ބައިނަލްއަޤުވާމީ ކަނޑުތަކުގެ ދުވަހާ ދިމާކޮށް ޚާއްސަ މޫދު ޙަރަކާތްތަކެއް ހިންގަން މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ނިންމައިފިއެވެ.

މިއަދު މަސްވެރިކަމާ ކަނޑުގެ ވަޞީލަތްތަކާ ބެހޭ ވުޒާރާއިން ވިދާޅުވީ، ބައިނަލްއަޤުވާމީ ކަނޑުތަކުގެ ދުވަސް ކުލަގަދަކޮށް ފާހަގަކުރަން އެ ދުވަހާ ގުޅިގެން އެ ވުޒާރާއިން ގިނަ ހަރަކާތްތަކެއް ހިންގަން ރާވާފައިވާ ކަމުގައެވެ.

އެގޮތުން ”ކަނޑުރޯދި އުފާ“ ގެ ނަމުގައި ޚާއްސަ ފެސްޓިވަލެއް ބޭއްވުމަށް ނިންމާފައިވާއިރު، ދުވަހާ ގުޅޭ މީސްމީޑިޔާ ސުވާލުމުބާރާތެއްވެސް ކުރިއަށް ގެންދަން ވަނީ ހަމަޖެހިފައެވެ.  

Advertisement

މީގެ އިތުރުން ކުރެހުމުގެ މުބާރާތަކާއި، މަޒުމޫނު މުބާރާތެއްގެ އިތުރުން، މަސްރޭހެއް ބޭއްވުމަށް ހަމަ ޖެހިފައިވާ ކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ވިދާޅުވެއެވެ. 

ކޮންމެ އަހަރެއްގެވެސް ޖޫން މަހުގެ 8 ވަނަ ދުވަހަކީ ބައިނަލްއަޤްވާމީ ކަނޑުތަކުގެ ދުވަހުގެ ގޮތުގައި ފާހަގަ ކުރާ ދުވަހެވެ. މިއަހަރު މި ދުވަސް ކުލަގަދަކޮށް ފާހަގަ މަސްވެރިކަމާ ކަނޑުގެ ވަސީލަތްތަކާ ބެހޭ ވުޒާރާއިން ވަނީ ގިނަ ހަރަކާތްތަކެއް ރާވާފައެވެ.