ވެލާނާ އިންޓަނޭޝަނަލް އެއާޕޯޓްގެ ސަލާމަތާއި ރައްކާތެރިކަން ކަށަވަރު ކުރުމަށް ޓަކައި އެއާޕޯޓްގެ އިރުމަތީ ފަރާތުގައި ސެކިއުރިޓީ ޗެކް ޕޯސްޓެއް މިއަދު ހުޅުވާފއިވާއިރު، މި ޗެެކުޕޯސްޓު ހުޅުވުމަށް ބޭއްވި ރަސްމިއްޔާތުގައި ވާހަކަދައްކަވަމުން އެމްޑީ ވިދާޅުވީ ޤާއިމު ކުރެވުނު ޗެކް ޕޯސްޓް ތަކަކީ ޒަމާނީ ޗެކް ޕޯސްޓް ތަކެއް ކަމަށާއި އެއާޕޯޓްގެ ސަލާމަތާއި ކައްކާތެރިކަމަށް އެޅުނު ވަރަށް ބޮޑު ފިޔަވަޅެއް ކަމަށެވެ.

މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ދުނިޔޭގެ ކާބޯތަކެއްޗާއި ބެހޭ ޖަމްޢިއްޔާ (އެފްއޭއޯ) ގެ މަސްވެރިކަމާބެހޭ ކޮމިޓީގެ 36 ވަނަ ޖަލްސާގައި ބައިވެރިވެވަޑައިގަންނަވައިފިއެވެ.

ހުޅުމާލޭގައި އާންމުން ދިރިއުޅޭ ސަރަހައްދުތަކުގައި ސިނާއީ މަސައްކަތް ނުކުރުމަށާއި، ހުޅުމާލެއިން ދޫކޮށްފައިވާ އެއްވެސް ބިމެއްގައި ހުއްދަ ނުނަގާ އިމާރާތް ކުރުމުގެ މަސައްކަތްތައް ނުކުރުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިލްތިމާސްކޮށްފި އެވެ.

މިއަދު ބަންޑާރަ ނައިބުގެ އޮފީހުން ނެރުނު ނޫސްބަޔާނެއްގައި ބުނެފައިވަނީ އައި.ސީ.ޖޭ ގައި ކުރިއަށްދާ "އެޕްލިކޭޝަން އޮފް ދަ ކޮންވެންޝަން އޮން ދަ ޕްރިވެންޝަން އެންޑް ޕަނިޝްމަންޓް އޮފް ދަ ކްރައިމް އޮފް ޖެނޮސައިޑް (ދަ ގެމްބިއާ ވ. މިޔަންމާ)" މައްސަލައަށް ތަދައްޚުލުވުމަށް އެދި ދިވެހިރާއްޖެއިން ހުށަހެޅި ޑެކްލަރޭޝަން އޮފް އިންޓަރވެންޝަން ބަލައިގެންނެވުމަށް އައި.ސީ.ޖޭ. އިން ނިންމާފައިވާ ކަމަށެވެ.

މިއަދު ރައީސުލްޖުމްހޫރިއްޔާގެ އޮފީހުން ހާމަކުރެއްވި ގޮތުގައި،މިއަދު މެންދުރުފަހުގެ ވަގުތެއްގައި އިންޑިއާ ސަފީރު މުނޫ މަހާވަރު، ވަނީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ.

އެމްޑީޕީން ހާމަ ކުރެއްވި ގޮތުގައި އެ ޕާޓީން ވަނީ މަޖިލީހުގެ ރައީސް އަބްދުއްރަޙީމާ ބައްދަލުކުރައްވާފައެވެ. އަދި ޕާޓީގެ ޗެއަރޕާސަން ފައްޔާޒު އިސްމާއިލް ވަނީ، މަޖިލީހުގައި މައިނޯރިޓީ ޕާޓީގެ ހައްގުތައް ހިމާޔަތްކޮށް، ވީހާވެސް ފުޅާކޮށް މަސައްކަތް ކުރުމުގެ ފުރުސަތު ކަށަވަރުކޮށްދިނުމަށް އެދިވަޑައިގެންފައެވެ.

