ޗުއްޓީއާ ދިމާކޮށް "ޗުއްޓީ ދިވެހި" ގެ ނަމުގައި ކުޑަކުދިންނަށް ޚާއްސަ ދިވެހި ކިލާސްތަކެއް ބާއްވަން ނިންމަވާފައިވާ ކަމަށް ދިވެހިބަހުގެ އެކެޑެމީގެ ކުރީގެ ރައީސް އަޝްރަފް ޢަލީ ވިދާާޅުވެއްޖެއެވެ.

ކުރީގެ ދިވެހި ބަހުގެ އެކެޑެމީގެ ރައީސް އަދި ކުރީގެ ޑެޕިއުޓީ ހޯމް މިނިސްޓަރ އަޝްރަފް ޢަލީ މިއަދު ފޭސްބުކުގައި ކުރެއްވި ޕޯސްޓެއްގައި ވިދާޅުވީ ކުޑަކުދިން ދިވެހި ބަހަށް އަހުލުވެރި ކުރުވުމަށް ޚާއްސަ ކިލާސްތަކެއް ފަށަން ހަމަޖެހިފައިވާކަމަށެވެ.

6 އަހަރާއި 9 އަހަރާ ދެމެދުގެ ކުދިންނަށް ޚާއްސަ މި ކިލާސްތައް ކުރިއަށް ގެންދަން ހަމަޖެހިފައިވަނީ މި މަހުގެ 19 ވަނަ ދުވަހުން ފެށިގެން 23 ވަނަ ދުވަހުގެ ނިޔަލަށް ކޮންމެ ދުވަހެއްގެވެސް ހަވީރު 4-5 އަށެވެ.

ހިލޭ ބާއްވާ މި ކިލާސްތަކުގައި އޮންލައިންކޮށް، ޒޫމް އެޕްލިކޭޝަން ރާއްޖޭގެ ކޮންމެ ހިސާބަކުން ވެސް މި ކިލާހުގައި ކުދިންނަށް ބައިވެރިވެވޭނެއެވެ. އަދި ފިޒިކަލްކޮށް ކިޔަވަން ބޭނުންވާ ދަރިވަރުންނަށް އަލިމަސް އެކެޑަމީގައި، އެ ފުރުސަތުވެސް ދޭން ވަނީ ނިންމާފައެވެ.

މި ކިލާހަށް ކުދިން ރަޖިސްޓްރީ ކުރުމުގެ ފުރުސަތު މިހާރު ވަނީ ހުޅުވާލާފައެވެ.