ބައެއް މުދާ އުފުލާ ދޯނިތައް، ކަންނެލި ޖެޓީ ސަރަހައްދު ބޭނުންކުރާ މައްސަލައަށް ހައްލެއް ހޯދައިދިނުމަށް މަސައްކަތްކުރަމުންދާ ކަމަށް، މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.
ވަޒީރު މިހެން ވިދާޅުވެފައިވަނީ، 'ބޮޑު ކަންނެލި މަސްވެރިންގެ ޔޫނިއަން' އިން އެކްސްގައި ކުރި ކަންބޮޑުވުމުގެ ޕޯސްޓަކަށް ރައްދު ދެއްވަމުންނެވެ.
ބަޑު ކަންނެލި މަސްވެރިންގެ ޔޫނިއަން އިން ބުނެފައިވަނީ، ކަންނެލި ޖެޓީ ސަރަހައްދަކީ މަސްވެރިންނަށް ޚާއްސަ ކުރެވިފައިވާ ސަރަހައްދެއް ނަމަވެސް މުދާ އުފުލާ ބައެއް ދޯނި ފަހަރު އެ ސަރަހައްދު ބޭނުން ކުރަމުން ދާ ކަމަށެވެ. އެހެން ކަމުން މަސްވެރިނަށް ދަތި ވާ ކަމަށްވެސް އެ ޕޯސްޓުގައި ބުނެފައިވެއެވެ.
މި ޕޯސްޓަށް ރައްދު ދެއްވަމުން، ވަޒީރު ޝިޔާމް ވިދާޅުވީ، އެ ކަންބޮޑުވުމަށް ހައްލެއް ހޯދުމަށްޓަކައި ހައުސިން ޑިވެލޮޕްމަންޓް ކޯޕަރޭޝަން (އެޗްޑިސީ) އާއެކު މަސައްކަތް ކުރަމުން ދާ ކަމަށެވެ.
އަދި މިވަގުތު ފޭސް 3 ބިން ހިއްކުމުގެ މަސައްކަތްވެސް ކުރިޔަށް ދާތީއާއެކު ހުޅުމާލޭ ފަޅުގެ ޖާގައިގެ ދަތިކަން ހުރިކަން އެ މަނިކުފާނު ވަނީ ފާހަގަ ކުރައްވާފައެވެ.
Advertisement
This content is created and paid for by advertisers and does not involve Voice Journalists
