީ ގެ މެނޭޖިންގ ޑިރެކްޓަރު ކަމުގެ މަޤާމަށް ގ. ގޯލްޑަން ހައުސް އަލްފާޟިލް އިބްރާހިމް ޝިއުރީ އައްޔަނުކޮށްފައިވާ ކަމަށެވެ.

މިއަދު ބަންޑާރަ ނައިބުގެ އޮފީހުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އުޝާމް ވިދާޅުވީ، ސަރުކާރުގެ ފަރާތުން 15 މައުލޫއަކާ ގުޅޭގޮތުން 213 ބިލެއް ހުށަހަޅަން ނިންމާފައިވާކަމަށެވެ..

ދަތުރުފަތުރާއި މަދަނީ އުދުހުންތަކާ ބެހޭ ވުޒާރާގެ ސީނިއާ ޕޮލިޓިކަލް ޑިރެކްޓަރު ބާހިޒު ޝަފީޤު ނިޔާވެއްޖެއެވެ. އޭނާ ނިޔާވެފައި ވަނީ އޭޑީކޭ ހޮސްޕިޓަލް ގައި ފަރުވާ ދެމުން ދަނިކޮށެވެ.

މި އަހަރު ޙައްޖަށް ދިޔަ އެންމެ ހަގު ހައްޖުވެރިޔާ އިއްޔެ ނިޔާވެއްޖެއެވެ. ބޭރުގެ ބައެއް ނޫސްތަކުގައި ރިޕޯޓުކޮށްފައިވާ ގޮތުގައި، އޭނާ ނިޔާވާން މެދުވެރިވީ މައްކާގެ ހޫނު މިނަށް ކެތް ނުކުރެވުމުގެ ސަބަބުންނެވެ

މަސްވެރިންގެ ކަންބޮޑުވުންތަކަށް އަވަސް ހައްލެއް ހޯދައިދިނުމަށް ސަރުކާރަށް ގޮވާލައި އެމްޑީޕީއިން ނޫސްބަޔާނެއް ނެރެފިއެވެ.

ތަފާތު ބޮޑެތި ކުށްތަކަކަށް އަރައިގަތުމަށް "ޖަޒީރާ" ނަމުގައި ހިންގަމުން ދިޔަ ޓެލެގްރާމް ޗެނަލްތަކުގެ މައްސަލައިގައި ފުލުހުން ހައްޔަރުކުރި ތިން މީހެއްގެ މައްޗަށް ދައުވާކުރަން ޕްރޮސެކިއުޓާ ޖެނެރަލް (ޕީޖީ) އޮފީހުން ކްރިމިނަލް ކޯޓަށް ހުށަހަޅައިފިއެވެ. ޕީޖީ އޮފީހުން ބުނީ ދައުވާތަކާ ގުޅިގެން އެ ތިން މީހުން ކުށްކޮށްގެން ހޯދާފައިވާ ކަމަށް ބެލެވޭ 9,495,685.55 ރުފިޔާ ދައުލަތަށް ނަގައިދިނުމަށްވެސް އެދިފައިވާނެ ކަމަށެވެ.

ނޫހަކުން، ލިޔެފައިވާ ޚަބަރަކަށް ރައްދު ދެއްވަމުން، ވަޒީރު ޝިޔާމު އެކްސްގައި ކުރެއްވި ޕޯސްޓެއްގަިއ ވިދާޅުވީ، ބޮޑު ކަންނެލި ޔޫނިޔަނުން އިސްނަގައިގެން ބޮޑުކަންނެލި މަސްވެރިން ކުރަމުންދަނީ ވަރަށް ސުލްހަވެރި އިހުތިޖާޖެއްކަމަށެވެ. އަދި މުޒާހަރާ ކުރަމުންދާ، ޔޫނިޔަންގެ އިސްވެރިންނާ މުއާމަލާތް ކުރަމުންދާކަމަށްވެސް ވަޒީރު ވިދާޅުވިއެވެ.

ޖުޑީޝަލް ސަރވިސް ކޮމިޝަން، (ޖޭއެސްސީ)ގެ ރައީސްކަމަށް، ރައްޔިތުންގެ މަޖިލީހުގެ މާފުށީ ދާއިރާގެ މެންބަރު އަލްއުސްތާޛް ޙުސައިން ރިޟާ އިންތިޚާބުކުރައްވައިފިއެވެ. މެންބަރު އަލްއުސްތާޛް ޙުސައިން ރިޟާއަކީ ޤާނޫނީ ދާއިރާއިން މަތީ ތަޢުލީމް ހާސިލްކުރައްވާފައިވާ ބޭފުޅެކެވެ. އޭނާ މީގެކުރިން ކްރިމިނަލް ކޯޓުގެ އެޑްމިނިސްޓްރޭޓާގެ މަޤާމުވެސް އަދާކުރައްވާފައިވާކަން ފާހަގަކޮށްލެވެއެވެ.

