ދިވެހިރާއްޖެއަށް އަސަރުކުރާނެ އަދި ކޮށްފާނެ އެކިއެކި ދާއިރާތަކުގައި، ބައިނަލްއަޤްވާމީ އަދި ޤައުމީ މައްސަލަތަކާއި ސިޔާސަތުތަކާ ބެހޭ ގޮތުން ޢިލްމީ އަދި ފަންނީ ދިރާސާތައް ކުރުމަށް އައު މަރުކަޒެއް އުފައްދައިފިއެވެ.
މި މަރުކަޒަކީ "މޯލްޑިވްސް ސެންޓަރ ފޮރ ޕޮލިސީ ސްޓަޑީޒް" (ޕޮލިސީ އެމްވީ) ނަމުގައި ޖުލައި މަހުގެ ކުރީކޮޅު އުފައްދާފައިވާ މަރުކަޒެކެވެ.
މި މަރުކަޒު އުފެއްދުމުގައި އިސްކޮށް ޙަރަކާތްތެރިވެ ވަޑައިގެންފައިވަނީ ދައުލަތަށް ގިނަ ދުވަސްތަކެއް ވަންދެން އަގުހުރި ޚިދުމަތްތަކެއް ކުރައްވާފައިވާ ޢިލްމީ ބޭފުޅުންކޮޅެކެވެ.
އެގޮތުން، މި މަރުކަޒުގެ މުއައްސިސުންގެ ތެރޭގައި ކުރީގެ ރައީސް ޑރ. މުޙައްމަދު ވަޙީދު ޙަސަން، އަލްފާޟިލާ އަނީސާ އަޙްމަދު، އަލްފާޟިލް ޙަމްދޫން ޙަމީދު، އަލްފާޟިލާ ޒާހިޔާ ޒަރީރު، އަލްއުސްތާޛާ ޢާއިޝަތު ޢާޒިމާ ޝަކޫރު، އަލްފާޟިލް އަޙްމަދު ސަރީރު އަދި ޑރ. ޢަލީ ފަވާޒު ޝަރީފު ހިމެނޭއިރު ޕޮލިސީ އެމްވީ ގެ ބޯޑުގެ ޗެއަރމަނަކީ ރައީސް ޑރ. މުޙައްމަދު ވަޙީދު ޙަސަންއެވެ.
Advertisement
This content is created and paid for by advertisers and does not involve Voice Journalists