ޖެންޑާ މިނިސްޓްރީގެ ކުރީގެ ސްޓޭޓް މިނިސްޓަރު ޒިފްލީނާ ހަސަން ތިން މިލިއަނަށް ވުރެ ގިނަ ރުފިޔާގެ ފްލެޓެއް ބައްލަވައިގަތް މައްސަލަ، ބަލައިދޭން ދިވެހި ފުލުހުންގެ ޚިދުމަތުން, އެންޓި ކޮރަޕްޝަން ކޮމިޝަން, އޭސީސީއަށް ހުށަހަޅައިފިއެވެ. ފުލުހުންގެ ތަރުޖަމާނު އަޙްމަދު ޝިފާން, ހާމަ ކުރެއްވި ގޮތުގައި، ޒިފްލީނާ ފްލެޓް ގަތް މައްސަލައިގައި ކޮރަޕްޝަން ހިމެނޭ ކަަމަށް މީހަކު ވަނީ ފުލުހުންނަށް ހުށަހަޅާފައެވެ. އަދި އެހެންކަމުން, އެކަން އިތުރަށް ތަޙްޤީގު ކުރުމަށް ވަނީ އޭސީސީއަށް ފޮނުވާފައެވެ.

ވަރަށް އަވަހަށް ޗައިނާއިން އައްޑުއަށް ސީދާ ދަތުރުތައް ފެށޭނެކަމަށް ފަތުރުވެރިކަމާ ބެހޭ ވަޒީރު، އިބްރާހިމް ފައިސަލް ވިދާޅުވެއްޖެއެވެ.

ދުނިޔޭގެ އެކި ސަރަހައްދުތަކުން އޭވިއޭޝަން ދާއިރާގެ 150 އަށް ވުރެ ގިނަ މަންދޫބުން ބައިވެރިވި އެއަރ ސަރވިސް ވޯލްޑް ކޮންގްރެސް ކާމިޔާބުކަމާއި އެކު މިއަދު ނިންމާލައިފިއެވެ. މޯލްޑިވްސް އެއަރޕޯޓްސް ކޮމްޕެނީއާ ގުޅިގެން، މިމަހު 9 އިން 11 އަށް ކުރިއަށް ގެންދިޔަ މި ކޮންގްރެސް އަކީ ގްލޯބަލް ޓްރެވަލް އިންވެސްޓްމެންޓުން އިންތިޒާމްކުރާ ބައިނަލްއަގްވާމީ ހަރަކާތެކެވެ.މި ހަރަކާތުގެ މަޤުސަދަކީ، ވައިގެ ދަތުރުފަތުރުގެ ދާއިރާގެ ތަފާތު ވިޔަފާރިތަކުގެ މެދުގައި، ނެޓްވޯރކިންގއާއި ވިޔަފާރި ކުރިއެރުވުމެވެ.

އިމާރާތްކުރުމާއި ބިނާރާ ބެހޭ ވަޒީރު، އިބްރާހީމް ޠައާމު މުހައްމަދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ތިލަމާލެ ބްރިޖު މަޝްރޫޢުގެ ފުރަތަމަ ކަނޑުގެ ޕްރީކާސްޓް ޑެކް ސެގްމަންޓް މިއަދު ވިލިމާލެ ކައިރީގައި ވަނީ ފަށައިގަނެވިފައި ވާކަމަށެވެ. އަދި، މިހާތަނަށް މަޝްރޫޢުގެ މަސައްކަތުގެ ޖުމްލަ 40.47 އިންސައްތަ ވަނީ ނިމިފައިކަމަށް ވަޒީރު ފާހަގަކުރެއްވިއެވެ. މިއީ 2023 ވަނަ އަހަރުގެ ނޮވެމްބަރު މަހު ގާތްގަނޑަކަށް 29 އިންސައްތައިގައި ހުރި މިންވަރާ އަޅާބަލާއިރު ފާހަގަކޮށްލެވޭ ކުރިއެރުމެކެވެ.

