ބަނގުރަލާއި މަސްތުވާތަކެތީގެ މައްސަލައެއްގައި ހަ މީހުން ހައްޔަރުކޮށްފިއެވެ.

މިއަދު، ބަނގުރަލާއި މަސްތުވާތަކެތި ގެންގުޅެ ބޭނުންކުރި ކަމުގެ ތުހުމަތުގައި ހައްޔަރުކޮށްފައިވަނީ ހަ ދިވެހިންނެވެ. އެގޮތުން ހައްޔަރު ކޮށްފައިވަނީ ޢުމުރުން 19 އަހަރުގެ މީހަކާއި، 20 އަހަރުގެ ދެ މީހުންނާއި، 23 އަހަރުގެ މީހަކާއި، 25 އަހަރުގެ މީހެއްގެ އިތުރުން 28 އަހަރުގެ މީހެކެވެ. މީގެތެރެއިން 20 އަހަރުގެ އެކަކު ފިޔަވައި ދެން ތިބި އެންމެނަކީ ވެސް މަސްތުވާތަކެތީގެ ރިކޯޑު އޮންނަ މީހުންނެވެ.

ހައްޔަރު ކުރި އެންމެންގެ ވެސް ކުޑަކަމުދާ ތަކެތި މަސްތުވާތަކެތީގެ ބާވަތަކަށް ވަނީ ޕޮޒިޓިވް ވެފައެވެ.

ހައްޔަރުކުރި މީހުންގެ ތެރެއިން ތެރެއިން 20 އަހަރުގެ އެކަކުގެ ބަންދަށް ތިން ދުވަސް ޖަހާފައިވާއިރު ދެން ތިބި އެންމެންގެ ބަންދަށް ވަނީ ހަތް ދުވަސް ޖަހާފައެވެ.

ކްރިމިނަލް ކޯޓުން ނެރުނު ބަންދު ޢަމުރުގައި ބުނެފައިވަނީ، އެ މީހުން ހިފެހެއްޓުނީ، މަސްތުވާތަކެތީގެ ވިޔަފާރި ކުރާ ކަމަށް ބެލެވިގެން ބަލައި ފާސްކުރި ތަނަކުން ކަމަށެވެ. އަދި އެ މީހުންގެ ހާޒިރުގައި އެ ތަަން ބަލައި ފާސްކުރުމުން މަސްތުވާތަކެތި ކަމަށް ޝައްކު ކުރެވޭ އެއްޗިއްސާއި ބަނގުރާ ފެނިފައިވާ ކަމަށްވެސް ކޯޓު އަމުރުގައިވެއެވެ.