މަސައްކަތްތެރިންގެ ހިތްވަރަކީ ކާމިޔާބީގެ ބިންގާކަމުގައި މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ)ގެ ސީއީއޯ އަހްމަދު ޝަމާހު ރަޝީދު ވިދާޅުވެއްޖެއެވެ.
ބައިނަލްއަޤަވާމީ މަސައްކަތްތެރިންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ޝަމާހު ވަނީ އެ ކުންފުނީގެ މަސައްކަތްތެރިންގެ ބުރަ މަސައްކަތާއި، ޚިދުމަތްތެރިކަމާއި، ޙިއްޞާއަށް ޝުކުރު ދަންނަވާފައެވެ. އަދި އެ ބޭފުޅުންގެ މަސައްކަތަކީ ކުންފުނީގެ ކާމިޔާބީގެ ބިންގާކަމަށް ވިދާޅުވެފައެވެ.
މީގެ އިތުރުން މުސްތަޤްބަލް ބައްޓަންކުރުމުގައި ކޮންމެ މަސައްކަތްތެރިޔަކުވެސް އަދާކުރާ އަގުހުރި ދައުރު، ފާހަގަކޮށް، މިދުވަހަކީ މަސައްކަތްތެރިންގެ ޙައްޤުތަކާއި، އިންސާފުވެރި މުޢާމަލާތްތަކާއި، ކުރިއަރަމުން އަންނަ މަސައްކަތުގެ މާޙައުލެއްގެ މުހިންމުކަން އިހުސާސްވާ ދުވަހަކަށް ވާނެކަމަށް އެދޭކަމަށް ޝަމާހު ވިދާޅުވިއެވެ.
ބައިނަލްއަޤްވާމީ މަސައްކަތްތެރިންގެ ދުވަހަކީ މަސައްކަތްތެރިންގެ އަގުވަޒަންކުރުމުގެ ގޮތުން ކޮންމެ އަހަރެއްގެވެސް މޭ މަހުގެ ފުރަތަމަ ދުވަހު ފާހަގަ ކުރަމުންދާ ދުވަހެކެވެ.
Advertisement
This content is created and paid for by advertisers and does not involve Voice Journalists
