މަސްވެރިން ކުރަމުންދަނީ ވަރަށް ސުލްހަވެރި އިހުތިޖާޖެއް ކަމަށާއި މަސްލަހަތު ގެއްލޭފަދަ ކަންކަން އެއްވެސް ފަރާތަކުން ނުކުރެއްވުމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު، އަޙްމަދު ޝިޔާމް ވިދާޅު ވެއްޖެއެވެ.
ނޫހަކުން، ލިޔެފައިވާ ޚަބަރަކަށް ރައްދު ދެއްވަމުން، ވަޒީރު ޝިޔާމު އެކްސްގައި ކުރެއްވި ޕޯސްޓެއްގަިއ ވިދާޅުވީ، ބޮޑު ކަންނެލި ޔޫނިޔަނުން އިސްނަގައިގެން ބޮޑުކަންނެލި މަސްވެރިން ކުރަމުންދަނީ ވަރަށް ސުލްހަވެރި އިހުތިޖާޖެއްކަމަށެވެ. އަދި މުޒާހަރާ ކުރަމުންދާ، ޔޫނިޔަންގެ އިސްވެރިންނާ މުއާމަލާތް ކުރަމުންދާކަމަށްވެސް ވަޒީރު ވިދާޅުވިއެވެ.
ވަޒީރު ރައްދު ދެއްވާފައިވާ ނޫހުގައި ބުނެފައިވަނީ، މަދު ބަންގްލަދޭޝް މީހުން ކޮޅެއް ކުރާ މުޒާހަރާ އެއް ވީމާ އެތަނަށް ނުދާނެކަމަށް ވިދާޅުވިކަމަށެވެ. ވަޒީރު ވަނީ، މި ޚަބަރު ދޮގުކުރައްވާފައެވެ.
"މީ އަޅުގަނޑު ދެންނެވި ވާހަކައެއްނޫން. އެއްވެސް ފަރާތަކުން މަސްލަހަތު ގެއްލޭފަދަ ކަންކަން ނުކުރެއްވުން ވަރަށް އެދެން." ވަޒީރު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
