އެސްޓީއޯ މެޑިކަލް ސާވިސަސް އިން ދަރުމަވަންތަ ހޮސްޕިޓަލުގައި އައު ފާމަސީއެއް ހުޅުވައިފިއެވެ. މި ފާމަސީ ރަސްމީކޮށް ހުޅުވައިދެއްވީ 10 ޖުލައި 2024 ވަނަ ދުވަހުގެ ރޭ ދަރުމަވަންތަ ހޮސްޕިޓަލުގައި ބޭއްވުނު ރަސްމިއްޔާތެއްގައި އެސްޓީއޯގެ ޗެއާމަން އަލްފާޟިލް އާމިރު މަންސޫރެވެ.
މި ރަސްމިއްޔާތުގައި އެސްޓީއޯގެ އިސްވެރިންގެ އިތުރުން އައިޖީއެމްއެޗް އަދި ދަރުމަވަންތަ ހޮސްޕިޓަލުގެ އިސްވެރިން ބައިވެރިވެ ވަޑައިގެންނެވިއެވެ.
ދަރުމަވަންތަ ހޮސްޕިޓަލުގައި ހުޅުވުނު އެސްޓީއޯގެ މި އައު ފާމަސީއަކީ އެހެން ފާމަސީތަކާ ތަފާތުކޮށް މޮޑަން ކޮންސެޕްޓަކަށް ތައްޔާރުކުރެވިފައިވާ ފާމަސީއެކެވެ. މި ފާމަސީން ޚިދުމަތް ހޯއްދަވާ ފަރާތްތަކަށް ބޭހާއި، ހޮސްޕިޓަލު އަދި ގޭގައި ބޭނުންކުރެވޭނެ މެޑިކަލް އިކުއިޕްމަންޓްސްގެ އިތުރުން ޕަރސަނަލް ކެއަރ ރޭންޖްގެ ވަރަށް ގިނަ ތަކެތި ލިބިވަޑައިގަންނަވާނެއެވެ.
މި ފާމަސީ ހުންނާނީ ދަރުމަވަންތަ ހޮސްޕިޓަލުގެ މައި އެންޓްރަންސްއިން ވަންނައިރު ކަނާތްފަރާތުގައެވެ. ފާމަސީ ހުޅުވިފައި ހުންނާނީ ހޮނިހިރު ދުވަހުން ބުރާސްފަތި ދުވަހަށް ހެނދުނު 8:00 އިން ރޭގަނޑު 12:00 އަށެވެ. ހުކުރު ދުވަހު ހުޅުވިފައި ހުންނާނީ މެންދުރުފަހު 2:00 އިން ރޭގަނޑު 10:00 އަށެވެ.
Advertisement
This content is created and paid for by advertisers and does not involve Voice Journalists