އެސްޓީއޯ މެޑިކަލް ސާވިސަސް އިން ދަރުމަވަންތަ ހޮސްޕިޓަލުގައި އައު ފާމަސީއެއް ހުޅުވައިފިއެވެ. މި ފާމަސީ ރަސްމީކޮށް ހުޅުވައިދެއްވީ 10 ޖުލައި 2024 ވަނަ ދުވަހުގެ ރޭ ދަރުމަވަންތަ ހޮސްޕިޓަލުގައި ބޭއްވުނު ރަސްމިއްޔާތެއްގައި އެސްޓީއޯގެ ޗެއާމަން އަލްފާޟިލް އާމިރު މަންސޫރެވެ. މި ރަސްމިއްޔާތުގައި އެސްޓީއޯގެ އިސްވެރިންގެ އިތުރުން އައިޖީއެމްއެޗް އަދި ދަރުމަވަންތަ ހޮސްޕިޓަލުގެ އިސްވެރިން ބައިވެރިވެ ވަޑައިގެންނެވިއެވެ.

2013 ވަނަ އަހަރު، މާލޭގައި ތޫނު އެއްޗެހިން ހަމަލާދީ މަރާލި، މއ. އައިޝާ، ހުސައިން ވަހީދުގެ މަރުގެ މައްސަލައިގައި، މަރުގެ އަދަބު ދިނުމަށް ޙުކުމް ކޮށްފައިވާ ކުއްޖާއަށް، ހުސައިންގެ މަންމަ މަޢާފް ދިނުމުން އެ ކުއްޖާ މަރުގެ އަދަބުން ސަލާމަތްވެއްޖެ އެވެ.

ސްވިޓްޒަރލޭންޑްގެ ޖެނީވާގައި ބޭއްވުނު ރިވިއު ސެޝަނުގައި އުޝާމް ވިދާޅުވީ، އިސްލާމްދީނަކީ ދިވެހި ރައްޔިތުކަމުގެ މައިގަނޑު އެއް އަސާސް ކަމަށެވެ. އަދި އެއީ ދިވެހި މުޖުތަމަޢުގައި ބަދަލުކުރުމަށް ޖާގަ ނުދެވޭނެ އަސްލެއް ކަމަށާއި، އައިސީސީޕީއާރުގައި ބަޔާންކުރާ ޙައްޤުތައް ރާއްޖޭގައި ލިބިދެވޭނީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި، ޤާނޫނުތަކާއި އިސްލާމްދީނުގެ އަސްލުތަކާ އެއްގޮތްވާ ގޮތުގެ މަތިން ކަމަށްވެސް އުޝާމް ވިދާޅުވިއެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ޑެޕިއުޓީ މެނޭޖިންގ ޑިރެކްޓަރުގެ މަޤާމުން އިސްތިއުފާ ދެއްވި މުޙައްމަދު ބައްސާމް އާދަމް، އިސްތިއުފާފާ ދެއްވީ ސަރުކާރުން ޚަރަދު ކުޑަކުރުމަށް ކުރައްވަމުންގެންދަވާ މަސައްކަތުގެ ތެރެއިން ކަމަށް ވިދާޅުވެއްޖެއެވެ.

ދިވެހިރާއްޖެއާއި އެމެރިކާ އާ ދެމެދު ވިޔަފާރީގެ ގުޅުން އިތުރަށް ބަދަހިކުރުމަށް މަޝްވަރާތައް ފަށައިފިއެވެ. މި ދަތުރުފުޅުގައި ވަޒީރު ބައްދަލުކުރައްވާނީ އެމެރިކާގެ ޗެމްބަރ އޮފް ކޮމާސްގެ މެމްބަރުންނާއި، ސަރުކާރުގެ އެހެނިހެން އިދާރާތަކުގެ އިސްވެރިންނާއި އަދި ވިޔަފާރިވެރިންނާއެވެ.