މާލީ ޙާލަތު ރަނގަޅު ވަމުން ދިޔަވަރަކަށް މަސްވެރިންގެ ވައުދުތައް ވެސް ދާނީ ފުރިހަމަވަމުން ކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް ވިދާޅުވެއްޖެ އެވެ. ވަޒީރު މިފަދައިން ވިދާޅުވެފައި ވަނީ، ރާއްޖޭގެ ބޮޑުކަންނެލި މަސްވެރިންގެ ހުރި ކަންބޮޑުވުންތަކުގެ އަޑު ސަރުކާރަށް އިއްވުމަށް ކަންނެލި މަސްވެރިން, ހުޅުމާލެ ފަޅުތެރެއާއި، މާލެ އެއް ނަންބަރު ޖެޓީގައި އިހުތިޖާޖެއް ފަށާފައިވާ ދަނޑިވަޅެއްގައި، މަސްވެރިންނާ ބައްދަލުކުރުމަށް އެއް ނަންބަރު ޖެޓީއަށް ވަޑައިގަންނަވާ، މަސްވެރިންނާ ވާހަކަފުޅު ދައްކަވަމުންނެވެ.

ފަލަޞްޠީނުގެ ޣައްޒާގައި އިޒްރޭލުން ހިންގަމުންދާ ލާއިންސާނީ ޖަރީމާތައް، މިނިވަން ދެ ފަރާތަކުން ތަޙްޤީގު ކުރުމަށްފަހު، މިއަދު ނެރުނު ރިޕޯޓުގައި ވަނީ އިޒްރޭލު، އެތައް ގޮތަކުން ކުށްވެރިވާކަމަށް ބުނެފައެވެ. އެގޮތުން، ހަމައެކނަި، މިދިޔަ އަހަރުގެ އޮކްޓޯބަރު މަހުގެ ހަތް ވަނަ ދުވަހުން ފެށިގެން، އެ އަހަރު ނިމުމާ ހަމައަށް، އަލިއަޅުވާލާފައިވާ މި ރިޕޯޓުގައި ވަނީ، އެ 12 ހަފްތާގެ ތެރޭގައި މީހުން މެރުމާއި، ޖިންސީ އަނިޔާ ކުރުމާއި، ގަދަ ކަމުން މީހުން އެއް ތަނުން އަނެއް ތަނަށް ބަދަލުކުރުވުމާއި، ގަސްތުގައި އަނިޔާ ކުރުން، އަދި މުޖުތަމަޢެއް ނައްތާލަން މަސައްކަތް ކުރުން ފަދަ އެތައް ޖަރީމާ ތަކެއް ހިންގި ކަން ސާބިތުކަމަށް، ބުނެފައެވެ.

ފުލުހުން ހާމަ ކުރި ގޮތުގައި، ދެ ފުލުހަކަށް ހަމަލާ ދީ މާރާމާރީ ހިންގުމުން، 45 އަހަރުގެ އަންހެނަކު ވަނީ ހައްޔަރުކޮށްފައެވެ. މި މައްސަލައާ މެދު ގޮތެއް ނިންމުމަށް ކޯޓަށް މައްސަލަ ހުށަހެޅުމުން، މިހާރު އެ އަންހެން މީހާގެ ބަންދަށް ވަނީ، ކްރިމިނަލް ކޯޓުން 10 ދުވަސް ޖަހާފައެވެ.

ކުޑަކުދިން ދުންފަތުގެ އިސްތިޢުމާލުކުރުމުން ސަލާމާތްކުރުމަށް "ދަފަރާ" ގެ ނަމުގައި ކެމްޕެއިނެއް އިފުތިތާހުކޮށްފިއެވެ.

މި އަހަރު އެންމެ ޢުމުރުން ދުވަސްވީ ޙައްޖުވެރިއެއްގެ ގޮތުގައި ޙައްޖަށް ގޮސްފައިވަނީ 130 އަހަރުގެ މީހެއްކެވެ.

އެމްއެފްޑީއޭއިން މިއަދު ބުނެފައި ވަނީ ތައިލެންޑުގެ ބޭސް އުފައްދާ އަންނަ ކުންފުންޏެއް ކަމަށްވާ 'ސެވަން ސްޓާސް ފާމަކިއުޓިކަލް' އިން ބޭސް އުފެއްދުމަށް ބޭނުންކޮށްފައިވާ ސޯބިޓަލް (އެކްސްޕިއެންޓެއް)ގައި ނުރައްކާތެރި ކެމިކަލްގެ މާއްދާއެއް އެކުލެވިގެންވާ ކަމަށެވެ.

މިއަދު ނަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން ނެރުނު ބަޔާނެއްގައި ބުނެފައިވަނީ މިއަހަރު ސްޓޫޑެންޓް ލޯނަށް ކުރިމަތިލީ ދަރިވަރުންގެ ތެރެއިން ޕައިލެޓުކަމަށް ދޫކުރާނީ 10 ޖާގަކަމަށެވެ.

