ވެލާނާ އިންޓަނޭޝަނަލް އެއާޕޯޓްގައި ގާއިމުކުރި ޗެކްޕޯސްޓުތަކަކަކީ ސެކިއުރިޓީ ވަރުގަދަ ކުރުމަށް ލިބުނު ބޮޑު ބާރެއް ކަމަށް އެމްއޭސީއެލްގެ މެނޭޖިން ޑިރެކްޓަރ އިބްރާހިމް ޝަރީފް ވިދާޅުވެއްޖެއެވެ.
ވެލާނާ އިންޓަނޭޝަނަލް އެއާޕޯޓްގެ ސަލާމަތާއި ރައްކާތެރިކަން ކަށަވަރު ކުރުމަށް ޓަކައި އެއާޕޯޓްގެ އިރުމަތީ ފަރާތުގައި ސެކިއުރިޓީ ޗެކް ޕޯސްޓެއް މިއަދު ހުޅުވާފއިވާއިރު، މި ޗެެކުޕޯސްޓު ހުޅުވުމަށް ބޭއްވި ރަސްމިއްޔާތުގައި ވާހަކަދައްކަވަމުން އެމްޑީ ވިދާޅުވީ ޤާއިމު ކުރެވުނު ޗެކް ޕޯސްޓް ތަކަކީ ޒަމާނީ ޗެކް ޕޯސްޓް ތަކެއް ކަމަށާއި އެއާޕޯޓްގެ ސަލާމަތާއި ކައްކާތެރިކަމަށް އެޅުނު ވަރަށް ބޮޑު ފިޔަވަޅެއް ކަމަށެވެ.
އެގޮތުން ރާއްޖެއަށް އެތެރެވާ މަސްތުވާތަކެތި ހިފެހެއްޓުމަށްޓަކައި މި ދެ ޗެކްޕޯސްޓުގެ ސަބަބުން ކަސްޓަމްސްއަށް ވަރަށް ބޮޑު ލުުޔެއް ލިބިގެންދާނެ ކަމަށާއި މީގެ ފަހުން އެއާ ސައިޑުން ނުކުންނަ އަދި ވަންނަ ފަރާތްތަށް ކަސްޓަމްސްއިން ވަރަށް ރަނގަޅަށް ބަލާ ފާސް ކުރެވޭނެ ކަމަށް ޝަރީފް ވިދާޅުވިއެވެ.
"އަޅުގަނޑުމެންގެ އެއަރ ސައިޑުން ލޭންޑްސައިޑަށް ނުކުންނަ ހުރިހާ މީހުން ދެން މީގެ ފަހުން ވަރަށް ރަނގަޅަށް ޗެކް ކުރެވިގެން، އެ ގެންނަ އެއްޗެހި ޗެކް ކޮށް ސްކޭން ކުރެވި ކަސްޓަމްސް އިން ބައްލަވާނެ ވަރަކަށް ބައްލަވާ މިކަން ކުރުމުގެ ފުރުސަތަ މި ފަހިވެގެން ދިޔައީ"
އެމްޑީ ޝަރީފް ވިދާޅުވިއެވެ.
މީގެއިތުރުން ޝަރީފް ވިދާޅުވީ، އިތުރު ސްކޭން މެޝިންތަކާއި އަދި ބެގެޖް ހޭންޑަލް ކުރާ ސިސްޓަމެއްވެސް ވަރަށް އަވަހަށް ޤާއިމު ކުރުމުގެ މަސައްކަތް ކުރިއަށް ދާނެ ކަމަށެވެ. އަދި މިކަމުގެ ސަބަބުން އޭވިއޭޝަން ސެކިއުރިޓީ ވަރުގަދަވެ، ލަގެޖްތައް ރަނގަޅަށް ހަރުދަނާ ކަމާ އެކު ބެލިގެންދާނެ ކަމަށް ވެސް ވަނީ ޝަރީފް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
