ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކާމިޔާބުގެ އެންމެ ބޮޑު ސިއްރަކީ އެ މަނިކުފާނުގެ ތެދުވެރިކަމާއި އިޚްލާޞްތެރިކަން ކަމުގައި ޑރ. މުހައްމަދު މުއިއްޒުގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.

މިއަދު އެކްސްގަިއ ކުރެއްވި ޕޯސްޓެއްގައި އަބްދުއްރަޙީމް ވިދާޅުވީ ޑރ.މުޢިއްޒުގެ ކާމިޔާބުގެ އެންމެ ބޮޑު ސިއްރަކީ އެ މަނިކުފާނުގެ ތެދުވެރިކަމާއި އިޚްލާޞްތެރިކަން އަދި ރިވެތި އަޚްލާގާއި މަޑުމައިތިރި މިޒާޖުކަމަށެވެ.

އަދި ވެރިއެއްގެ ކިބައިން ރައްޔިތުން ދެކެން ބޭނުންވާނެ އެންމެ މުހިންމު ސިފަޔަކީ ތެދުވެރިކަމާއި އިޚްލާސްތެރިކަމުގެ މާތް ސިފަކަމަށްވެސް އަބްދުއްރަޙީމް ވިދާޅުވިއެވެ.

Advertisement

https://x.com/banafsaa/status/1792207974305550385

އަބްދުއްރަޙީމް އިތުރަށް ވިދާޅުވީ ތެދުވެރިކަމާ އިޚްލާސްތެރިކަމުގެ ސިފަ ހަގީގީ މާނައިގައި ވެރިއެއްގެ ފަރާތުން ފެންނަން ފެށުމުން ރައްޔިތުންގެ ގަދަރާ އިޙްތިރާމް އެ ވެރިއަކަށް ލިބެމުންދާނެ ކަމަށާއި، ރައްޔިތުންގެ ހުސްވުމެއްނެތް ލޯބި ލިބޭނެ ކަމަށެވެ. އަދި ހަމަ އެހެންމެ އެ މަންޒަރު ވާދަވެރިންނަށް ފެނުމުން ޙަސަދަވެރިކަން ހައްދު ފަހަނައަޅާދާނެ ކަމަށްވެސް އަބްދުއްރަޙީމް ވިދާލުވިއެވެ.