ހެލްމެޓެއް ވަގަށްނެގި ބަޔަކު ހޯދުމުގެ މަސައްކަތް ފުލުހުން ފަށައިފިއެވެ.

މި މައްސަލަ ފެންމަތިވެފައިވަނީ ހުޅުމާލޭގެ ޕާކިން ޒޯނެއްގައި ބަހައްޓާފައި އިން ސައިކަލެއްގައި އަޅުވާފައި އިން ހެލްމެޓެއް ވަގަށް ނެގުމާ ގުޅިގެންނެވެ.

ސޯޝަލް މީޑިއާގައި ދައުރުވަމުންދާ ވީޑިއޯއަކުން ފެންނަ ގޮތުގައި، ދެ މީހަކު ސައިކަލެއްގައި އައިސް ހެލްމެޓް ނަގައިގެން ދާ މަންޒަރު ފެނެއެވެ.

މިކަމާ ފުޅޭގޮތުން ފުލުހުންގެ ތަރުޖަމާނު އަޙުމަދު ޝިފާން އެކްސްގައި ވިދާޅުވީ، ވީޑިއޯއިން ފެންނަ ޢަމަލު ތަޙްގީގުކޮށް، އެކަން ކުރިކަމަށް ތުހުމުތުކުރެވޭ ފަރާތްތައް ދެނެގަތުމުގެ މަސައްކަތް ފުލުހުން މިިހާރު ކުރަމުންގެންދާ ކަމަށެވެ.

މި މައްސަލާގައި މިހާތަނަށް އަދި އެއްވެސް މީހަކު ހައްޔަރުކުރިކަމުގެ މައުލޫމާތެއް ލިބިފައެއް ނުވެއެވެ.

ފަހަކަށް އައިސް ވައްކަމުގެ މައްސަލަތައް ދަނީ ވަރަށް ބޮޑަށް އިތުރުވަމުންނެވެ.

ރޯދަމަހުގައި އެކަނިވެސް ވައްކަމުގެ އެތައް މައްސަލަތަކެއް ވަނީ ފެންމަތިވެފައެވެ. އެގޮތުން، ހުޅުމާލޭގައި ބަހައްޓާފައި ހުރި ޓްރާންސްފޯމަރު ތަކުން ވައްކަންކުރުމާއި، މިސްކިތްތަކުން ވައްކަން ކުރުން ވަނީ ވަރަށް ބޮޑަށް އިތުރުވެފައެވެ.

ފުލުހުން އަންނަނީ މި މައްސަލަތައް ތަޙުގީގު ކުރަމުންނެވެ.