ރައީސް ޑރ. މުޙައްމަދު މުޢިއްޒު އޮގަސްޓް މަހުގެ ފުރަތަމަ ހަފްތާގައި ރަސްމީ ދަތުރުފުޅެއްގައި ލަންކާއަށް ވަޑައިގަންނަވާ ކަމަށް ލަންކާގެ މީޑިޔާއަކުން ހާމަކޮށްފިއެވެ.

އެމެރިކާގެ ރައީސް ޖޯ ބައިޑެންގެ ރިޔާސީ އިންތިޚާބުގެ ކެންޑިޑޭސީއާ ގުޅޭގޮތުން މަޝްވަރާކުރުމަށް ޑިމޮކްރެޓިކް ޕާޓީގެ މެންބަރުން މިއަދު ވޮޝިންގްޓަންގައި ކުއްލި ބައްދަލުވުންތަކެއް ބާއްވާފައިވެއެވެ. މި ކުއްލި ބައްދަލުވުންތައް ބާއްވާފައިވަނީ، ޢުމުރުފުޅުން 81 އަހަރުގެ ރައީސް، ބައިޑެންގެ ސިއްޙީ ހާލަތާއި މެދު ވެސް ސުވާލު އުފެދިފައިވާ ދަނޑިވަޅެއްގައި، ޑޮނަލްޑް ޓްރަމްޕާ އެކު ބޭއްވުނު ރިޔާސީ ބަޙުޘުގައި ބައިޑަންގެ ފަރާތުން ފެނުނު ދެރަ ޕަރފޯމަންސް އާ ގުޅިގެންނެވެ.

އާސަންދައިން މިއަދު ހާމަކުރި ގޮތުގައި މި ޖުލައި މަހުގެ އެއްވަނަ ދުވަހުން ފެށިގެން 19 އަހަރާއި 39 އަހަރާ ދެމެދުގެ މީހުންނަށް ސަރުކާރުގެ ހޮސްޕިޓަލުތަކުން މެޑިކަލް ޗެކަޕް ހެދޭނެ އިންތިޒާމު ހަމަޖައްސާފައިވާ ކަމށެވެ.

ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް އަންނަ ފަރާތްތަކަށް މަރުހަބާ ކިޔުމަށް ހެދި މޮނިއުމެންޓު މިއަދު ހުޅުވައިފި އެވެ. އެމްއޭސީއެލް އިން ހާމަ ކުރެއްވި ގޮތުގައި، މިފަދަ މޮނިއުމަންޓެއް ބެހެއްޓީ ވެލާނާ އިންޓަނޭޝަލަން އެއަރޕޯޓު ބޭނުން ކުރާ ފަސިންޖަރުންނަށް ތަފާތު ތަޖުރިބާއެއް ދިނުމުގެ ބޭނުމުގައެވެ.

ޗައިނާ ސަރުކާރުގެ އެހީގައި ކ.ހިންމަފުށީގައި 165 ސޯލާ މަގުބައްތި ހަރުކޮށްފިއެވެ.

މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އެ ކުންފުނީގެ މުވައްޒަފުންގެ އަހަރީ ހެލްތު ސްކްރީނިންގ ޕްރޮގްރާމް ފަށައިފިއެވެ.

ފިނޭންސް މިނިސްޓަރު ޑރ. މުޙައްމަދު ޝަފީޤު އަދި އެ މިނިސްޓްރީގެ އިސް އޮފިޝަލުން މިއަދު ވޯލްޑް ބޭންކުން ދިވެހިރާއްޖެ، ނޭޕާލް އަދި ސްރީލަންކާގެ ކަންތައްތަކަށް އަލަށް އައްޔަންކުރެވުނު ކަންޓްރީ ޑިރެކްޓަރު މިސްޓަރ ޑޭވިޑް ސިސްލެން އާ ބައްދަލުކުރައްވައިފިއެވެ.

