އީފާސްގެ "ފޭސް ވެރިފިކޭޝަން"ގެ ވެންޑާއަކީ އިޒްރޭކު ކުންފުންޏަކަށްވާތީ، އެ ކުންފުނީގެ ބަދަލުގައި، އެހެން ބަޔަކު ހޯދުމުގެ މަސައްކަތް ސަރުކާރުން ފަށައިފިއެވެ.
އީފާސްއިން 'އެކްސް' ގައި ކުރި ޕޯސްޓެއްގައި ބުނެފައިވަނީ އީފާސްގައި ބޭނުންކުރަމުން އަންނަ ފޭސް ވެރިފިކޭޝަންގެ ވެންޑަރ ބަދަލުކުރުމުގެ މަސައްކަތް ކުރަމުންދާތީ, އީފާސްގެ ފޭސް ވެރިފިކޭޝަންގެ ޚިދުމަތް މެދުކެނޑިފައިވާކަމަށެވެ.
އެހެންކަމުން، އީފާސް ވެރިފައިކުރައްވަން ބޭނުންވާ ފަރާތްތަކުން ނެޝަނަލް ސެންޓަރ ފޮރ އިންފޮމޭޝަން ޓެކްނޮލޮޖީއަށް އީމެއިލްކުރެއްވުމަށްވެސް ވަނީ އީފާސް އިން ވަނީ އެދިފައެވެ.
އީފާސްގެ ފޭސް ރިކޮގްނިޝަން ޚިދުމަތް ބަލަހައްޓަމުން އައިސްފައިވަނީ "ސަމްސަބް" ނަމަކަށް ކިޔާ ކުންފުންޏަކުންނެވެ. އެ ކުންފުންޏަކީ، އިނގިރޭސިވިލާތުގައި ރަޖިސްޓްރީ ކޮށްފައި އޮންނަ އިޒްރޭލު ބަޔަކު ހިންގާ ކުންފުންޏެކެވެ. އެ ކުންފުނީގެ ފައުންޑަރުންނާއި ސީއީއޯއަކީ ވެސް އިޒްރޭލުގެ މީހުންނެވެ.
އީފާހަކީ ދައުލަތުގެ ގިނަ މުވައްސަސާތަކުން ރައްޔިތުންނަށް ޚިދުމަތް ދިނުމުގައި ބޭނުންކުރަމުންދާ އެޕްލިކޭޝަނަކަށް ވުމާއެކު، ރާއްޖޭގެ ހުރިހާ ރައްޔިތުންގެ ފޮޓޯއާއި ޒާތީ މަޢުލޫމާތު އިޒްރޭލު ކުންފުންޏަކަށް ބޭނުންކުރެވޭނެ ފުރުސަތު އޮތުމުން ގިނަބަޔަކު ވަނީ އެކަމާ މެދު ކަންބޮޑުވުން ފާޅު ކުރަމުންނެވެ.
އިޒްރޭލު ކުންފުނީގެ ބަދަލުގައި، ވެންޑާ އަކަށް ހަމަޖައްސާނެ ކުންފުންޏެއް، ސަރުކާރުން ހާމަ ކޮށްފައެއް ނުވެއެވެ.
ނަމަވެސް، މި ވަގުތަށް އީފާސް ވެރިފައި ކުރުން މެދުކެނޑުނަ ނުދިނުމަށް، އީފާސް ވެރިފައިކުރަން ބޭނުންވާ މީހުންނަށް އީފާސްގައި ރަޖިސްޓްރީކޮށްފައިވާ އީމެއިލް އިން އައިޑީކާޑު ނަންބަރާއި ގުޅޭނެ ފޯނު ނަންބަރެއް [email protected] އަށް އީމެއިލްކޮށްގެން ކުރިއަށް ގެންދެވޭނެ ކަމަށް އީފާސް އިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
