މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަލީ ހާޝިމް، މާދަމާ ރައްޔިތުންގެ މަޖިލިހުގެ މާލިއްޔަތު ކޮމިޓީއަށް ހާޒިރު ކުރަން ނިންމައިފިއެވެ.
މާދަމާ 11:00 ޖަހާއިރު އޮންނަ މާލިއްޔަތު ކޮމިޓީގެ ބައްދަލުވުމަށް ހާޝިމްގެ އިތުރުން ޑެޕިއުޓީ ގަވަރުނަރު އަހުމަދު އިމާދާއި އެސިސްޓަންޓް ގަވަރުނަރު އިދުހާމް ހުސެއިން ވެސް ހިމެނިވަޑައިގަންނަވައެވެ.
އަދި ޓެކްސް ކޮމިޝަނަރު ހަސަން ޒަރީރާއި އޮޑިޓަ ޖެނެރަލް ހުސެއިން ނިޔާޒު ވެސް މާދަމާ މާލިއްޔަތު ކޮމިޓީ އަށް ހާޒިރު ކުރާ ގޮތަށް ވަނީ ހަމަޖެހިފައެވެ.
ހާޝީމް މަޖިލިހުގެ މާލިއްޔަތު ކޮމިޓީއަށް ހާޒިރު ކުރަން ހަމަޖެހިފައިވާއިރު، ހާޝިމް، މަގާމުން ވަކިކުރުމުގެ މަސައްކަތް މާލިއްޔަތު ކޮމިޓީން ފަށައިފައި ވާކަން ފާހަގަ ކޮށްލެވެއެވެ.
އެ މައްސަލަ އިސްވެ، މާލިއްޔަތު ކޮމިޓީ އަށް ހުށަހެޅުއްވީ މަޖިލިހުގެ ނައިބު ރައީސް އަހުމަދު ނާޒިމެވެ.
ހާޝިމް، އެމްއެމްއޭގެ ގަވަރުނަރަކަށް އައްޔަން ކުރީ 2019 ވަނަ އަހަރުގެ ސެޕްޓެމްބަރު މަހު ގައެވެ. ހާޝިމް އެ މަޤާމުގެ ކުރިން، ކުރީގެ ރައީސް މުހައްމަދު ނަޝީދުގެ ސަރުކާރުގައި ފިނޭންސް މިނިސްޓަރުކަންވެސް ކުރައްވައިފައެވެ.
Advertisement
This content is created and paid for by advertisers and does not involve Voice Journalists
