އާޓިފިޝަލް ބީޗުގައި ހުރި، ދަ ޑިމޮކްރެޓްސް ގެ ހަރުގެ ހުސްކުރަން ފަށައިފިއެވެ.

ޑިމޮކްރެޓްސްއިން ހާމަކުރެއްވި ގޮތުގައި "ހައުސް އޮފް ޑިމޮކްރެޓްސް" ގެ ނަމުގައި ހުޅުވާފައި ހުރި އެ ހަރުގަ ހުސްކުރަނީ ބިމުގެ ވެރި ފަރާތުން އެތަން ބޭނުންވެގެން، އެތަން ހުސްކުރަން އެންގުމުންނެވެ. ހަރުގެ ހަދާފައި ހުރި ބިމަކީ، އެމްޑީޕީގެ ކުރީގެ އެކްޓިވިސްޓެއް ކަމަށްވާ ޝަފިއްޔާ ޒުބެއިރުގެ ބިމެކެވެ.

އެ ހަރުގެ އަކީ ކުރިން އެމްޑީޕީއިން ހިންގަަމުން ދިޔަ ހަރުގެއެކެވެ. އެމްޑީޕީ ތެރޭގައި ދެ ފެކްޝަން އުފެދި ކޯޅުން ބޮޑުވެފައި ވަނިކޮށް އެ ބިމުން އެމްޑީޕީގެ ހަރުގެ ހުސްކުރަން އެންގީ މިދިޔަ އަހަރުގެ މާޗް މަހުގެ ތެރޭގައެވެ. އަދި އަލުން ޑިމޮކްރެޓްސްގެ ހަރުގެއެއްގެ ގޮތުގައި އެ ހަރުގެ ހުޅުވާފައި ވަނީ މިދިޔަ އަހަރުގެ ޖުލައި މަހުގެ ނުވަ ވަނަ ދުވަހެވެ.

Advertisement

ޑިމޮކްރެޓްސްއިން ހާމަކުރައްވާ ގޮތުގައި ހަރުގެ ހުސްކުރަން އަންގާފައިވަނީ އަންނަ މޭ މަހު އެކެއްގެ ކުރިންނެވެ. 

މައުލޫމާތު ލިބޭ ގޮތުގައި މި ބިން ވަނީ ވިޔަފާރިވެރިއަކަށް ކުއްޔަށް ދީފައެވެ. އަދި ޑިމޮކްރެޓްސް އިން ދަނީ އާ ހަރުގެއެއް ހެދުމަށް އެހެން ބިމެއް ހޯދަމުންނެވެ.