މިއަދު، ރައީސް ނަޝީދުގެ ނުރަސްމީ އެކައުންޓުން އެކްސްގައި ކުރެއްވި ޕޯސްޓެއްގައި ވިދާޅުވީ، އެމަނިކުފާނު ދެކޭ ގޮތުގައި ޑިމޮކްރެޓްސް ޑރ.މުޢިއްޒަށް ތާޢީދު ކުރީ މިއަދު މި ދެކޭ ސުލްޙަވެރި، ގުޅުން ރަނގަޅު، އިންޑިއާ ކަނޑުގެ ތަސައްވަރު ފެންނަ ކަމުން ކަމަށެވެ.

އީފާސްގެ "ފޭސް ވެރިފިކޭޝަން"ގެ ވެންޑާއަކީ އިޒްރޭކު ކުންފުންޏަކަށްވާތީ، އެ ކުންފުނީގެ ބަދަލުގައި، އެހެން ބަޔަކު ހޯދުމުގެ މަސައްކަތް ސަރުކާރުން ފަށައިފިއެވެ. އީފާސްއިން 'އެކްސް' ގައި ކުރި ޕޯސްޓެއްގައި ބުނެފައިވަނީ އީފާސްގައި ބޭނުންކުރަމުން އަންނަ ފޭސް ވެރިފިކޭޝަންގެ ވެންޑަރ ބަދަލުކުރުމުގެ މަސައްކަތް ކުރަމުންދާތީ, އީފާސްގެ ފޭސް ވެރިފިކޭޝަންގެ ޚިދުމަތް މެދުކެނޑިފައިވާކަމަށެވެ.

ބައެއް މުދާ އުފުލާ ދޯނިތައް، ކަންނެލި ޖެޓީ ސަރަހައްދު ބޭނުންކުރާ މައްސަލައަށް ހައްލެއް ހޯދައިދިނުމަށް މަސައްކަތްކުރަމުންދާ ކަމަށް، މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ. ވަޒީރު މިހެން ވިދާޅުވެފައިވަނީ، 'ބޮޑު ކަންނެލި މަސްވެރިންގެ ޔޫނިއަން' އިން އެކްސްގައި ކުރި ކަންބޮޑުވުމުގެ ޕޯސްޓަކަށް ރައްދު ދެއްވަމުންނެވެ.

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، އިންޑިއާގެ ރައީސާ ދުރޫޕަދީ މުރުމޫ އާ ބައްދަލުކުރެއްވީ މިއަދު، ނިއުދިއްލީގައި ހުންނަ އިންޑިއާގެ ރިޔާސީ ގަނޑުވަރު ރާޝްތުރަޕަތީ ބަވަންގައެވެ.

"ބިންވެރިޔާ ސްކީމް" ގެ ދަށުން ހިލޭ ބިން ދޫކުރުމުން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް ބޮޑެތި މާލީ ގެއްލުންތަކެއް ވެފައިވާކަން، އޮޑިޓް ރިޕޯޓުން ހާމަވެއްޖެއެވެ. އޮޑިޓް ރިޕޯޓުން ހާމަވިގޮތުގައި، އެޗްޑީސީން ފޯރުކޮށްދީފައިވާ ލިޔެކިޔުންތަކަށް ބަލާއިރު، ބިންވެރިޔާ ސްކީމުގެ ދަށުން މި ބިންތައް ދޫކުރުމުން ލިބޭނެ ކަމަށް ލަފާކުރެވޭ ގެއްލުމަކީ 7.2 ބިލިއަން ރުފިޔާއާއި 10.5 ބިލިއަން ރުފިޔާ އާ ދެމެދުގެ އަދަދެކެވެ.

އިސްރާއީލުގެ ބޮޑުވަޒީރު، ބެންޖަމިން ނަތަންޔާހޫގެ ހަނގުރާމަ ކެބިނެޓުން ދެވަޒީރުން، ހަނގުރާމައިގައި ބަލިވަމުންދާކަމަށް ބުނެ ކެބިނެޓުން އިސްތިއުފާ ދީފިއެވެ. ހަނގުރާމައިގައި ނަތަންޔާހޫ ގެންގުޅެމުންދާ ސިޔާސަތުތަކާ ނުރުހުންވެ އިސްތިއުފާ ދީފައިވަނީ، ވަޒީރު، ބެނީ ގާންޓްޒް އާއި ގާދީ އައިސެންކޮޓް އެވެ.

ބ. އަތޮޅު ސީސައިޑް ފިނޮޅު ރިސޯޓުން އެ އަތޮޅު ވެސްޓްއިން މޯލްޑިވްސް މިރިޔަންދު އަށް ދަތުރުކުރި ޓީއެމްއޭގެ މަތިންދާބޯޓެއް އެ ރިސޯޓަށް ޖެއްސުމުގެ ތެރޭގައި ބޯޓުގެ ކަނާތު ކަނދަށް ގެއްލުންވެ، ހާދިސާއެއް ހިނގި ކަމަށާއި އެ ހާދިސާއެއް ހިނގާފައިވަނީ އިއްޔެ މެންދުރު ފަހު 3:30 ހާއިރު އެވެ. މި ހާދިސާ މިހާރު ދަނީ ސިވިލް އޭވިއޭޝަން އޮތޯރިޓީން ތަހުގީގުކުރަމުންނެވެ.