ޓްރާންސްޕޯޓް މިނިސްޓްރީން ޓެކްސީ ދަތުރު ތަކަށް އަގުތައް ކަނޑައަޅާފައިވާ ގޮތާއިމެދު ބްރޯޑްކޮމް މެންބަރު ޝިފްލާ އިބްރާހީމް ކަންބޮޑުވުން ފާޅުކުރައްވައިފިއެވެ.

ޝިފްލާ މީސްމީޑިއާގައި އާއްމު ކުރި ޕޯސްޓެއްގައި ވަނީ، ހުޅުމާލޭގެ ދެވަނަ ފިޔަވަހިން ހުޅުމާލޭގެ ފުރަތަމަ ފިޔަވައްސަށް ދިޔުމަށް ޓެކްސީ ކުރާ އަގު 40ރުފިޔާގެ ގޮތުގައި ހަމަޖައްސާފައިވާތީ އެ އަގު ކަނޑައަޅާފައިވާ ގޮތާއިމެދު ސުވާލު އުފައްދަވާފައެވެ.

އެގޮތުން ޝިފްލާ ވިދާޅުވިގޮތުގައި އެންމެ ފަސޭހައިން އުނދަގުލަކާ ނުލާ އެންމެ އަވަހަށް ޓެކްސީއަކަށް ދަތުރުކިރެވޭނީ ފުރަތަމަ ފިޔަވަހިން ދެވަނަ ފިޔަވައްސަށެވެ.  

Advertisement

“މާލޭގެ ހެންވޭރުން މާފަންނަށްދާންވެސް ކުރިން ދުވަހު 25މިނިޓު ޓެކްސީގަ އިންނަށް ޖެހުނު. މާލޭގެ އެއްވެސް ހިސާބަކަށް މިހާރު އޮންނަ ޓްރެފިކްގަ ދާން ފަސޭހައެއް ނޫން. އެކަމު ފޭސް 2އިން 1އަށް އެންމެފަސޭހަ ވެފަ ކައިރި އިރު ވެސް ނަގަނީ 40 (ޓެކްސީ ބޭނުން ކުރާ ފޭސް 2ގަ ދިރިއުޅޭ މީހެއްގެ ހައިސިއްޔަތުން ކަންބޮޑުވާ ވިސްނާ ކަމެއްވީމަ ލިޔެލީ).” ޝިފްލާ ވިދާޅުވިއެވެ. 

ކުރީގެ ރައީސް އިބްރާހިމް މުހައްމަދު ޞާލިހުގެ ސަރުކާރުގައި، ޓެކްސީ ތަކުން ދަތުރުތަކަށް އެކި އަގުތައް ނަގަމުންދާތީ އެކަމުގެ ކަންބޮޑުވުން އާއްމުން ފާޅުކުރަން ފެށުމާއި ގުޅިގެން މާލެ ސަރަހައްދުގައި ޓެކްސީ ދުއްވާނެ އަގުތައް ވަނީ ކަނޑައަޅާފައެވެ. 

އެގޮތުން ކަނޑައަޅާފައިވާ އަގު ތަކަކީ؛ 

1- މާލެ، ހުޅުމާލެ ފިޔަވަހި 1 އަދި ހުޅުމާލެ ފިޔަވަހި2 ގެ އެތެރޭގެ ދަތުރު 30 ރުފިޔާ

2- މާލެ އިން ހުޅުމާލެ ފިޔަވަހި1 އަށް، އަދި ހުޅުމާލެ ފިޔަވަހި1 އިން މާލެ އަށް 85 ރުފިޔާ

3- މާލެ އިން ހުޅުމާލެ ފިޔަވަހި2 އަށް، އަދި ހުޅުމާލެ ފިޔަވަހި 2 އިން މާލެ އަށް 100 ރުފިޔާ

4- މާލެ އިން ހުޅުލެއަށް، އަދި ހުޅުލެއިން މާލެ އަށް 70 ރުފިޔާ

5- ހުޅުމާލެ ފިޔަވަހި 1 އިން ހުޅުލެއަށް، އަދި ހުޅުލެ އިން ހުޅުމާލެ ފިޔަވަހި 1 އަށް 80 ރުފިޔާ

6- ހުޅުމާލެ ފިޔަވަހި 2 އިން ހުޅުލެއަށް، އަދި ހުޅުލެ އިން ހުޅުމާލެ ފިޔަވަހި 2 އަށް 85 ރުފިޔާ

7- ހުޅުމާލެ ފިޔަވަހި1 އިން ހުޅުމާލެ ފިޔަވަހި2 އަށް، އަދި ހުޅުމާލެ ފިޔަވަހި 2 އިން ހުޅުމާލެ ފިޔަވަހި 1 އަށް 40 ރުފިޔާ