އިކޮނޮމިކް މިނިސްޓަރު މުހައްމަދު ސައީދު އެމެރިކާ އަށް ރަސްމީ ދަތުރުފުޅެއްގައި މިއަދު ފުރާވަޑައިގެންފި އެވެ.

އެމްޑީޕީގެ ގައުމީ މަޖިލިސް ބައި-އިލެކްޝަނުގައި ވާދަކުރުމަށް އެ ޕާޓީގެ ކުރީގެ ޗެއަރޕާސަން މޫސާ މަނިކު (ރީކޯ މޫސާ) ހުށަހެޅުއްވި ހުށަހެޅުން ބަލައިނުގަތުމަށް އެމްޑީޕީން ނިންމައިފިއެވެ. މި ނިންމުމާ ގުޅިގެން މޫސާ މަނިކު ވަނީ އެކްސްގައި ޕޯސްޓެއް ކުރައްވާ ކަންބޮޑުވުން ފާޅުކުރައްވާފައެވެ.

އީ-ލަރނިން މޮޑަލިޓީގެ ދަށުން ކީރިތި ޤުރްއާނާއި ޤުރްއާނާއި ގުޅުން ހުރި ދާއިރާތައް ކިޔަވައިދިނުމުގެ ހުއްދަ މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ދީފިއެވެ. އެގޮތުން، ކިޔަވައިދިނުމުގައި އީ-ލަރނިން ޑެލިވަރީ މޮޑަލިޓީގައި، މަޢާނިލް ޤުރްއާނާއި ޢުލޫމުލް ޤުރްއާން ފަދަ މޮޑިއުލްތައް މިހާރުން މިހާރަށްވެސް ކިޔަވައިދޭން ފެށިދާނެ ކަމަށާއި ވަކި އުޞޫލެއްގެ މަތިން ތިލާވާ އަދި ޙިފްޡް ފަދަ މާއްދާތައް ކިޔަވައިދެވިދާނެ ކަމަށް އިސްލާމީ ކަންތައްތަކާ ބެހޭ ވުޒާރާއިން ބަޔާނާ ހަވާލާދީ އެމްކިއުއޭއިން ބުނެއެވެ.

މިރޭގެ މޫސުންވެސް ގޯސްވާނެ ކަމަށް ލަފާކޮށް ހއ. އަތޮޅުން ފެށިގެން ބ. އަތޮޅަށް ހުދު ސަމާލު ނެރެފި އެވެ. ހުދު ސަމާލު ނެރެފައިވަނީ 18:30 އިން ފެށިގެން 00:30 އާ ހަމައަށެވެ.

ސަރުކާރުން މިހާތަނަށް މަސްވެރިންނަށް 998.8 މިލިޔަން ރުފިޔާ ދޫކޮށްފައިވާކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވުޒާރާއިން ހާމަކޮށްފިއެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަލީ ހާޝިމް، މާދަމާ ރައްޔިތުންގެ މަޖިލިހުގެ މާލިއްޔަތު ކޮމިޓީއަށް ހާޒިރު ކުރަން ނިންމައިފިއެވެ.

މަޖީދިއްޔާ ސްކޫލް ސަރަހައްދުގައި ހުންނަ ސްޓެލްކޯގެ ސަބްސްޓޭޝަނެއްގެ ކޭބަލްތަކެއް ބުރިކޮށް އެ ތަކެތި ވަގަށް ނެގި ކަމުގެ ތުހުމަތުގައި މިއަދު ހައްޔަރު ކޮށްފައި ވަނީ 32 އަހަރުގެ ދިވެހި ފިރިހެނެކެވެ.

ހިޖުރީ އައު އަހަރު ޢަޒުމުކަނޑައަޅަންވީ ޤައުމުގެ ކަންކަން އިޞްލާހުކުރުމުގައި އެންމެން އެކަތިގަނޑަކަށް ވުމަށްކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެވެ.