ދަތުރުފަތުރުކުރުމުގައި އާންމު ރައްޔިތުންނަށާއި ޑްރައިވަރުންނަށް، ލުއިފަސޭހަކޮށްދިނުމަށް "ގޯރައިޑް"ގެ ނަމުގައި މުޅިން އާ އެޕްލިކޭޝަނެއް އިފްތިތާހުކޮށްފިއެވެ.

މި އެޕްލިކޭޝަން އިފްތިތާހުކޮށްފައިވަނީ ނިމިދިޔަ ރައްޔިތުންގެ މަޖިލީސް އިންތިޚާބުގައި ލ.ގަން ދާއިރާއަށް ވާދަކުރެއްވި ޕީއެންސީ ކެންޑިޑޭޓް، ޔޫސުފް ނަޝީދު (ޔޫތު) އިންތިޚާބުގައި ވެފައިވާ ވަޢުދު ފުއްދުމުގެ ގޮތުން ބޭއްވި ޚާއްސަ ރަސްމިތްޔާތުގައެވެ. އެޕްލިކޭޝަން އިފްތިތާހު ކޮށްދެއްވީ ޓޫރިޒަމް މިނިސްޓަރު އިބްރާހިމް ފައިޞަލެވެ.

ލ.އަތޮޅުގެ އިތުރުން މާލެއާއި، އައްޑުއާއި ފުވައްމުލަކާއި ގދ. ތިނަދޫ އަދި ކުޅުދުއްފުށި ސިޓީގައި ވެސް މިހާރު މި އެޕްލިކޭޝަން ބޭނުންކުރެވޭނެއެވެ.

Advertisement

މި އެޕލްިކޭޝަން ފަރުމާކޮށްފައިވަނީ ޚިދުމަތް ބޭނުންކުރާ ފަސިންޖަރުންނަށް ވީހާ ވެސް އަވަހަށް ދަތުރު ލިބޭނެހެންނެވެ. އެގޮތުން އެޕްލިކޭޝަނުގެ އަލްގޮރިދަމް ބައްޓަންކުރެވިފައިވާ ގޮތުގެ ސަބަބުން ދަތުރަކަށް އެދިލެއްވުމާއެކު އަބަދުވެސް ނޮޓިފައިވާނީ ފަސިންޖަރާ އެންމެ ކައިރީގައި އެ ވަގުތު ހުންނަ ޑްރައިވަރަކަށެވެ. ހަމައެހެންމެ އެންމެ ގިނަ ވަގުތު ދަތުރެއް ނުލިބި ހުސްކޮށް ހުންނަ ޑްރައިވަރަށް ވެސް އެލާޓް ލިބޭނެއެވެ.

އެޕްލިކޭޝަން ބޭނުން ކުރާ ފަސިންޖަރުންނަށް އިތުރު ލުޔެއް ހޯދައިދިނުމަށް ޑްރައިވަރު ހުރި ތަނެއް ބަލައިލުމަށް އެޕްލިކޭޝަން ތެރެއިން މެސެޖުކޮށް، ހިލޭ ގުޅާލުމުގެ ޚިދުމަތްވެސް މި އެޕލްިކޭޝަނުން ފޯރުކޮށްދެއެވެ. އަދި އެޕު މެދުވެރިކޮށް ކުރާ ދަތުރުތަކަށް ފަސޭހަކަމާއެކު ފައިސާ ދައްކެމުގެ އިންތިޒާމު ހަމަޖައްސައިދިނުމުގެ ގޮތުން ގޯރައިޑް އީ ވޮލެޓް އަދި ބީއެމްއެލް ގޭޓްވޭ އޭ.ޕީ.އައި ވަނީ ހިމަނާފައެވެ. ގޯރައިޑް އީ ވޮލެޓްގެ ޒަރީޔާއިން ވަގުތުން އެކަކު އަނެކަކަށް ފައިސާ ފޮނުވުމުގެ އިންތިޒާމުވެސް ހަމަޖެހިގެން ދާނެއެވެ. މީގެ އިތުރުން ގިނަދަތުރު ކުރައްވާ ފަސިންޖަރުންނަށް ގޯރައިޑް އެޕްލިކޭޝަން މެދުވެރިކޮށް ގޯކޮއިން ލިބިގެންދާނެއެވެ.

ޑްރައިވަރުން ވަކިވަރަަކަށް ދަތުރުކުރުމުން "ގޯރައިޑް ރިވޯޑު ސިސްޓެމް" ގައި ބައިވެރިވުމުގެ ފުރުސަތު ޑްރައިވަރުންނަށް ލިބެއެވެ. މި ސިސްޓަމަކީ ޑްރައިވަރުން ވަކިވަރަކަށް ދަތުރުކޮށްގެން ވަގުތުން ޑްރައިވަރ ގެ ވޮލެޓަރ ފައިސާ ލިިބޭ ރިވޯޑް ސިސްޓަމެކެވެ. މި ސިސްޓަމުން ލިބޭ ފައިސާ ވަގުތުން ޑްރައިވަރުންގެ އެކައުންޓަށް ވިތްޑްރޯ ކުރުމުގެ އިންތިޒާމް އެޕްލިކޭޝަން މެދުވެރިކޮށް ލިބިގެން ދާނެއެވެ. 

މީގެ އިތުރުން ގޯރައިޑް އެޕްލިކޭޝަން ބޭނުންކޮށްގެން އެކުވެރިންނަށް ގޯރައިޑް ގިފްޓްކާރޑް ޖެނެރޭޓްކޮށް ރިޑީމްކުރުމުގެ ޚިދުމަތްވެސް މި އެޕްލިކޭޝަން ގައި ވަނީ ހިމަނާފައެވެ.

އެޕްލިކޭޝަން އިފްތިތާހުކޮށް ބޭނުންކުރަން މިހާރު ހުޅުވާލާފައިވާއިރު، ގޯރައިޑް އެޕު އެންމެ ފުރަތަމަ ބޭނުންކުރާ 100 ފަސިންޖަރުންނަށް ފުރަތަމަ ދަތުރު މުޅިން ހިލޭ ކުރުމުގެ ފުރުސަތު ލިބޭ ޚާއްސަ ޕްރޮމޯޝަނެއް ވެސް މިހާރު އަންނަނީ ހިނގަމުންނެވެ. ޕްރޮމޯޝަންގައި ބައިވެރިވުމަށް ދަތުރު ނަންގަވާއިރު “GORIDE100” ވައުޗާ ކޯޑު ބޭނުންކޮށްލެވުމުން ދަތުރު ހިލޭ ލިބިގެން ދާނެއެވެ. އަދި މި އެޕްލިކޭޝަން އެކުވެރިންނަށް ހިއްސާކޮށްގެން ވަގުތުން ކަސްޓަމަރުންގެ ވޮލެޓަރ ޝެއާކުރާ މިންވަރަކުން ރިވާރޑް ލިބެމުން ދާނެއެވެ.

ގޯރައިޑް ގެ އެންމެ ޚާއްސަ އެއް ކަމަކީ ފަސިންޖަރުންނާއި ޑްރައިވަރުންގެ ސަލާމަތަށްޓަކައި ހިމަނާފައިވާ ޚާއްސަ ކަންކަމެވެ. އެގޮތުން ޕެނިކް މޯޑާއި، ވޮއިސް ރެކޯޑް ފީޗާއާއި އޮޓޮމޭޓެޑް މެސެޖު ފީޗާއެއްގެ އިތުރުން ލައިވް ލޮކޭޝަން އޮން ކުރުމުގެ ފީޗާ ވެސް އެޕުގައި ހިމަނާފައި ވެއެވެ. މީގެ އިތުރުން އެޕް ތެރެއިން ރައިޑް ޝެއާކުރުމާއި ޓެކްސީ ޕޫލްގެ އިތުން ކުއްލި ޙާލަތުގައި އަވަހަށް ޓެކްސީގެ ޚިދުމަތް ލުއިފަސޭހަކަމާއެކު ހޯދުމަށްޓަކައި ޓެކްސީ ބިޑިން އޮޕްޝަން ވެސް ހިމަނާފައި ވެއެވެ.

މި އެޕްލިކޭޝަނާއެކު އާންމު ރައްޔިތުންނަށް، ޓެކްސީއާއި އެހެނިހެން އުޅަނދުތައް ނެގުމަށް ގިނަގުނަ ފަސޭހަތަކެއް ލިބޭނެއެވެ. މިއީ ރާއްޖެއާ ވީހާ ވެސް ގުޅޭގޮތަށް ފަރުމާކުރެވި ދަތުރުފަތުރުގެ ނިޒާމަށް ފަސޭހަ ޒަމާނީ ހެޔޮ ބަދަލުތަކެއް ގެނުވައިދޭނެ އެޕްލިކޭޝަނެކެވެ.  ގޯ ރައިޑް އެޕްލިކޭޝަން މިހާރު އެންޑްރޮއިޑް އަދި އައިއޯއެސް ފޯނުތަކަށް ވެސް ޑައުންލޯޑް ކުރެވޭނެއެވެ.