ކުއްލި ޙާލަތެއްގައި އިރާނުގެ ރައީސް އަވަހާރަވެއްޖެ ނަމަ، ވެރިކަމާ ހަވާލުވާނީ އިރާނުގެ 1 ވަނަ ނައިބުރައީސެވެ. އީރާނުގެ ނައިބްރައީސްގެ މަޤާމްގައި އެއްބޭފުޅަށްވުރެ ގިނަބޭފުޅުން ތިއްބަވައެވެ.
އިރާނުގެ ޤާނޫނު އަސާސީގައި ބުނެފައި ވާގޮތުން ކުއްލި ޙާލަތެއްގައި އެ ޤައުމުގެ ރައީސް އަވަހާރަ ވެއްޖެ ނަމަ، ސުޕްރީމް ލީޑަރުގެ ހުއްދައާއެކު ވެރިކަމާ ހަވާލުވާނީ 1 ވަނަ ނައިބު ރައީސެވެ.
އީރާނުގެ ސިޔާސީ ދަރަޖަތައް ބަހާފައި އޮންނަ ގޮތުން އެ ދައުލަތުގެ ވެރިޔަކީ ސުޕްރީމް ލީޑަރު އަލީ ޚާމަނާއީ އެވެ. އަދި ރައީސް ބެލެވޭނީ ސަރުކާރުގެ ދެވަނަ ކޮމާންޑުގެ ގޮތުގަ އެވެ.
އަދި ކުއްލި ޙާލަތެއްގައި ރައީސް އަވަހާރަ ވެއްޖެ ނަމަ، 1 ވަނަ ނައިބު ރައީސް ވެރިކަމާ ހަވާލުވެ، 50 ދުވަހުގެ ތެރޭގައި، އާ ރައީސަކު އިންތިޚާބު ކުރަން ޖެހެއެވެ.
އެހެން ކަމުން، މިއަދުގެ ހެލިކޮޕްޓަރު ހާދިސާގައި ރައީސް، އިބްރާހީމް ރައިސީ އަވަހާރަވެއްޖެ ނަމަ، ވަގުތީގޮތުން ނައިބު ރައީސް، މުހައްމަދު މޮޚްބަރު ރައީސްގެ މަގާމަށް އަންނާނެ ކަމަށް ނޫސް ތަކުން ދަނީ ރިޕޯޓުކުރަމުންނެވެ.
Advertisement
This content is created and paid for by advertisers and does not involve Voice Journalists
