ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ) އިން މި އަންނަ ހަފްތާގެ އާދިއްތަ ދުވަހު 2024 ވަނަ އަހަރުގެ ޖެނުއަރީ އިންޓޭކަށް ހުޅުވާލުމަށް ނިންމައިފިއެވެ.

އެމްއެންޔޫއިން ގެޒެޓް ކުރި އިއުލާނެއްގައި ބުނީ 2024 ވަނަ އަހަރުގެ އޮގަސްޓު މަހުގައި ފެށުމަށް ހަމަޖެހިފައިވާ ކޯސްތަކަށް އެދި ހުށަހެޅުމުގެ ފުރުޞަތު 12 މޭ 2024 ވާ އާދީއްތަ ދުވަހު ހެނދުނު 8:00 އިން ފެށިގެން 25 ޖުލައި 2024 ވާ ބުރާސްފަތި ދުވަހުގެ މެންދުރުފަހު 14:00 ނިޔަލަށް އޮންނާނެކަމަށެވެ.

އެމްއެންޔޫއިން އިތުރަށް ބުނީ ކޯސްތަކާ ބެހޭ މަޢުލޫމާތު  courses.mnu.edu.mv/އިން ލިބެން ހުންނާނެ ކަމަށާއި، ކޯސްތަކަށް އެޕްލައިކުރުމަށް ހަމަޖެހިފައިވަނީ އޮންލައިންކޮށް  portal.mnu.edu.mvގައިވާ ޕޯރޓަލް މެދުވެރިކޮށް ކަމަށެވެ. 

އެމްއެންޔޫއިން އަންނަނީ ބިޒްނަސް މެނޭޖްމަންޓް،އިންޖިނިއަރިން ސައިންސް އެންޑް ޓެކްނޮލޮޖީ، ހެލްތް ސައިންސެސް، ހޮސްޕިޓާލިޓީ އެންޑް ޓޫރިޒަމް އަދި މެރިޓައިމް ކޯސްތަކާއި އެކު މެޑިސިން އަދި ނާސިންގެ ކޯސްތަކާއި ޝަރީއާއިން ލޯގެ ކޯސްތައް ވެސް ކިޔަވައިދެމުންނެވެ.