އެމްޑީޕީގެ ގައުމީ މަޖިލިސް ބައި-އިލެކްޝަނުގައި ވާދަކުރުމަށް އެ ޕާޓީގެ ކުރީގެ ޗެއަރޕާސަން މޫސާ މަނިކު (ރީކޯ މޫސާ) ހުށަހެޅުއްވި ހުށަހެޅުން ބަލައިނުގަތުމަށް އެމްޑީޕީން ނިންމައިފިއެވެ.
އެމްޑީޕީގެ ބައި-އިލެކްޝަނަށް މޫސާގެ ނަން ބަލައިނުގަންނަން ނިންމާފައިވަނީ، އެ ޕާޓީގެ ފިޔަވަޅު އަޅާ ކޮމިޓީއަށް ހުށަހެޅުނު މައްސަލަ ބެލުމަށްފަހު އެ ޕާޓީން މޫސާ މަނިކު ވަކިކުރަން ނިންމާފައިވާ ނިންމުމުގައި ވަނީ މޫސާ މަނިކު، އެލުން ޕާޓީއަށް ވަދެވަޑައިގެންފި ނަމަ އެ ދުވަހުން ފެށިގެން 5 އަހަރު ދުވަހަށް ޕާޓީގެ އެއްވެސް މަޤާމަކަށް އަދި އެއްވެސް ޕްރައިމަރީއެއްގައި ވާދަ ނުކުރެވޭ ގޮތަށް ކަމަށް ވުމުންނެވެ.
އަދި މި ނިންމުމަށް ބަދަލެއް ގެންނަން ނުފެންނަ ކަމަށް އެމްޑީޕީގެ އިސްތިއުނާފު ފަނޑިޔާރު މަޖިލީހުން ނިންމާފައިވާ ކަމަށް އެމްޑީޕީއިން ވަނީ ބުނެފައެވެ.
މި ނިންމުމާ ގުޅިގެން މޫސާ މަނިކު ވަނީ އެކްސްގައި ޕޯސްޓެއް ކުރައްވާ ކަންބޮޑުވުން ފާޅުކުރައްވާފައެވެ.
Advertisement
This content is created and paid for by advertisers and does not involve Voice Journalists
