Advertisement
އެމްބެސެޑަރު ވިދާޅުވާ ގޮތަށް މިސްރާބު ގެންނަން އުޅޭ ބަޔަކަށް ވޯޓު ނުދެއްވާ: ރައީސް މުޢިއްޒު
އެމްބެސެޑަރު ވިދާޅުވާ ގޮތަށް މިސްރާބު ގެންނަން އުޅޭ ބަޔަކަށް ވޯޓު ނުދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
2024 ވަނަ އަހަރުގެ ރައްޔިތުންގެ މަޖިލީހުގެ ދާންދޫ ދާއިރުާގައި ވާދަކުރައްވާ ސަރުކާރު ކެންޑިޑޭޓް، މުޙައްމަދު ފަޒީލުގެ ކެމްޕެއިން ޖަލްސާގައި މިރޭ ވާހަކަފުޅުދައްކަވަމުން ރައީސް މުޢިއްޒު ވިދާޅުވީ، މިސްރާބު ކައްސާލުމަށް އެމްޑީޕީން ކުރަމުންދާ މަސައްކަތައް އިޖާބަ ނުދެއްވުމަށެވެ.
އެމަނިކުފާނު ވިދާޅުވީ، ޤައުމުގައި ހިނގަމުންދާ ކަންކަމާމެދު ވިސްނާ ފިކުރުކުރަންޖެހޭނީ ދިވެހި ރައްޔިތުން އަމިއްލައަށް ކަމަށާއި އަދި ޤައުމާމެދު ގޮތް ނިންމަން ޖެހޭނީވެސް ދިވެހި ރައްޔިތުން އަމިއްލައަށް ކަމަށެވެ.
Advertisement
މިއީ އަމިއްލަވަންތަ ފަޚުރުވެރި މިނިވަން ޤައުމެއް. މި ޤައުމުގެ ކަންކަން ދިވެހިން ނިންމާނި. ބޭރު ބަޔަކު ބުނާހާ ގޮތަކަށް، ކައިރީގައި ހުންނަ އެމްބަސީގެ އެމްބެސެޑަރު ވަޑައިގެން ވިދާޅުވާ ގޮތަކަށް ނޫން މިޤައުމުގެ ކަންކަން ހިނގަންޖެހޭނީ. އެކަން މާޒީކޮށްފި ދިވެހި ރައްޔިތުން.
ރައީސް މުޢިއްޒު ވިދާޅުވިއެވެ.
ރައީސް މުޢިއްޒު ވިދާޅުވީ ނިމިދިޔަ ރިޔާސީ އިންތިޚާބުގައި ދިވެހި ރައްޔިތުން ބޭރުގެ އެމްބެސެޑަރުން ވިދާޅުވާ ގޮތަކަށް ޤައުމުގެ މިސްރާބު ގެންދިޔުން މާޒީކޮށްފި ކަމުގައެވެ.
ރިޔާސީ އިންތިޚާބުގައި ކުރީ ސަރުކާރަށް ނޫނެކޭ ބުނި ގޮތަށް ކުރިއަށް އޮތް ރައްޔިތުންގެ މަޖިލީސް އިންތިޚާބުގައިވެސް ކުރީ ސަރުކާރުގެ މިސްރާބަށް ނޫނެކޭ ބުނުމަށް ރައީސް މުޢިއްޒު ވަނީ އެދިވަޑައިގެންފައެވެ.
ދެން އަނެއްކާ އެމިސްރާބަށް ހިފަން ތިޔަބޭފުޅުން ފުރުސަތު ދީގެން ނުވާނެ. އެ މިސްރާބު ނުހިފިގެން އެއުޅެނީ. އެ މިސްރާބަކީ ހަމަ މިސްރާބެއް ނޫން. އެއީ ކަސިޔާރު މިސްރާބެއް. އެ މިސްރާބަކަށް އަޅުގަނޑުމެން ދާކަށެއް ނޫން ދެން އަނެއްކަސް ނިންމަންވީ
ރައީސް މުޢިއްޒު ވިދާޅުވިއެވެ.
ރައީސް މުޢިއްޒު ވިދާޅުވީ ދިވެހި ރައްޔިތުން އަމިއްލައަށް މިސްރާބު ހަމަމަގަށް އެޅުވުމަށްފަހު މިސްރާބު އަނބުރާ ފޮނުވާލުމަކީ ސިކުނޑި ތަންދޭ ކަމެއް ނޫންކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
