ކުރީގެ އެޑިއުކޭޝަން މިނިސްޓަރު ޑރ. އައިޝަތު އަލީގެ ރަސްމީ އީމެއިލްތަކެއް ޑިލީޓުކޮށްފައިވާ މައްސަލައެއް ފުލުހުން ތަޙްޤީގުކުރަން ފަށައިފިއެވެ.

މި ކަމާ ގުޅޭ ގޮތުން މައުލޫމާތު ދެއްވަމުން ފުލުހުން ބުނީ ކުރީގެ އެޑިއުކޭޝަން މިނިސްޓަރު އައިޝަތު ބޭނުން ކުރައްވަމުން ގެންދެވި ރަސްމީ އީމެއިލްގައިވާ ހުރިހާ މެއިލެއް 2023 ވަނަ އަހަރުގެ ތެރޭގައި ޑިލީޓުކޮށްފައިވާ މައްސަލައެއް ތަހުގީގު ކުރަމުންދާ ކަމަށެވެ.

އެ މައްސަލަ ތަހުގީގު ކޮށްދިނުމަށް އެދި ފުލުހުންނަށް ހުށަހެޅީ މި މަހު 25 ވަނަ ދުވަހު އެޑިއުކޭޝަން މިނިސްޓްރީންކަމަށްވެސް ފުލުހުން މައުލޫމާތު ދެއެވެ.

Advertisement

މިނިސްޓަރުންނާއި ދައުލަތުގެ އެކި އިދާރާތަކުގެ ރަސްމީ މެއިލްއަކީ ދައުލަތުގެ ލިޔެކިޔުންތަކުގެ ދަރަޖައިގައި ބަލާ ތަކެއްޗެވެ. އެހެންކަމުން މިފަދަ ލިޔެކިޔުމެއް ހުއްދަ ލިބިގެން މެނުވީ ފޮހެލުމަކީ ނުވަތަ ބޭނުންނުކުރެވޭ ގޮތަކަށް ބަދަލުކުރުމަކީ އަދަބު ކަނޑައެޅިގެންވާ ކުށެކެވެ.