އިރާނުގެ ރައީސް ދަތުރުކުރެއްވި ހެލިކޮޕްޓަރު ހޯދުމަށް ގިނަ އަދަދެއްގެ މީހުން ފޮނުވައިފިއެވެ.
އީރާނުގެ އިރުމަތީ އަޒަރުބައިޖާން ޕްރޮވިންސްގެ ފަރުބަދަމަތީ ސަރަހައްދެއްގައި ދަތުރުފުޅުކުރައްވަނިކޮށް އީރާނުގެ ރައީސް އިބްރާހީމް ރައިސީ ދަތުރުފުޅު ކުރައްވާ ރަސްމީ ހެލިކޮޕްޓަރު ގެއްލިފައިވަނީ މިއަދުގެ ވަގުތެއްގައެވެ.
މީޑިއާ ތަކުން ރިޕޯޓު ކުރާ ގޮތުގައި، މި ހެލިކޮޕްޓަރަށް ވަނީ ލޭންޑުކުރުމުގެ ތެރޭގައި އެކްސިޑެންޓަކާ ދިމާވެފައެވެ.
މި ހާދިސާއާ ގުޅިގެން، އަދި އިރާނުގެ ދައުލަތުން، ރަސްމީ ބަހެއް ބުނެފައި ނުވިނަމަވެސް، މީޑިއާ ތަކުން ރިޕޯޓުކުރާގޮތުގައި، އެ ހެލިކޮޕްޓަރު ހޯދުމަށް ދަނީ ގިނަ މަސައްކަތްތަކެއް ކުރަމުންނެވެ. އަލްޖަޒީރާއިން ރިޕޯޓުކޮށްފައިވާ ގޮތުގައި، މިހާރު، އެ ހެލިކޮޕްޓަރު ހޯދުމުގެ މަަސައްކަތަށް ވަނީ 40 ޓީމު ފޮނުވާފައެވެ.
މީގެ އިތުރުން އެ ހެލިކޮޕްޓަރު ހޯދުމަށް ގިނަ އަދަދެއްގެ ޑްރޯންވެސް އެ ސަރަހައްދަށް ވަނީ ފޮނުވާފަވާކަމަށް މީޑިޔާ ތަކުން ރިޕޯޓުކުރެއެވެ.
Advertisement
This content is created and paid for by advertisers and does not involve Voice Journalists
