ބީޖިންގގައި މިއަދު ބޭއްވުނު ރަސްމިއްޔާތެއްގައި، މާލެ އަދި ވިލިމާލޭގެ މަގުތައް އަލުން ތަރައްޤީކުރުމުގެ މަޝްރޫޢުގެ ފީސިބިލިޓީ ސްޓަޑީ ހެދުމަށްޓަކައި ދިވެހި ސަރުކާރާއި ޗައިނާ ސަރުކާރާ ދެމެދު ލެޓަރ އޮފް އެކްސްޗޭންޖެއްގައި ސޮއިކޮށްފިއެވެ.
ކޮންސްޓްރަކްޝަން މިނިސްޓްރީން އެކސްގައި ކުރި ޕޯސްޓެއްގައި ބުނެފައިވާ ގޮތުގައި، މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން އެންޑް އިންފްރާސްޓްރަކްޗަރ މިނިސްޓަރ ޑރ. ޢަބްދުﷲ މުއްޠަލިބެވެ. އަދި ޗައިނާ ސަރުކާރުގެ ފަރާތުން ސޮއިކުރެއްވީ ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އޭޖެންސީ (ސީޑްކާ)ގެ ޗެއަރމަން ލޫ ޒަހާއުއީއެވެ.
މި އެއްބަސްވުމުގެ ދަށުން، މާލެ އަދި ވިލިމާލޭގެ މަގުތައް އަލުން ތަރައްޤީކުރުމަށް ހުށަހަޅާފައިވާ މަޝްރޫޢުގެ ފީސިބިލިޓީ ސްޓަޑީއެއް ހެދުމުގެ މަސައްކަތް ކުރިއަށް ގެންދެވޭނެއެވެ. މި ސްޓަޑީން މަޝްރޫޢުގެ އިޤްތިޞާދީ އަދި ޓެކްނިކަލް ވިޔަބިލިޓީ ދެނެގަނެވި، މަޝްރޫޢު ކުރިއަށް ގެންދިއުމަށް ބޭނުންވާ މުހިންމު މަޢުލޫމާތު ލިބިގެންދާނެއެވެ.
Advertisement
This content is created and paid for by advertisers and does not involve Voice Journalists
