ކުރީގެ ރައީސް މައުމޫން އަބްދުލްޤައްޔޫމް ފިތުރު ޢީދުގެ ސަލާމް މާދަމާ ކުރެއްވުމަށް ހަމަޖެހިފައިވާކަން ހާމަކުރައްވައިފިއެވެ.

މިކަން ހާމަކުރައްވާ ރައީސް މައުމޫން އެކްސްގައި ކުރެއްވި ޕޯސްޓެއްގައި ވިދާޅުވީ، ޢީދު ސަލާމް ކޮށްލެއްވުމަށާއި، މާދަމާ އެމަނިކުފާނާއި ބައްދަލުކޮށްލެވުމަށް ބޭނުންފުޅުވާ ފަރާތްތަކަށް ވަގުތުކޮޅެއް ހުސްކޮށްލުމަށް ނިންމަވާފައިވާ ކަމަށެވެ.

މިގޮތުން، ރައީސް މައުމޫން އާއި ބައްދަލުކޮށް، އީދު ސަލާމް ކުރުން ކުރިއަށްދާނީ މ. އެންދެރިމާގޭގައި  ހެނދުނު 9:30 އިން 11:00 އަށް ކަމަށް ވެސް އެމަނިކުފާނު ވަނީ ވިދާޅުވެފައެވެ.

Advertisement

ރައީސް މައުމޫން މިފަދައިން ވިދާޅުވެފައިވާއިރު، މާދަމާ ރައީސުލްޖުމްހޫރިއްޔާ ޑރ.މުހައްމަދު މުއިއްޒު އާއި އެމަނިކުފާނުގެ އަނބިކަބަލުން ސާޖިދާ މުޙައްމަދު، ޢީދު ސަލާން ކުރެއްވުން ވެސް އޮންނާނެ ކަމަށް ރައީސް އޮފީހުން ވަނީ ބުނެފައެވެ.

 ރައީސް ޑރ.މުއިއްޒުގެ ދެ ކަނބަލުން ޢީދު ސަލާމް ކުރުން ކުރިއަށްދާނީ ޢީދު ދުވަހުގެ ހެނދުނު 9:30 ން 10:30 އަށް ރައީސުލްޖުމްހޫރިއްޔާގެ ރަސްމީ ގެ، މުލީއާގޭގައިއެވެ.