ދެކުނުގެ ރަށްތަކަށް ކުރަމުންދާ ގަދަ ވިއްސާރައިގައި އައްޑޫ ސިޓީގެ 4 ގެއަކަށް ފެންވަދެ، ގެންލުންވެ އެ ގޭތަކުގައި ދިރިއުޅޭ މީހުން ވަގުތީ ހިޔާތަކަށް ބަދަލުކޮށްފިއެވެ.
ނޭޝަނަލް ޑިޒާސްޓާ މެނޭޖްމެންޓް (އެންޑީއެމްއޭ) އިން ރޭ ކުރެއްވި ޕޯސްޓެއްގައި ބުނެފައި ވަނީ އައްޑޫ ސިޓީގައި ފެންބޮޑުވެ ބައެއް ގޭގެއަށް އަސަރުކުރަމުންދާ ކަމަށެވެ.
އަދި، 4 ގެއެއްގައި ދިރިއުޅެން ދަތިވާވަރަށް ފެންބޮޑުވެ، އެގޭގޭގައި ދިރިއުޅޭ އައިލާތައް ވަގުތީ ހިޔާތަކަށް ބަދަލުކުރުމުގެ މަސައްކަތްކުރަމުން ދާކަމަށްވެސް އެންޑީއެމްއޭ އިން ވިދާޅުވިއެވެ.
ރޭ އައްޑޫ ސިޓީގެ ފޭދޫގެ ބައެއް މަގުތަކުގައި ފެންބޮޑުވުމާއި ގުޅިގެން އެމްއެންޑީއެފް އިން ވަނީ ފެން ހިންދުމުގެ މަސައްކަތް ވެސް ކޮށްފައެވެ.
މޫސުމާ ބެހޭ ޤައުމީ އިދާރާ (މެޓް) އިން ހާމަކުރެއްވި ގޮތުގައި މިހާރު ކުރަމުން އަންނަ ވިއްސާރައަކީ ހުޅަނގުގުގައި އުފެދިފައިވާ ސާކިއުލޭޝަނެއްގެ ސަބަބުން ކުރާ ވިއްސާރައެކެވެ.
މޫސުމާ ބެހޭ ޤައުމީ އިދާރާއިން ލަފާކުރާ ގޮތުގައި ކުރިއަށް އޮތް 24 ގަޑިއިރުވެސް، މެދު ރާއްޖެ ތެރެެއާއި ދެކުނަށް މެންދުރު ފަހުން ވިއްސާރަ ކުރާނެއެވެ.
Advertisement
This content is created and paid for by advertisers and does not involve Voice Journalists
