ޑިޕާޓްމެންޓް އޮފް ނޭޝަނަލް އެޑްމިނިސްޓްރޭޝަން (ޑީއެންއާރު) އިން ބަލަހައްޓަމުން އަންނަ ދިވެހި ރައްޔިތުންގެ މަޢުލޫމާތު ދިރާގާއި ހިއްސާ ކުރުމަށް އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމާއި ގުޅޭގޮތުން ޑީއެންއާރުން ބުނީ މި އެއްބަސްވުމުގައި އެ އިދާރާއިން ބަލަހައްޓަމުންގެންދާ ދިވެހިރައްޔިތުންގެ މަޢުލޫމާތު ދިރާގާއި ހިއްސާ ކުރިގެންދާއިރު، ދެ ފަރާތުން ގެންގުޅެންޖެހޭނެ އުޞޫލުތައް ބަޔާންކޮށްފައިވާ ކަމަށެވެ.
ހަމައެއާއިއެކު، މި އެއްބަސްވުމުގައި ސޮއިކުރެވުމާއެކު ޑީއެންއާރުގެ އޭޕީއައި އޮތެންޓިކޭޝަން ކްރިޑެންޝަލްސް މެދުވެރިކޮށް ޑީއެންއާރުން ބަލަހައްޓަމުން އަންނަ ދިވެހި ރައްޔިތުންގެ މަޢުލޫމާތު ހިއްސާ ކުރެވިގެންދާނެކަމަށާއި އެއާއިއެކު، ދިރާގުން ރައްޔިތުންނަށް ދެމުންގެންދާ ޚިދުމަތްތަކުގެ ޞައްހަކަށް ޑީއެންއާރުގެ ޑޭޓާ މެދުވެރިކޮށް ކަށަވަރުކުރެވޭނެ ކަމަށް ވެސް ޑީއެންއާރުން މައުލޫމާތު ދެއެވެ.
މީގެ އިތުރުން ވެސް ޑީއެންއާރުން ބުނީ، މި އެއްބަސްވުމުގެ ސަބަބުން ކޮންމެ މީހަކުވެސް ސިމްކާޑެއް ނަގަން ދިއުމުން ނުވަތަ ދިރާގުގެ އެއްވެސް ޚިދުމަތެއް ނަގާނަމަ އެ ފަރާތެއްގެ މަޢުލޫމާތު ޑީއެންއާރު ގައި ހުރި މަޢުލޫމާތު ބޭނުންކޮށްގެން ވެރިފައި ކުރެވޭނެކަމަށާއި އޮޅުވާލައިގެން ސިމްކާޑު ނެގުންވެސް މީގެން ހުއްޓުވިގެން ދާނެކަމަށެވެ.
Advertisement
This content is created and paid for by advertisers and does not involve Voice Journalists
