ކުރީގެ ރައީސް އިބްރާހީމް މުޙައްމަދު ޞާލިޙުގެ ބޭރު ދަތުރުފުޅަކާ ގުޅޭ ޚަރަދުތަކުގެ މަޢުލޫމާތު ހާމަކުރުމަށް ބަންޑާރަ ނައިބުގެ އޮފީހުން ލަފާ އަރުވައިފިއެވެ. 

މިއަދު ބަންޑާރަ ނައިބުގެ އޮފީހުން ނެރުނު ނޫސް ބަޔާނުގައި ބުނެފައިވާ ގޮތުގައި، ރައީސް އިބްރާހީމް މުޙައްމަދު ޞާލިޙް ކުރެއްވި ދަތުރުފުޅެއްގެ ޚަރަދުތައް ހާމަކުރުމަށް އެދި ހުށަހެޅި މައްސަލައާ ގުޅިގެން ސުޕްރީމް ކޯޓުގައި ހިނގަމުންދިޔަ ޤަޟިއްޔާ އަނބުރާ ގެނައުމަށް ބަންޑާރަ ނައިބުގެ އޮފީހުން ވަނީ ނިންމާފައެވެ.

އަދި މި ނިންމުމާ އެއްގޮތަށް މައްސަލައިގެ އިސްތިއުނާފު ފޯމު ބާޠިލްކޮށްދެއްވުން އެދި ސުޕްރީމް ކޯޓަށް ހުށަހަޅާފައިވާ ކަމަށްވެސް ބަޔާނުގައި ބުނެފައިވެއެވެ.

Advertisement

މި މައްސަލައަކީ އިންފޮމޭޝަން ކޮމިޝަނަރުގެ އޮފީހުން ނިންމި ނިންމުމަކާ ގުޅިގެން ހައިކޯޓުގައި އިސްތިއުނާފު ކުރުމަށްފަހު، އެ ކޯޓުން ނިންމި ނިންމުން ބަދަލުކުރުމަށް އެދި ސުޕްރީމް ކޯޓުގައި އިސްތިއުނާފު ކުރި މައްސަލައެކެވެ.

ބަންޑާރަ ނައިބުގެ އޮފީހުން މިހާރު ވަނީ ހައިކޯޓުން ނިންމަވާފައިވާ ގޮތުގެމަތިން، އެ މަޢުލޫމާތުތައް މަޢުލޫމާތަށް އެދުނު ފަރާތަށް ޙިއްޞާ ކުރެއްވުމަށް ރައީސް އޮފީހަށް ލަފާއަރުވާފައެވެ.