ޢުމްރާއަށް މީހުން ގެންދިއުމަށް ޝައުޤުވެރިވާ ފަރާތްތަކަށް ޕްރޮޕޯސަލް ހުށަހަޅަން ހުޅުވާލައިފިއެވެ.

އިސްލާމިކް މިނިސްޓްރީން މިއަދު ގެޒެޓުގައި ޢާންމުކުރި އިޢުލާނެއްގައި ވަނީ، ޢުމްރާއަށް މީހުން ގެންދިއުމަށް ޝައުޤުވެރިވާ ފަރާތްތަކަށް ޕްރޮޕޯޒަލް ހުށަހެޅުމުގެ ފުރުޞަތު ހުޅުވާލައިފައެވެ.

އިސްލާމިކް މިނިސްޓްރީއިން ވިދާޅުވި ގޮތުގައި ޕްރޮޕޯޒަލްތައް ބަލައިގަތުމަށް ހަމަޖެހިފައިވަނީ އަންނަ އާދިއްތަ ދުވަހުން ފެށިގެން ސަރުކާރު ބަންދު ނޫން ކޮންމެ ދުވަހަކު 9:00 އިން 12:00 އަށް އިސްލާމިކް މިނިސްޓްރީގެ ކައުންޓަރުންނެވެ. އަދި ޕްރޮޕޯޒަލް ހުށަހެޅުމަށް ދީފައިވާ ސުންގަޑިއަކީ މި މޭ މަހުގެ 16 ވަނަ ދުވަހެވެ.

Advertisement

ޢުމްރާއަށް މީހުން ގެންދިޔުމުގެ ހުއްދަ ދޫކުރަނީ ހަމައެކަނި ޝަރުތުހަމަވާ ކުންފުނިތަކަށެވެ. އެގޮތުން އެ ކުންފުންޏަކީ 100 އިންސައްތަ ދިވެހިންގެ ހިއްސާ އޮންނަ ކުންފުންޏަކަށް ވުމާއެކު، އެ ކުންފުންޏަކީ ކުންފުނީގެ މަގުސަދުތަކުތެރޭގައި ޢުމްރާއަށް މީހުން ގެންދިޔުމުގެ ޚިދުމަތް ހިމެނިފައިވާ ކުންފުންޏަކަށް ވާން ޖެހެއެެވެ.

މީހުން ޢުމްރާއަށް ގެންދިޔުމުގެ ހުއްދައަށް އެދި ހުށަހަޅަންޖެހޭ ޕްރޮޕޯޒަލް ފޮތް އިސްލާމިކް މިނިސްޓްރީގެ ވެބްސައިޓުން ލިބެން ހުންނާނެއެވެ.

ދިވެހިރާއްޖެއިން ޢުމްރާއަށް މީހުން ގެންދިޔުމުގެ އުޞޫލުގައިވާ ގޮތުގެ މަތިން، ކޮންމެ އަހަރަކު ދެ ފަހަރު، މި ފުރުސަތު ހުޅުވާލަން ޖެހެއެވެ. އެގޮތުން، މިއީ އިސްލާމިކް މިނިސްޓްރީއިން މި ފުރުސަތު ހުޅުވާލި ފުރަތަމަ ފަހަރެވެ.