މި އަހަރު އެންމެ ޢުމުރުން ދުވަސްވީ ޙައްޖުވެރިއެއްގެ ގޮތުގައި ޙައްޖަށް ގޮސްފައިވަނީ 130 އަހަރުގެ މީހެއްކެވެ.
ޙަރަމްފުޅުގެ ޚަބަރުތައް ގެނެސްދޭ، ‘އިންސައިޑް ދަ ޙަރަމައިން’ އިން ރިޕޯޓުކުރި ގޮތުގައި އެންމެ ޢުމުރުން ދުވަސްވީ ޙައްޖުވެރިޔާއަކީ، ސަރަހޫދާ ސްތީތީ ނަމަކަށް ކިޔާ ޖަޒާއިރަށް ނިސްބަތްވާ މީހެކެވެ.
އޭނާ ވަނީ އިއްޔެގެ ވަގުތެއްގައި ސަޢުދީ ޢަރަބިއްޔާއަށް ގޮސްފަައެވެ.
ސަރަހޫދާ، ޙައްޖުގެ މަތިވެރި އަޅުކަން އަދާކުރުމަށް ސަޢުދީޢަރަބިއްޔާއަށް ދިޔުމުން ވަނީ އޭނާއަށް ހޫނު މަރުޙަބާއެއް ކިޔާފައެވެ.
ސައުދީ އަށް ހަނދު ފެނުމާއި ގުޅިގެން މިއަހަރުގެ ހައްޖު މަސް މިމަހުގެ 7 ވަނަ ދުވަހު ފެށިފައިވާއިރު، ޢަރަފާތު ދުވަހަކީ މިމަހުގެ 15 ވަނަ ދުވަހެވެ. އަދި އަޟްހާ އީދު ދުވަހަކީ މި މަހުގެ 16 ވަނަ ދުވަހެވެ.
ސަޢުދީ ޢަރައްބިއްޔާއިން މައުލޫމާތުދިން ގޮތުގައި މި އަހަރު ޙައްޖުގެ މަތިވެރި އަޅުކަން އަދާކުރުމަށް މިހާތަނަށް 1.2 މިލިއަނަށް ވުރެ ގިނަ ޙައްޖުވެރިން ވަނީ ސައުދީ އަރަބިއާއަށް އެތެރެވެފައެވެ.
Advertisement
This content is created and paid for by advertisers and does not involve Voice Journalists
