މާލީ ޙާލަތު ރަނގަޅު ވަމުން ދިޔަވަރަކަށް މަސްވެރިންގެ ވައުދުތައް ވެސް ދާނީ ފުރިހަމަވަމުން ؛ ޝިޔާމް
މާލީ ޙާލަތު ރަނގަޅު ވަމުން ދިޔަވަރަކަށް މަސްވެރިންގެ ވައުދުތައް ވެސް ދާނީ ފުރިހަމަވަމުން ކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް ވިދާޅުވެއްޖެ އެވެ.
ވަޒީރު މިފަދައިން ވިދާޅުވެފައި ވަނީ، ރާއްޖޭގެ ބޮޑުކަންނެލި މަސްވެރިންގެ ހުރި ކަންބޮޑުވުންތަކުގެ އަޑު ސަރުކާރަށް އިއްވުމަށް ކަންނެލި މަސްވެރިން, ހުޅުމާލެ ފަޅުތެރެއާއި، މާލެ އެއް ނަންބަރު ޖެޓީގައި އިހުތިޖާޖެއް ފަށާފައިވާ ދަނޑިވަޅެއްގައި، މަސްވެރިންނާ ބައްދަލުކުރުމަށް އެއް ނަންބަރު ޖެޓީއަށް ވަޑައިގަންނަވާ، މަސްވެރިންނާ ވާހަކަފުޅު ދައްކަވަމުންނެވެ.
ވަޒީރު ޝިޔާމް ވިދާޅުވީ, މިފްކޯއަށް ކަންނެލި ގަތުމަކީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅެއް ނަމަވެސް މިއަހަރު އެކަން ކުރާނެ ފެންވަރެއް މިފްކޯގެ ނެތްކަމަށެވެ. ނަމަވެސް މާލީ ޙާލަތު ރަނގަޅު ވަމުން ދިޔަ ވަރަކަށް މަސްވެރިންގެ ވަޢުދުތައް ފުއްދަވާނެ ކަމުގެ ޔަޤީންކަން އެމަނިކުފާނެ ވަނީ ދެއްވަފައެވެ.
Advertisement
"މި އަހަރަކު އަޅުގަނޑުމެންނަކަށް ނެތް ކަންނެލި މަސްވެރިންގެ އަތުން ކަންނެލި ގަނެވޭކަށް މިފްކޯއަށް. މިފްކޯ އޮތީ އެ ޙާލަތަކު ނޫން. މިފްކޯ ރަނގަޅު ހާލަތަކަށް ގެނައުމުގެ މަސައްކަތް ވެސް އަޅުގަނޑުމެން މި ދަނީ ކުރަމުން."
ވަޒީރު ޝިޔާމް ވިދާޅުވިއެވެ.
މީގެ އިތުރުން ވަޒީރު ވަނީ، ކަންނެލި މަސްވެރިންގެ މަސްލަޙަތު ޙިމާޔަތްކުރަން، މަސައްކަތް ކުރައްވާނެކަމަށްވެސް ވިދާޅުވެފައެވެ.
"ކަންނެލި މަސްވެރިންގެ މަސްލަހަތު އެންމެ ރަނގަޅަށް ހިމާޔަތްކުރެވޭ ގޮތަކަށް ނޫނީ އެއްވެސް އެކްޓިވިޓީއެއް އަޅުގަނޑުމެންގެ ސަރެުކާރަކު ނުހިނގާނެ"
ވަޒީރު ވިދާޅުވިއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
