މިއަދުވެސް މާލޭގައި ދެ އެކްސިޑެންޓާއި ތިން ވައްކަމުގެ މައްސަލަ ހިނގައިގެން ފުލުހުންގެ އިދާރާއަށް ރިޕޯޓް ކޮށްފައިވާ ކަމަށް އެ އިދާރާއިން ބުނެފިއެވެ. 

ފުލުހުންގެ މީޑިއާ އޮފިޝަލް ވިދާޅުވީ، މިއަދުގެ ފުރަތަމަ އެކްސިޑެންޓު ހިނގައިގެން އެ އުދާރާއަށް ރިޕޯޓް ކޮށްފައިވަނީ 8:57 ގައި ކަމަށެވެ.

ކޮއިމަލާ ހިނގުން އަމީނީ މަގާއި ގުޅުނު ދެ ސައިކަލް ޖެހި ހިނގި އެ އެކްސިޑެންޓްގައި ބިދޭސީއެއްގެ ވާ އަތު ފަޔަށް އަނިޔާވެފައުވާ ކަމަށް އޮފިޝަލް ވިދާޅުވިއެވެ. 

އޭގެ ފަހުން، މިއަދު 11:50 ކަން ހާއިރު ހަވީރީ ހިނގުމުގައި ހުންނަ ފުންހިޔާ ބިލްޑިންގ ކައިރިން ޕިކަޕަކާއި ސައިކަލެއް ޖެހި ނުރައްކާތެރި އެކްސިޑެންޓެއް ހިނގާފައިވާ ކަމަށް ރިޕޯޓް ކޮށްފައުވާ ކަމަށް އޮފިޝަލް ވިދާޅުވިއެވެ.

މި އެކްސިޑެންޓްގައި ސައިކަލުގައި އިން ދިވެހި ފިރިހެނެއްގެ ބޯ ފަޅައިގެންގޮސް، ފައިގެ ކަށިމަތި މަށައިގެން ގޮސް އަނިޔާވެފައިވާ ކަމަށާ، އެމީހާއަށް ފަރުވާ ކުރުމަށް ޕިކަޕެއްގައި އައިޖީއެމްއެޗަށް ގެންގޮސްވާ ކަމަށް އޮފިޝަލް މައުލޫމާތު ދެއްވައެވެ.

އޮފިޝަލް އިތުރަށް ވިދާޅުވީ އެމީހާގެ ހާލު ރަނގަޅު ކަމަށާ މިހާރު އޭނާގެ އާއިލާއާ ހަވާލު ކުރެވުފައުވާ ކަމަށެވެ. 

މި ދެ މައްސަލަ ވެސް ފުލުހުން ދަނީ ތަހުގީގު ކުރަމުންނެވެ. 

ދެ އެކްސިޑެންޓްގެ އިތުރުން، މާލޭ އަބަދަށްފެހި މަގުގައިހުރި ނިޔުލައިން ފިހާރައިން ވައްކަން ކޮށްފައިވާ ކަމަށް 7:54 ގައި ރިޕޯޓް ކުރި އިރު ހަމަ އެ މަގުގައި ހުރި ބޭސް ފިހާރައަކުން ވައްކަން ކޮށްފައިވާ ކަމަށް 8:30 ކަންހާއިރު ރިޕޯޓް ކޮށްފައުވާ ކަމަށް އޮފިޝަލް ވުދާޅުވިއެވެ. 

އޭގެ އޮތުރުން އުތުރު ބަނދަރުގައި އޮތް ބޯޓަކުން ދިހަ ގޭސް ފުޅި (ލުއި ފުޅި) ވަގަށް ނަގާފައުވާ ކަމަށް މިއަދު 8:46 ކަންހާއިރު ރިޕޯޓްކޮށއފައިވާ ކަމަށް މީޑިއާ އޮފިޝަލް ވިދާޅުވިއެވެ. 

މި ވައްކަމުގެ މައްސަލަ ތަކާއި ގުޅިގެންވެސް އަދި މިހާތަނަށް މީހަކު ހައްޔަރު ކޮށްފައިވާ ނުވާ ކަމަށާަ މައްސަލަތައް ތަހުގީގު ކުރަމުންދާ ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.